CHAPITRE n

La bataille du duc de Bourgoingne et des Liégois qui furent desconfis ^ et morts bien xxviij^ sans les prisonniers.

La bataille fu grande et bien combatue, tant d'ung costé que d'aultre ; et Dieu scet quelle fin firent Liégois, et quel domage les archiers de Picardie firent aux Liégois ! Car, en fin, furent Liégois desconfis, et là morurent, ainsy qu'ilz furent nombres, xxviij"^ Liégois, sans ceulx qui furent prisonniers ; et, des gens du duc de Bourgongne et du duc Guillame , environ vj^. Avant que les trois princes dessus nommés se partissent du païs des^ Liégois, firent à leur seigneur, l'esleu, plaine obéissance, comme plus à plain est déclaré es croniques sur che faictes.

Toutteffbis, il n'est pas à oublier les seigneurs qui furent en ycelle bataille avec les dessusdis trois princes, au moins, aucunne partie, lesquelz ne sont point mis par ordre, mais ainsi que les ay trouvés par escript.

Et, premiers, le conte de Namur, le conte de le Marcq, le prince d'Orenge, le conte de Clermont, le conte de Fribourg, messire Jehan de Namur, le seigneur d'Enghyn, le seigneur de Saint George, le seigneur de Croy, messire Jehan de Vergi, mareschal de Bourgoingne, le sénescal de Haynault, le seigneur de