CHAPITRE LXXV

Comment le roy de France fut adverty de la battaille que les princes de son sang avoient perdue : comme au^si fut mandé le duc de Bourgoingne^ qui^ à grant puissance d'armes y tira vers Paris ^ où il ne peult entrer; et du trespas du duc de Guienne; et comment le conte d'Erminacq fut fait connestable de France.

Assez tost après que le roy d'Angleterre ot obtenu la victoire sur les François, au lieu d'Agincourt, les nouvelles furent portées à Rouen, devers le roy, de la doloreuse adventure et perte de ses gens. Sy ne fault pas doubler que le roy et ses gens, princes et aultres, orent au ceur grant tristesse. Néantmoins, dedens

certains jours après, le roy retourna à Paris, et, en la présence du roy Loys, du duc de Guienne, de Berry, de Bretaigne et de pluiseurs aultres de s<hi sang et conseil , constitua et establit le conte d'Ërminacq connestable de France, et manda cellui hastivement où pays de Languedoch, où il estoit, à venir devers luy. Aussi furent portées les nouvelles au duc de Bourgoingne qui, lors, estoit en son pays de Bourgoingne. Pourquoy, pariellement comme les aultres princes, il fut très dolent et très fort desplaisant, par espécial de ses deux frères, le duc de Brabant et le conte de Nevers. Mais, ce non obstant, se prépara, sans délay, à toute diligence et à grant puissance, pour aller à Paris ; en sa compaignie le duc de Loraine et bien dix mille chevaulx. Pourquoy,les Parisiens, doubtans le duc de Bourgoingne, envoyèrent à Melun devers la royne de France qui là estoit mallade, laquelle, de là, se fist pocter par pluiseurs hommes de piet à Paris, et se loga à l'ostel d'Orléans avec la ducesse de Guyenne, fille au duc de Bourgoingne.

Et est vray que aucuns Parisiens et aucuns officiers du roy, qui avoient esté favorables à la partie d'Orléans, le doutoient très fort, pour ce qu'il avoit en sa compaignie pluiseurs de ceulx qui avoient esté banis et enchassiés de Paris ; c'est assavoir, messire Elyon de Jacqueville, messire Robinet de Mailly, maistre Eustasse de Lattre, maistre Jehan de Troyes, Caboche et Denisotde Ghaumont, Garnet de Saint-Yon et pluiseurs aultres. Et pourtant traictèrent si bien devers le roy que messire Clugnet de Brabant, le seigneur de Barbasan et le seigneur de Bocqueaulx furent mandé à venir à Paris, à tout grant nombre de gens d'armes, pour la

sceurté d'icélle et aussi pour accompaignier le duc de Gui^ine. Et, avec ce, fut mandé, de rechief, le conte d'Ërmînacq qu'il venist à tout la plus grant puissance qu'il pouroit finer.

Le duc de Bourgoingne passa par Troyes et s'en vint à Provins et à Meaux en Brie ; auquel lieu on luy refusa entrée par le commandement du duc de Guyenne, qui leur avoit rescript que^pas ne laissassent dedens le duc de Bourgoingne. Et pourtant s'en alla à Laigny sur Marne et se loga dedens la ville. D'aultre part, se misrent sus pluiseurs capitaines, à grant puissance, ou pays de Picardie; c'est assavoir, Martelet du Maignil, Féry de Mailly, Ector et Phelippe de Saveuses, messire Maury de Saint-Légier, messire Payen de Beaufort, Loys de Warignies et pluiseurs aultres ; lesquelz, fort dégastant le pays, allèrent par le pont au Vaire jusques au lieu de Laigny, devers le duc de Bourgoingne qui mandé les avoit. Et tant multiplia sa compaignie qu'ib furent bien vint mille chevaulx, ou plus.

