M.P. et L., « armez — ainsi que
que chascun vouldroit porter ; mais, qu'ilz fussent de mesure.
Or, vous advez oy comment le bastard de Bourb(»i, josne enfant, pour ce que le duc de Bourbon désiroit luy baillier bruit et congnoissance , le fist chief des quatre Franchois ; et, de la partie des Bourguignons, fut capitaine ung très puissant et bel chevalier, nommé Cotte Brune, qui depuis fut mareschal de Bourgoingne; et en sa compaignie trois nobles hommes natifs du royaulme de Portingal, lesquelz estoient serviteurs du duc de Bourgoingne. Et se fist rassemblée, à plains champs, entre Arras et la ville de Lens. Et, ce jour de l'assemblée, fut le bastard de Bourbon bien accom* paignié de chevaliers et escuiers, lesquelz avoient sceurté et saufz conduit du duc de Bourgoingne ; et pareillement Tavoient, les Bourguignons, duroy.
A l'assembler, s'entrefeirent grant feste, tous, excepté ceulx qui les armes faisoient, qui ne parlèrent les ungs aux aultres jusques aux armes faictes. Cotte Brune, qui grant et puissant estoit, avoit fait aporter grosses lances à merveilles, et les plus beaulx fers de lances que jamais on povoit veoir. Mais, quant il sceult que il avoit affaire à ung enffaht, il trouva manière d'avoir lances gracieuses, desquelles il fist ses armes à l'enconstre du bastart de Bourbon , si gracieusement que nulz ne fu bleschié. Après le bastard de Bourbon et Cotte Brune, fist armes Alardin de Monsay, lequel estoit monté sur ung moult beau destrier que le duc Loys de Bavières avoit donné au duc de Guienne. AUardin de Monsay, qui dessus estoit, fist armes contre ung Portingalois ; et , à chascune course que ledit AUardin couroit, désarmoit son homme du cop de
lance ; et jusques à quatre courses 4e fist. Mais, à la v®^, le Portingalois assist la lance droit au milieu de la teste du bon cheval que Âllardin chevauchoit ; duquel cop je oy ^ dire que il morut : et, par ainsi, Allardin et son compaignon n'en firent plus.
Le iij® se nommoit Yirennes, escuier du duc de Bourbon, qui fist ses armes contre ung Portingalois, qui furent merveilleusement ruddes ; et, à la vj® course, le gentil honrune Franchois eust Tespaulle sénestre perchieS et la lance rompue dedens le hamas. Et par ainsi n'en firent plus. Le iiij® estoit aussi de l'ostel du duc de Bourbon, et se nonmioit Gongnet, qui fist aussy contre ung Portingalois ; lesquelz feirent tant ruddement que merveilles estoit à les veoir. Le Portingalois estoit monté sur ung bon destrier et bel, lequel chut en la place tout mort , sans savoir de quoy ce fust , synon que, au cheoir, il eult le col rompu. ToutejQFbiz, le Portingalois renouvella de cheval, et parfirent leurs courses; mais, à la derraine course, le Portingalois assist la lance en la celle du Franchois, laquelle fut faulsée toutte oultre et le harnas jusques au sang. De laquelle blécheure fut grant bruit ; et disoient les Bour^ guignons qu'il estoit mors. Touteffoiz, je ne sceus oncques riens que ainsi fust ; et, s'il morut, ce ne fut pas d'ung mois aprèâ ; car il s'en r'ala du siège avec le duc de Bourbon son maistre.
Après les armes faictes, chevaliers et escuiers
