M. P. et L., « pour ceste fois

et aucuns aultres qui retournèrent en Picardie : et estoient bien xyj^ chevaulx, Jesquelz furent chassies de bien xiiij'" Daulphinois, dont Barbazan et Taneguy estoient chief ; lesquelz estoient assemblez pour lever le siège d'Alibaudiers. Mais le vidamc et ses gens se gouvernèrent si bien qu'ilz ne perdirent riens ; et s'en retournèrent les Daulphinois sans riens faire.

En ce mesme temps, le duc envoya aucuns de ses gens ou pays d'Auserois, pour mectre en l'obéyssance du roy et de luy aucunes forteresses que tenoient les gens du daulphin ; lesquelles, ou la pluspart, leur furent rendues et pluiseurs abattues et démolies, à la grant desplaisance du daulphin.