CHAPITRE LXU
Du trespas de W aller and ^ conte de Sainlr-Pol et de Ligntfj et de ses héritiers; et comment le duc de Guienne emporta les finances de la reynne^ sa mèrCj et emprist le gouvernement du roy et royaulme.
Le xix® jour d'avril, mil mi*^ et xv, morut en la ville d'ivix, en la duchie de Luxembourg, le conte Walleran, conte de Ligny et de Saint-Pol, soy-disant encores connestable de France, et fut enterré en l'église Nostre- Dame en ladicte ville d'ivix, devant le grant autel, non obstant que, par son testament, il eult ordonné estre mis et enterré en l'abbaye de Cercamp, dont ses prédécesseurs les contes de Saint-Pol furent fondateurs. Dame Bonne de Bar, seur au duc de Bar, fut sa seconde femme. Après la mort d'icellui conte, furent ses héritiers les deux fîlz du duc Anthoine de Brabant dont devant est parlé, qui eut espouse la fille du conte Walleran, dont Jehan de Brabant et Phelippes de Brabant yssirent. En ce mesme mois, la roynne et le duc de Guienne estoient en la ville de Melun, avec eulx pluiseurs des princes du royaulme de France. Mais
secrètement, à peu de gens, de là se party le duc de Guienne et s'en alla à Paris, et fîst savoir aux princes, qui avec la roynne estoient, qu'ilz s'en r'allassent à leurs hostelz, tant que le roy ou lui les manderoient.
Le duc de Guienne sachant que la roynne, sa mère, avoit grans finances es hostelz de Michault de Laillier, Guillame Sanguin et Picque de la Haye, fist prendre toutes icelles finances et porter en son hostel. Puis après, manda et assembla ceulx de l'université de Paris, les prévosts de Paris et des marchans et pluiseurs bourgois de la dicte ville, ausquelz il fist remonstrer, par l'évesque de Chartres, comment le royaulme et le roy, son père, estoient gouvernez ; comment le duc d'Anjou avoit osté le trésor du roy Charles le Quint, son grant père, porté et despendu en Italye; en après les ducz de Berry et de Bourgoingne, Phelippe ; en après, le feu duc d'Orléans, et duc Jehan de Bourgoingne lors vivant ; par lesquelz toute la finance de son grant père et du royaulme ont esté prinses et exillées, en disant qu'il estoit aisné filz de France, et que plus ne vouloit souffrir telle destruction de biens du royaulme; en faisant déclarer que, pour le bien publicque du royaulme, il avoit prins et prenoit le gouvernement de icellui, en le notiffiant à eulx et à tous aultres à qui il appertenoit ou povoit appertenir.
Après lesquelles remonstrances, se départirent ceulx qui là avoient esté assemblez, très contens du gouvernement que le duc de Guienne avoit prins , véant l'occupation de la maladie que le roy avoit. Or est vray que, après ce que la chose fut sceue du gouvernement de mon dit seigneur de Guienne, le duc de Berry s'en alla en sa conté d'Estampes, le duc d'Orléans à Bloys,
21 i CHRONIQUE DE JEAN LE FÉVRE [1 41 5]
elle duc de Bourbon en Bourbonnois ; et le duc de Bourgoingne estoit en Bourgoingne. Ainsi demoura le duc de Guienne fort asseulé du sang royal, et ne demora avec luy que le conte de Richemont. Et, quant au roy , il estoit mallade en son hostel de Saint-Pol, à Paris. Le duc de Guienne manda la ducesse, sa femme, laquelle estoit avec la royne , et le fist aller à Saint-Germain en Laye.
