CHAPITRE LXXXIII
Comment le diic de Bourgoingne escripvit lettres à pluiseurs villes du royaulme [de France] pour remectre le fdy^ en sa liberté, et pour le bien publicque du royaulme; et comment la royne fut envoyée par le roy à Tours en Tour aine, avecques trois gouverneurs qui le tenoient bien cours.
Le duc de Bourgoingne, qui désiroit avoir le gouvernement du roy et du royaulme, envoya ses lettres en pluiseurs bonnes villes du royaulme, par lesquelles il remonstroit comment, pluiseurs et diverses foiz, paix avoit esté faictes en France, laquelle il avoit tousjours de son povoir tenu et vouloit tenir ; mais, de l'autre partie avoit esté enfrainte en pluiseurs et diverses manières; comme par avoir mis gens prisonniers, décapitez, pendus, noyés ; les deux enfans de France empoisonnés , c'est assavoir, le duc de Guyenne et le duc de Touraine, daulphin de Viennois ; et de jour en jour destruisoient le roy, tant par mengeries de gens d'armes que par pluiseurs grans tailles et exactions. Et après toutes ces grans remonstrances, requéroit à ceulx des bonnes villes, nobles et aultres, qu'ilz le vaulsissent aidier à délivrer et à mectre en franchise le roy, qui estoit détenus par iceulx robeurs et des-
truisans du royaulme, estrangiers et non du sang royal ; et pluiseurs aultres remonstrances que le duc de Bourgoingne leur faisoit, en disant qu'il avoit ferme espérance en Dieu, qui congnoit le secret des ceurs des hommes, de venir à la conclusion de garder et observer la noble maison de France, par le moyen des bons et loyaulx subgectz du roy; lesquels il avoit intencion de secourir et aidier en toutes manières de noblesse, francises et libertés, et tant faire que plus le peuple ne payeroit tailles, aydes, imposicions, gabelles, et aultres exactions, comme luy requiert le noble royaulme de France ; et contre ceux qui vouldroient aller au contraire, y procéderoit par voye ennemie contre eulx, par feu et sang, soient uni versitez, communaultés , cappitres, colliéges nobles et tous aultres de quelque estât ou condicion que ilz soient.
En ce mesme temps, la roy ne estant au bois de Viencennes, où elle tenoit son noble estât, le roy estant vers elle, ainsi qu'il retournoit à Paris, envers le vespre, il encontra messire Loys Bourdon allant de Paris au bois, lequel, en passant assez près du roy, lui fist la révérence, et passa oultre assez légèrement. TouteflFoiz, le roy le congneut ; si ordonna au prévost de Paris qu'il allast après lui, le prinst et en feist bonne garde, tant que autrement y auroit ordonné. Laquelle chose fut ainsy faicte. Et après, par le commandement du roy, fut questionné, puis fiit mis en ung sacq de cuir et gecté en Saine ; sur lequel sacq avoit escript : « Laissiez passer la justice du roy >.
En brief jour après, fut ordonné, de par le roy, que la royne s'en iroit à Tours en Touraine, en sa cômpaignie sa belle seur, ducesse de Bavière, et à tout son
simple et petit estât. Et luy furent baillié, pour le conduire, maistre Guillame Thorel, maistre Jehan Picart et maistre Laurens du Puch, sans le conseil desquelz elle ne povoit riens besoîngnier, escripre, ne faire quelque chose. De laquelle ordonnance elle fut forte desplaisante; et, avec ce, ceulx qui le gouvernoient, lui avoient osté tout son argent, joyaulx et richesses.
