M.P. et L., c pluiseurs lettres -^ adressans. j

50 GHRONIQUB DE JEAN LE FÉYRE [144 S]

quatre fîlz, et pariellement au duc de Bretaingne, au conte de Richemont, et aussi à pluisieurs aultres grans segneurs d'Engleterre.

Et si portoit frère Jacques Petit pluiseurs lettres de crédence esqueltes n'avoit nulle subsoription adpes^ sans au roy et à la royne d'Engleterre. Et furent ycelles lettres publicquement leutes; et, par icelles, nommoit le duc deBerri le roy d'Engleterre c mon très redouhté € seigneur et nepveu ; » et la royne c ma très re- < doubtée niepce et fille. > Et estoient signées de la propre main du duc de Berri ; et, eu ioelles qu'il envoyoit à la royne, avoit escript deux lignes de sa main. Ënoultre, là furent, présent le roy et les princes et tout le consiel, monstres les blans sellés des dessusdis ; et les tint le roy en sa main. Et si avoit une pettitte çédulle, par manière de libelle, contenant une foeuUe de papier ouquel estoit l'instruction dee^ dessusdis ambassadeurs ; et estoit contenu dédens comment ilz réciteroient les propositions faictes par la ducesse d'Orléans et ses enfans contre le duc de Bourgoiqgne pour la mort du duc d'Orléans; réciteroient aussi comment par pluiseurs fois, pour icelle mort, ilz avoient sommé et requis le roy à faire et avoir justice du duc de Bourgoingne, laquelle ilz n'avoyent peu obtenir, pour tant que le duc de Bourgoingne avoit tellement séduit le roy ; disant comment le duc d'Orléans avoit esté faulx et traitres coiQtre le roy et sa majesté. Et disoient aussi que le duc de Bourgoingne avoit séduit le peuple, espéciallement celuy de Paris; aussy fait courre langaiges que les dessus nommés volloient déposer le roy de sa couronne, et destruire sa génération ; che que estoit faulx et n'avoient oncques pensé.

Et si estoit aussy que le duc de Bourgoingne avoit mis en indignacion, divers le roy, Jehan duc de Bretaingne, pour la cause qu'il avoit rompu le voyage de Calais, et pluiseurs aultres choses que le duc de Bourgoingne vouloit faire contre le roy d'Engleterre , et comment il avoit séduit le peuple de Paris contre le roy et son fîlz de Guyenne ; que tout enthièrement ilz estoient gouvernet par leurs mains, et estoient devers eulx en telle subjection que à paines ozoient dire mot. Et aussi conunent ceulx de Paris, soubz umbre d'une bulle donnée par Urbain, pape quint, pour les grans compagnies qui estoient venues en France, les dessus nonmiés et tous leurs aliés, contre raison, avoient esté dénonchiez, exconmiuniez ; et conmient ilz avoient constraint l'ofïicial de Paris, par force, de faire procès contre euU, afïîn qu'ilz fuissent dénonchiés excommuniés et rengrévés ; et, après, que bien se gardassent lesdis ambassadeurs d'eulx descouvrir à homme d'Engleterre, s'ilz ne sentoient qu'ilz fuissent de la bende des dessusdis. Et, quant auroient dit publicquement au roy d'Engleterre che que dessus est touchié, se luy deissent qu'ilz avoient à parler à luy à part ; c'est assavoir conmie ceulx de Berri, Orléans, Bourbon et Âlenchon vouUoient du tout son bien et son honneur, et eulx alier aveuc luy, et luy aydeir et conforter à rencontre du duc de Bourgoingne, et aussi contre ceulx de Galles et d'Ibernie.

En oultre, lui deissent que, ou cas qu'ilz ne pourroient venir à leurs conclusions contre les Eschochois, que ilz s'y emploiroient de tous leurs povoirs ; et, se ainsy estoit qu'il ne se peult faire, ilz feroient tant que la paix seroit faicte entre luy et le roy. Et, en oultre.

que s'il y avoit aucunes terres sur la mer où il vausist faire aucunes demandes, ou avoir atdcuti droit, ilz feroient tant qu'il seroit content. Et luy deissent encore comment, par défaulte de justice, ilz venoient devers luy pour avoir droit et raison de la mari du duc d'Orléans, et comment, pour le nom de roy qu'il porte, luy apertient faire justice, et que che luy seroit plus grant honneur perpétuel, meismement de tant noble sang ^ conune estoit le duc d'Orléans. Et, se, luy deissent comment les dessus nommés le serviroient de tout leur povoir, luy et ses enfans, et aussy les siens, au temps advenir ; laquelle chose pouroient bien faire contre tous les plus puissans et plus nobles du roy aime de France. Et, en oultre, que les dessus dits ambassadeurs requissent au roy d'Engleterre d'avoir troix cens lances et iiij mille archiers, lesquelz on. payeroit pour quatre mois.

