M.P. et L
grans mandemans et vinrent à luy, de la part du duc Jehan de Bourgoingne, grant nombre de gens, entre lesquelz estoit le duc de Brabant, le conte de Pointé vre, le conte de Sain Pol ; et estoient nombres xv™ bachinés et xvij"^ honmies de trect ; dont TDle de France fust moult foullée et destruite. Et, de l'autre costé, les Orliennois estoient logiés au Mont Lehéry, à grant puissance, qui tant faîsoient de maulx que à merveiUez. Sy fu advisé quil estoit besoing de trouver quelque bon moyen entre les parties, ou aultrement tout le païs estoit perdu et destruit. Pour laquelle cause la royne ala devers les ducz d'Orliens, de Berri et de Bourbon, pour appaisier, se faire se povoit, les dififérens des parties. Mais, pour remonstrances quelle sceut faire, elle n'y sceut trouver accord, et s'en retourna à Paris , et les Orliennois s'en allèrent logier jusques es faubours de Paris, du costé vers le Mont Lehéry.
Si furent ceulx de Paris plus esmerveilliés que devant; par quoy la royne fust de rechief envoyée devers les ducz d'Orliens, de Berri et de Bourbon ; la quelle leur remonstra la desplaisance que le roy avoit de ainsy veoir son païs et son peuple destruire ; et que, à la vérité, se ilz ne se pacifident, le roy avoit intencion de déclarer touttes leurs terres confisquiés , et, de leurs corps, se tenir les povoit, en faire justice comme de ses anemis rebelles et désobéissans. Quelque chose que la royne sceut dire, ne se vauldrent accorder à traictiet nul, tousjours demandant justice du duc Jehan de Bourgoingne. En cel estât, retourna la royne disant que plus le roy ne renvoyeroit devers eulx, mais procéderoit contre eulx en toutte rigeur . La royne fist son raport ; et, véant le roy que les Orliennois fai-
22 CHRONIQUE DE JEAN LE FÉVRE [f 409]
scHent de mal en pis, conclud premièrement leurs terres confîsquiés ; et secondement d'entrer en bataille contre eulx aveuc ses aliés.
Le duc de Berri sceut la conclusion que le roy avoit prins ; pourquoy il envoya devers le roy, luy requérant qu'il fust content qu'il peust renvoyer devers luy, pour trouver aulcun bon moyen entre les parties. Le roy eult consiel de luy accorder sa requeste ; car il estoit trop desplaisant de veoir les seigneurs de son sang estre en telle division. Sy délaia la sentence que devant avoit ordonnée estre pronunchée, et dict que il vouloit que aucun bon traictié se trouvast entre eulx. Les ambassadeurs Orliennois et les gens du roy se trouvèrent ensemble, et si bien besongnièrent que appoîntié fii que les parties seroient d'accord, et que retoumeroient chascun en son païs, au moins de domage qu'eulx pouroient faire au païs du roy ; di ne demourroît aveuc le roy que le conte de Mortaigne ; et que [si]* le roy mandoit le duc de Berri venir devers luy, pariellement il manderoit le duc ^e Bourgoingne, affin que, se aulcunes ordonances estoient faictes pour le bien du royalme, que l'ung ny fust point appelle sans l'aultre ; comme ches choses sont plus [au long et] à plain déclarées es lettres, qui pour lors en furent faictes.
