Les deux manuscrits ont La Boche

allèrent tout droit devant luy disant en ceste manière : € Nostre très redoubté seigneur, véez cy les Parisiens, c non pas tous, qui vous requièrent, pour le bien de € vostre père et de vous, que vous leur faictes livrer € aucuns trayctres qui sont en vostre hostel, de préc sent. » Le bon duc leur respondy, par grant desplai-. sance, que il n'a voit nulz trayttres en son hostel, et que à eulx n'appertenoit pas ainsi aller vers luy. Iceubc bouschiers et meschans gens respondirent que ilz les vouloient avoir, et que pour le bien de luy ilz prende-i roient et pugniroient, selon leurs démérittes.

Le duc de Bourgoingne, en sa compaignie le duc de Loraine, sceurent ceste assemblée. Si, allèrent au duc de Guyenne ; mais, ce non obstant que le duc de Bour-. goingne fuist présent et auprès du duc de Guyenne, si ne laissèrent pas iceulx Parisiens à prendre pluiseurç hommes en son hostel ; et prinrent son chancellier, le duc de Bar, messire Jacques de la Rivière, les deux fils du seigneur de Boissay, Michiel de Vitery et son frère, les deux filz de messire Regnault d'Angennes, les deux frères du Maisnil, les deulx frères de Girasmes et Pierre de Naisson.

Quant le duc de Guyenne vit faire tel oultrage en son hostel, il fut moult troublé et dist au duc de Bourgoingne : c Beau père, ceste mutacion est faicte par € vostre conseil, et ne vous en povez excuser, car les « gens de vostre hostel sont avec eulx ; et soiez sceur € que une fois il m'en souviendra : tousjours n'yra € pas la besoingne à vostre plaisir. > Le duc de Bourgoingne respondyt : « Mon très redoubté seigneur, « vous vous informerez ; et, se Dieu plaist, vous en « sçaurez la vérité. » Toutteffoiz, les Parisiens enmie-

nèrent tous ceulx qu'ilz avaient pris, et les feirent mectre en diverses prisons. Et, après, allèrent quérir messire Raoul Bridoul; et, ainsi que on le menoit, l'un de ses hayneux le féry d'une hache, et le tua ; puis fut jecté en Sainne. Et, ce mesme jour, tuèrent ung tapissier, notable homme, nommé Martin Dane; et si tuèrent ung canonnier, nommé Watelet, serviteur du duc d'Orléans.

Après ces choses faictes, les Parisiens constraindirent le duc de Guyenne à soy logier à l'ostel de Saint- Pol, avec le roy son père, et firent garder curieusement les portes, affin qu'il ne s'en allast hors de Paris. Et la cause si estoit pour ce que aucuns disoyent que il vouloit aller au bos de Vincesnes, et que il avoit mandé à messire Pierre des Essars que il luy amenast v*^^ lances et les feist payer pour ung mois; et, aussi, que le duc d'Orléans, et aucuns de sa partie, faisoient grant assemblée de gens d'arnies, pour estre avec le duc de Guyenne, le premier jour de may l'an mil nn^ et xm, ou chastel du bois de Vincesnes, où là se dévoient faire une joustes ; dont le duc de Bourgoingne et les Parisiens n'estoient point bien contens. Et, pour vray dire, c'estoit piteuse chose, pour lors, d'estre à Paris; car il n'y avoit ordre ne gouvernement entre ^ eulx. Et, pour monstrer que c'estoit pour le bien du roy et du royalme ce qu'ilz faisoient, rescripvirent à pluiseurs bonnes villes, en requérant que, se besoing estoit, ilz les voulsissent aidier et conforter en tous leurs affaires; et, aussi, que tous demeurassent ensemble et en union au service du roy et de son filz