M.P. et L., « que je vous ay dict

dent en Parlement, et pluiseurs aultres notables gens, avec lesquelz conelud d'escripre aux bonnes villes qui tenoient le partie du roy et le sien, certaines lettres contenans que, comme ilz avoient tenu le party de son père, ilz voulsissent tenir le sien ; mandans à iceulx que ilz leur feroit impétrer trêves aux Anglois bien brief. Et leur fist savoir que ilz envoyassent de leurs gens à Arras, devers luy, le xvij® jour d'octobre, et que ceulx qui y seroient envoyez eussent toute puissance de besoingnier.

Alors, le duc, par grant délibéracion de conseil, pour soy fortiffier allencontre de ses adversaires, envoya ses ambassades à Rouen, par devers le roy d'Angleterre, afïin de impétrer unes trêves, certaine espasse de temps, pour tous les pays estans en l'obéyssance du roy et de luy. Quant furent venus à Rouen, trouvèrent les ambassadeurs du daulphin, qui desjà estoient venus pour avoir Iraictié et aljyance au roy d'Angleterre, en luy offrant les pays du duc et luy aidier à concquester, et avec ce la duchié de Normendie. Mais, quant le roy sceult les ambassadeurs du duc estre venus par devers luy, fut moult joyeulx et leissa les Daulphinois, qui moult doulens se partirent de ce que ainsi avoient faijjy de parvenir à leur entente. Les ambassadeurs du duc besoingnèrent, et tellement qu'ilz obtindrent unes trêves sur espérance de plus avant ^ procéder avec luy. Durant lequel temps les Daulphinois estans à Compiengne et sur les marches, et ceulx tenans le party du duc, reconunencèrent,

l. M. p. et L., « de plus oullre. »

382 CHRONIQUE DE JEAN LE fAVUE [1 41 9 ]

comme devant, à mener très forte guerre les ungs contre les aultres.

Après une espasse de temps le duc tint conseil : auquel conseil finablement fut conclud que, pour le mieulx, par la licence et congié du roy, U s'alliast au roy d'Angleterre, le plus brief qu'il pourroit. Et sur ce envoya de rechief ambassadeurs à Rouen, devers le roy d'Angleterre. Iceulx, là venus, furent bénîgnement receuz du roy d'Angleterre ; car moult désiroit avoir aliance avec le duc, pour ce que il sçavoit que parson moyen il pourroit avoir madame Catherine de France mieubc que par nul aultre. Quant les ambassadeurs du duc eulrent monstre les causes et articles pourquoy ilz estoient venus, le roy fist responce que dedens briefz jours il envoyeroit, devers le duc, de ses gens qui seroient chargiés de l'intencion qu'il avoit de faire. Après lesquelles responces retournèrent lesdis ambassadeurs à Arras, devers le duc, lequel là fist faire le service de son père, en l'église de Saint-Vaas, moult solempnellement. Et brief ensuivant vindrent, devers le duc, les ambassadeurs du roy d'Angleterre, et monstrèrent au duc aucuns articles contenant le traictié tel que le roy le vouloit avoir avec le duc. Sur lesquels furent bailliés pariellement ausdis ambassadeurs certains aultres articles, de par le duc.

Finablement, tant envoyèrent le roy d'Angleterre et le duc, l'un devers l'autre, qu'ilz vindrent à conclusion d'avoir bon appoinctement, ou cas que le roy et son conseil en seroient bien contens.

Pour icellui temps, le roy, laroyne et dame Catherine, estoient à Troyes en Gampaingne. Sur lesquels traictiés

dessusdis et appoinctemens, ainsi encommenchiés, fut ordonné que leurs gens ne feroient point guerre l'un à l'autre. Et furent les trêves de rechief confermées: et si fut appoinctié que le roy d'Angleterre envoyeroit ses ambassadeurs, en la coiliipaignie du duc, audit lieu de Troies, pour au surplus conclure des appoinctemens et conventions, et pour venir à toute bonne conclusion. Et avoit le duc intencion de y aller brief ensuivant.

Le duc se party de sa ville d'Arras, environ le mois de mars, où il laissa la ducesse, sa femme, et print son chemin à Saint-Quentin ; et là séjourna certaine espasse de temps en actendant son armée. Et là vindrent, devers luy, les ambassadeurs du roy d'Angleterre, tous en armes, jusques au nombre de cincq cens combatans ; desquelz estoient les principaulx les contes de Warwic et de Kint, et pluiseurs aullres, qui tous ensemble s'en allèrent avec le duc jusques à Troyes en Ghampaigne. Sy luy vindrent au devant pluiseurs grans seigneurs de Bourgoingne, et aullres notables bourgois de la ville de Troyes, qui luy firent grant honneur et révérence ; et fut convoyé d'iceulx jusques à son hostel. Et estoit le peuple en grant multitude par où il passoit, cryant « Noël, » à haulte voix.

En aucuns briefz jours ensuivant furent assemblez pluiseurs consaulx, en la présence du roy, de la royne et du duc, pour avoir advis sur la paix Qnable que vouloit avoir le roy d'Angleterre avec le roy. Finablement, après pluiseurs parlemens tenus avec les ambassadeurs d'Angleterre, fut conclud et accordé, en la faveur du duc, que le roy donneroit à Henry, roy d'Angleterre, madame Catherine, sa fille, en mariage; et, après ce, le feroit vray héritier après sa mort, et suc-

cesseur de tout son royaulme, luy et ses hoirs, en déboutant son propre filz et héritier, le daulphin, et aussi en adnullant la constitucion, jadis faicte par les roys de France et ses pers, en grant délibéracion; c'est assavoir que le noble royaulme de France ne debvoit succéder à femme, ne appertenir. Et mesmes, s'il ad* venoit que icelluy le roy Henry ne euist hoirs venant d'icellui mariage, par le moyen d'icellui traictié et accord, se demouroit-il héritier de la couronne de France, au préjudice de tous les royaulx qui en temps advenir y povoient ou debvoient succéder de droicte ligne. Et fut tout ce fait et accordé par le roy, en la présence du duc ; et avec ce le roy d'Angleterre se debvoit nommer régent et héritier de France, comme il fist.

Ce traictié fait en la forme dicte, s'en retournèrent les ambassadeurs d'Angleterre à Rouen, portans avec eulx la coppie dudit traictié, qui moult fut agréable au roy d'Angleterre. Et pour ce, au plus brief qu'il peult, prépara ses besoingnes en Normandie, et assembla ses gens pour aller à Troyes, pour confermer icellui traictié.

A Troies estoit demouré, de par le roy d'Angleterre, messire Loys de Robersart, pour acompaignier et visiter madame Catherine de France. Je lairay à parler du roy, et parleray du daulphin.