CHAPITRE LXXXVIIL
Comment le duc de Bourgoingne escripvitj de rechiefj lettres à pluiseurs bonnes villes^ et envoya ungne cédulle qui contenait la soubstance de la proposicion que ceulx du concile lui avoient fait faire par ung docteur. Comment il s'en alla vers Tours au mand de la roynCy laquelle il ramena à Chartres.
Le duc de Bourgoingne envoya pluiseurs lettres à pluiseurs bonnes villes pour les actraire à son amour; par lesquelles ses lettres il leur remonstre le mauvais gouvernement du royaulme, par la coulpe de ceulx qui sont entour le roy et le daulphin, et conmient, pour remédyer à tant de inconvéniens qui en viennent, il s'est mis sus en armes . Et jà ^oit ce que il ait fait par pluiseurs foiz sommer et advertir les gouverneurs, pour mectre remède et réparacion au royaulme, néantmoins il n'y ont oncques voulu entendre ; mesmement, puis
uDg peu de temps, lui estant logié près de Paris, avoit envoyé à Paris pour avoir accès et audience devers le roy, en luy offrant service de corps et de biens et de toute sa puissance. Mais, son hérault ne put parler au roy, et luy furent ses lettres rendues, et luy fut dit qu'il n'y retournast plus. Pourquoy son intendon est de poursuyr son entreprise, quelque chose qui lui en puist advenir, jusques ad ce qu'il y ait bonne reformadon ou royaulme, et que lesdis incon véniels cesseront, et que la marchandise puist avoir cours ou royaulme, et que justice soit maintenue, et, mesment, actendu qu'il est déclairet par le saint condlle de Ronune que à luy appertient avoir recours es besoingnes du royaulme. Et, finablement, les sommoit par ses lettres, ou nom du roy, et leur pryoit et requéroit que ilz vaulsissent avoir advis sur les choses dictes, et prendre avec lui une bonne conclusion, honnourable pour le roy, sy que ses subgetz puissent de lors en avant vivre en paix et en justice.
La substance de la céduUe enclose esdictes lettres estoit telle que ung docteur, nonuné maistre liévin Neuclin, vint devers luy et lui présenta lettres de crédence que lui envoyèrent les doyens des évesques, le doyen des prebstres, le doyen des diacrea cardinauk estant oudit concilie. Lequel docteur, venu devers luy, commença sa proposicion : Domine, refugium fœtus es nobis; c'est à dire : c Sire, en ce temps de déluge, c tu es nostre refuge. > Et puis, en déduisant la matière, compara le saint collège au roy David, et luy dist la manière qu'ilz tenoient au concilie, pour venir à l'union de l'Église, et que toute la chrestienté estoit unie , excepté ung grain de blé en ung bdoel ; et
nomma pour ce grain le conte d'Erminacq, qui tenoit encoires la partie de Pierres de la Lune ; lequel néantmoins estoit déclairé scismaticque et héréticque, et tous ses adhérens, favorissans, suspectz de scime et de hérésie.
Dist, oultre, qu'il estoit envoyé non pas à lui, comme au duc de Bourgoingne, mais à lui comme à cellui qui représente le royaulme de France, et à qui en appertient le gouvernement, et non pas au roy, actendu son empeschement de maladie, ne à son filz, actendu son josne eage, ne au conte d'Erminacq, pour ce qu'il est réputé scismaticcfue. Puis, fist ledit docteur trois requestes au duc de Bourgoingne. La première fut qu'il vaulsissent avoir le saint concilie et le pape pour recommandez: la seconde que, se aucuns avoient escript contre le saint concilie et coUiége, qu'ilz n'y vaulsissent point adjouster foy ; et la tierce que il vaulsist avoir et tenir pour agréable tout ce qui seroit fait au concilie, tant sur élection de pappe, conmie sur la réformacion de l'Église.
Après ce que le duc de Bourgoingne eult esté une espasse de temps à Mont Lehéry, il s'en alla devant Corbœul et le assiéga de l'uii des costés ; qui fut une grande folie. Car tousjours alloient gens, de Paris en la ville de Corbeul, sans dangier. Et s'il y eult esté cent ans, ainsi qu'il y estoit, il ne l'eust point eu. Si leva son siège [et s'en alla à Chartres. La cause pourquoi il leva son siège ^] si soudainement, fut principallement pour ce que la royne, estant à Tours si court tenue, comme devant est dit, luy envoya pryer par ung sien
