CHAPITRE XXII

Comment lesFlamens retournèrent de devant Mon-didierj quoy que le duc de Bourgoingne leur feùt remonstrer^ et furent conduite en leur pais par le duc de Brabanty. frère au du^ de Bourgoingne.

Or fault parler du duc de Bourgoingne, et comment il s'en alla de Roie devant Mondidier, et là fut, par aucuns jourz, logiés. Là, se commenchèrent Flamens fort à taner de tenir les camps, et envoyèrent leurs capitaines devers le duc de Bourgoingne demander congié de retourner en Flandres ; disans qu'ilz avoient servi autant de temps qu'on leur avoit requis et que promis avoient. Le duc de Bourgoingne les cuida bien retenir, et par pluiseurs fois leur remonstra et fist remonstrer que ses ennemis estoient près de luy, et, de jour en jour, attendoit la bataille, en leur requérant qu'ilz vaulsissent demourer aveuc luy encores viij jours tant seullement. Les capitaines des Flamens assamblèrent leur commun, et leur remonstrèrent la requeste que leur faisoit leur seigneur naturel : mais, pour remonstrance nulle, n'y volrent demourer, et dirent

qu'ilz s'en iroient, et se prinrent à trosser tentes et aultrez bagues ; et tous se mirent à retour vers leurs païs. Quant le duc de Bourgoingne vit que remède n'y avoit, fu mouk dolans, disans que ses ennemis estoient à une journée de luy, [qui]^ diroient et publiroient partout qu'il s'en seroit fuy, et qu'il ne les osoit attendre.

Quant le duc vit le deslogement des Flamens , et qu'il demouroit bien esseulé, il ot consiel de soy retraire en Picardie, et ordonna le duc de Brabant, Ânthoine, son frère, pour remener et conduire les Flamens ou païs. Quant les Orléanois sceurent le deslogement des Flamens, et que le duc de Bourgoingne estoit retourné en Picardie , ilz en furent joeulx , et, par aulcun moyen, cuidèrent avoir le roy de leur parti, et tirèrent droit à Paris, pensant que les portes leur seroient ouvertes. Mais ilz trouvèrent le contraire ; car ceulx de Paris leur firent telle résistence, et si dure, qu'ilz les convint retourner vers Saint Denis ; laquelle leur fut rendue, et logèrent dedens.