Durant lequel temps, le roy Loys, sachant que point n'estoit amés du duc de Bourgoingne pour la cause du renvoy de sa fille, se party de Paris tout malade et s'en alla à Angieres. Mais, avant son partement, se vault submectre de leur discord sur le roy et sur son grant conseil, moyennant qu'il fust ouy en ses defFences. A quoy le duc de Bourgoingne ne vault entendre ; mais fist responce à ceulx qui pour ceste cause estoient venus devers luy, que, du tort et blasme que le roy Loys avoit fait à lui et à sa fille, il l'amenderoit en temps et en lieu, quant il pourroit. Le duc de Bourgoingne, de Laygni sur Marne, où il estoit, envoya devers le roy, à Paris, messire Jehan de Luxembourg, le seigneur de

272 CHRONIQUE DE JEAN LE FÉYRE [i4l 5]

Saint-George et pluiseurs aultres qui exposèrent plainement au conseil du roy la cause de sa venue, en faisant leur requeste qu'il peusist en Paris entrer, à toute sa puissance, pour la sceurté de son corps. Mais sur ce ilz n'orent aucune responce, sy non que Iç roy envoyeroyt brief responce devers le duc de Bourgoingnè; lequel y envoya maistre Jehan de Wailly, président en parlement, et pluiseurs aultres ambassadeurs du consiel du roy. Mais, en la fin, il ne peult finer d'entrer en Paris, à puissance; ains luy fut dit que s'il y vouloit aller, à son simple estât, le roy et son conseil en estoient bien contens, et non aultrement. Ce que le duc de Bourgoingnè n'eust jamais fait, car bien savoit que ceulx qui gouvemoient le roy estoient ses mortelz ennemis, M ne s'i fust pour riens fié.

Or, est ainsi que les Parisiens et principallement ceulx de l'Université, veans que de jour en jour pluiseurs maulx et desrisions se multiplioient entre les seigneurs du sang royal et ceulx de leur conseil, l'un contre l'autre, à la grant destruction du royaulioe et du povre peuple, allèrent ung certain jour en grant multitude devers le duc de Guyenne, où estoit son frère, nommé le duc de Touraine, le duc de Berry et pluiseurs aultres grans seigneurs et gens d'église, demandans audience de parler. La quelle obtenue, le premier président en Parlement, commença à parler et dist, pour son theusme, ce qui s'ensieult : Domine^ salva nos, perimus; c'est à dire : € Saulve nous, car nous péris- € sons; ]> et est escript au cappitre de saint Mahieu. Lequel président clèrement l'exposa en touchant cément et élocquentement pluiseurs conclusions^ en dé-

clarant les ppincipaulx malfaicteurs du royaulme troublans et opprimans le povre peuple.

Après la Hri de laquelle proposicion, le duc de Guyenne promptement respondy, etprist paroUe de filz de roy : que doresnavant les malfaiteurs du royaulme, de quelque estât qu'ilz fuissent, seroient pugnis selon leurs démérites, et que justice seroit faicte, réparée et gardée, et que le clergié et le peuple seroient tenus eh pais. Mais, tantost après, le bon duc de Guyenne, qui par cours de nature devoit estre, après la mort du roy son père, roy; qui avoit grant désir, comme raison estoit, de faire bonne justice et de tenir le peuple en paix, acoucha mallade des fièvres, dont il alla de vie à trespas, le xviij® jour de décembre, en l'ostel de Bourbon ; pour la mort duquel furent faiz grans pleurs et lamentacions de pluiseurs seigneurs et aultres, ses serviteurs. Sy fut gardé son corps, oudit hostel, en ung sarcus de plong, par Tespasse de iij jours; et là vindrent tous les coUiéges de Paris pryer pour luy. Et, depuis, fut porté à Saint-Denis, où les roys ont leurs sépultures.

En après, viij jours ensuivant, le conte d'Erminacq entra à Paris à recevoir l'office de connestable et Tespée, de la main du roy, en faisant sérement solempnel, comme il est de coustume de faire; et là remercya humblement le roy de l'onneur que il luy portoit et faisoit. Quant le conte d'Erminacq ot fait le sérement de connestable, il assembla gens d'armes, tant qu'il se trouva de v à vj°* combatans pour résister allencontre duducdeBourgoingne, et fist mectre en pluiseurs lieux garnisons ; et doubtans les Bourguignons, fist rompre pluiseurs pons et passages. En ce temps' fut m^ssire I 18

27i CHRONIQUE DE JEAN LE FÉVRE [1 41 5]

Jehan de Grossay, de par le roy , ordonnez maistre des arbalestriers de France, messire Thomas de Largies, bailly de Yermendois, le seigneur de Humbercourt, baîlly d'Amiens, et messire Brunet de Baines, bailly de Tournay. Et pariellement furent fais, par le roy, pluiseurs officiers en France.

