M. P. et L., f communs

inhumainement sur la cauchée, et là les desvétirent. Et estoit le plus principal d'iceulx tirans nommé Capeluche, lequel estoit bourel de Paris.

Lors j le duc de Bourgoingne , veant les desrisions et inhumanitez d'iceulx meschans gens, fist cryer qu'ilz se cessassent de plus pillier ne tuer, sur paine de perdre la vie, et qu'ilz se préparassent d'aller asségier Mont Lehéry, où estoient les ennemis. Us respondirent que ce feroient-ilz voulentiers, mais qu'ilz eussent capitaine pour eulx conduire. Et lors leur fut ordonné le seigneur de Gohem et aucuns aultres, lesquelz en menèrent bien vj°* hors de la ville, jusques à Mont Lehéry. Mais, entretant qu'ilz estoient là, le duc de Bourgoingne fist prendre aucuns de leurs complices qui estoient demourez, et les fist les testes copper et aucuns noyer. Capeluche, entre les aultres, eult la teste trenchie. Dont aussitost que ceulx du siège eulrent les nouvelles, ilz s'en retournèrent à Paris pour faire pis que devant. Mais, on leur ferma les portes, et les fist on retourner à leur siège. Assez tost après, ilz furent remandès, pour ce qu'ilz y avoit aucuns ambassadeurs qui traictoient leur appoinctement.

Madame la daulphine, du gré et consentement du roy, de la royne et du duc de Bourgoingne, fut renvoyée honnourablement de Paris à Angou, affin que le daulphin pour celle courtoisie s'enclinast pltistost à paix. Mais ceulx qui le gouvernoient ne luy eussent jamais conseillié. Aussi vint, devers le daulphin, le jeusne conte d'Erminacq grandement acompaignié, qui se complaint de la cruelle mort de son père. Et le daulphin luy respondit que dedens brief jour il luy en feroit bonne justice; et tantost après alla mectre le

siège devant Tours, laquelle ville luy fut assez tost rendue.

D'aultre part, le duc de Bourgoingne, qui faisoit ce qu'il vouloit es pays du roy , jà soit ce qu'il eust mis jus et fait cesser les aydes, néantmoins il les fist remectre sus soubz umbre de lever» le siège de Rouen. Et se furent les Parisiens requis de prester aucune somme d'argent, et prestèrent cent mille frans, par condicion qu'ilz auroient de chascune queue de vin que on vendroit à Paris xij deniers, et le receveroient par leurs mains jusques ad ce qu'ilz seroient remboursés dudit prest. Ainsi doncques revindrent les aydes en festes.