En après fut monstre par ledit cancellier de Guyenne ung petit traictié, lequel frère Jacques Petit avoit fait sus le gouvernement du roy de France, contenant pluiseurs articles ; et fu leu publicquement. Entre lesquelz estoit que sur chascun arpent de terre fût imposé une àyde qui seroit nommé fons de terre ; et, pariellement, que, en die royalme, on ayt greniers de bledz et d'avaine au proufit du roy ; et encores pluiseurs aultres choses que , pour cause de brief , je ne voel réciter, pour ce que les croniques de France en font tout au loing mention. Car, tant estoit grande la hayne de ces seigneurs contre le duc de Bourgoingne qu'il ne leur chaloit qu'il feissent pour estre vengiés de luy,

1, M. P. et L., c perpétuel — de tant noble sang. '»

et le mettre au desoubz. Meismement y avoit aultres lettres lesquelles publiquement furent leutes, contenans que n'avoit guerre de temps que les duez d'Orléans, aveue leurs aliés, estoient^ assamblés en la ville de Bourges ; et que là îlz avoient renouvelé leurs sermens en concluant destruire le roy et le duc de Bourgoingne,, et le duc de Guyenne, et la royne, et la bonne cité de Paris, si les vouloient aidier à l'encontre d'eulx, ou ilz seroient destruis et mors en la paine.

Quant le roy entendit ceste clause, de son propre movemçnt, moult fort plorant, respondi et dist : c Nous c véons bien leur mauvaise volenté ; pour quoy nous c prions et requérons à vous tous, qui estes de nostre c sang, que nous aidiés et consielliés contre eulx, car c il nous touche, et à vous aussy, et à tout nostre c royalme. > Et pariellement en pria tous les aultres là estans. Et, adont, le roy de Sézille se leva, en soy mettant à genoeulx devant le roy, et dist : c Sire, € pour l'honneur de vous et de vostre royalme, je c vous supplie qu'il vous plaise ceste besoingne bien c et diligenunent solliciter et avoir à cœur, car il est c grant nécessité. > Et pariellement firent les aultres ducz, contes, et aultres seigneurs, et se offrirent à servir le roy de toutte leur puissance. Et après ces besoingnes ainsy dictes, les matières dessusdictes furent publiées parmy Paris, et à pluiseurs données parescript.

En ceste an et meisme jour, Loys, duc de Bavière, frère de la royne, estant à Paris, fut suppechonnez

i. M.P. et L., t farent, »

1, M.P. et L. — M.B., c suppeckùms, »

54 CHROmQUÉ DE JEAN LE FÉVRE [1 41 2]

par les Parisiens avoir dit aulcunes parolles au roy et au duc de Guyenne en la faveur des ducz de Berri, d'Orléans et leurs aliez. Pour laquelle cause, et aussy pour doubte que ceulx de Paris ne luy feissent aulcun dangier, s'en partit et s'en ala en son pais, en Allemaigne ; et, assés tost après, le roy d'Engleterre fist crier, à son de trompe, en la ville de Calais, et aultres lieux et frontières de BouUenois à luy subjectes, que nulz de quelque estât qui fust de son obéissance, ne allast au royalme de France pour servir en armes, ne aultrement, sur paine de confiscation de corps et de biens. Ainsy que vous avès oy se demeurèrent les besoingnes en France. Après ces consaulx, lettres, instructions et aultres gloses, veues par le roy et son conseil \ le roy de Sécille, par l'ordonnance du roy, se partit de Paris, le mardi xxviij® d'apvril, moult bien accompagniés de gens d'armes, et alla mettre garnison par touttes ses villes et forteresses de ses païs d'Anjou et du Maine, à l'encontre des contes d'AIenchon et de Richemont.