En icelle saison, le duc de Bretaingne ala à Paris, pourtraictier, devers le roy, que le duc de Bourgoingne peust aller devers luy à toute sa puissance ; laquelle chose il ne peult impétrer ; et pourtant retourna assez tost en Bretaingne. Mais, avant son partement, se courroucha moult fort à messire Taneguy du Gastel, prévost de Paris, et lui dist pluiseurs injures, pour ce qu'il avoit fait mectre en prison, ou Ghastelet, le menistre des Maturins, docteur en théologie , lequel avoit fait devant le peuple de Paris une proposicion de par le duc de Bourgoingne. Et, brief ensuivant, le prévost le délivra francq et quicte.

GHAPITRE LXXVL

Du retour du duc de Bourgoingne en son pays de Flandres y et comment il alla visiter ses deux nepveux^ Jehan et Phelippe, fih de son frère Anthoine, duc de Brahant^ qui morut à la battaille d'Agincourt; et des gens de guerre qui gastoient le pays deSanters^ qui furent rués jus par le commandement du roy de France.

Après que le duc de Bourgoingne ot esté, bien x sepmaines, à Laigny sur Marne, veant que par nulz moyens

il ne povoit impétrer devers le roy pour entrer dedens Paris, à simple estât, se party de là et print son chemin à Dampmartin, à Rains, en Lannoys, en Terraisse et Gambresis, à Douay et à Lille ; et tousjours avoit grant nombre de gens d'armes avec luy , dont le povte peuple estoit fort oppressé. ToutefiFoiz, à son partement de Laigny, fut poursuys par aucuns des souldroirs du roy, lesquelz vers le pont à Vaire prinrent et occirent des gens, dont il fut mal content. Et pour sa longue demeure dedens la ville de Laigny, les Parisiens et aultres le nommoient, en commun langaige, Jehan de Laigny. Et après, quant il fut retourné en sa ville de Lille, il s'en alla en Brabant visiter ses deux nepveuz ; c'est assavoir, Jehan et Phelippe, filz au duc de Brabant ; et lors prinst avec luy Phelippe, le maisné filz, auquel avoit esté ordonné, pour partage, la conté de Saint-Pol et de Ligny, et toutes les terres qui furent au conte Walleran de Saint-Pol, père de madame leur mère; et, de Brabant, le duc de Bourgoingne retourna en son pays de Flandres, où il ordonna le seigneur de Fosseux, capitaine de Picardie, à faire retraire tous ses capitaines et leurs gens d'armes hors de son pays d'Artois et des mectes environ.

Et pour ce que les aucuns travailloient moult fort les pays du roy, le xxiiij® jour de janvier, par nuyt, Remonnet de La Guerre, le prévost de Compeingne et le seigneur de Bosteaulx, gouverneur de Vallois, par le conunandement du roy et de son conseil, assemblèrent secrètement grant nombre de gens d'armes, et furent au logis de messire Martelet du Maisnil et Féry de Mailly, qui estoient logiés ou pays de Santers, en aucuns villages, à tout bien vj^ honunes, faisant grant

desrisions sur le pays; lesquelz furent tous mors, prins et destroussés, sinon ceulx qui eschappèrent par fuicte. Et furent messire Martelet et Ferry de Mailly prins prisonniers et menés à Gompeingne. ToutefFoiz, le jour de la Purification Nostre-Dame, messire Martelet et iiij aultres gentilz honunes, après ce qu'ilz orent esté questionnez des officiers du roy, furent pendus au gibet de Gompeingne ; et Ferry de Mailly, par le moyen d'aucuns de ses bons amis, fut mis à plaine délivrance.