ou

ses deux voix, donner enooires la tierce à oelluy des deux nommez que bon lui semblera. Mais, se le souverain ne le vouloit faire, on renouvelleroit Télection première. Touteffoiz les céduUes des absens demoureront en valleur, pour ce que on ne pourroit assez tost avoir les leurs nouvelles, c Item, et que, l'élection faicte, elle sera par le greffier de Tordre enregistrée en ung registre servant ad ce, le jour que fait aura esté. Et après ce, se le chevalier esleu n'estoit au lieu, le souverain, par le roy d'armes, Thoison d'or, ou par aultre notable, signiffiera audit chevalier esleu sadicte élection, en luy requérant qu'il le veulle agréablement recevoir, et accepter amiablement sa vocation à l'ordre. Des ordonnances duquel luy sera avec lesdictes lettres envoyées le double par escript, affin de prendre sur ce son advis, en lui insinuant que se ladicte élection lui estoit agréable et luy plaist estre à compaignie de l'ordre, il viengne devers le souverain, au jour qui lui sera signiffié, pour faire les séremens, recevoir le collier de l'ordre , et faire touttes aultres choses pertinentes ; et que son intencion sur ce il veulle déclairer au porteur, et aussi en certiffyer le souverain et lui en escripre ses lettres par le porteur, c Item, et se le chevalier esleu est grant seigneur, parquoy il deust avoir grandes occupadons et affaires, ou demourast, ou ftist voyagier en lieu longtain, dont ftist à doubter de povoir personnellement comparoir devers le souverain, icellui souverain, s'il lui semble expédient, pourroit faire baillier au porteur de ses lettres ung collier de icellui

ordre, pour, après ce que ledit chevalier esleu avéra accepté ladicte électioD, et non aullrement, présenter ledict collier à icellui, par condicion que de sadicte acceptacion et réception dudit collier, il baillera ses lettres audit porteur qui les rendera au souverain, et par icelles promettera de venir au prochain chappitre, se faire se peult bonnement; et, si non, à Taullre subséquent, ou devers le souverain, pour jurer les poins de Tordre le plustost que bonnement pourra, et généralement faire tout ce à quoy il sera tenus.

c Item, que ledit chevalier esleu et qui aura accepté ladicte élection, venu devers le souverain pour faire lès sérement et recevoir le collier de l'ordre, se présentera au souverain, et luy dira, selon sa manière de parler : c J'ay veu par voz lettres comment, de la grâce de vous et des très honnourez firères et compaignons de Thonnourable ordre de la Thoison d'or, j'ay esté esleu ,à icelluy ordre et amiable compaignie, dont je me tiengs très grandement honnouré. Le ay révéramment et agréablement receu et accepté, et vous en remercie de très bon ceur. Sy suy venu devers vous et m'y présente prest de obéyr et de faire touchant icellui ordre tout ce que je suis tenu de faire. » A quoy sera respondu par le souverain, à compaignie de plus grand nombre de chevaliers de l'ordre que faire se pourra : c Sire, nous, noz frères et compaignons de l'ordre, quant de vous avons oy dire tant de bien, espérans que y persévérez et les augmenterez à l'exaltacion et honneur de l'ordre de chevalerie, et à vostre mérite, louenge et exaltacion et reconmiendacion , vous

838 GHROlfiQUE DE JEAN LE FiVRE [H31]

avons esleu à estre perpétuellement, (se Dieu plaist), frère et compaignon d'icellui ordre et amiable compaignie. Parquoy, avez à faire les séremens qui s'ensuit : c C'est assavoir, que, à vostre léal povoir, vous aiderez à garder, soustenir et deffendre les haultes seignouries et drois du souverain de l'ordre, tant que vous viverez et serez dudit ordre, c Item, que de tout vostre povoir, vous employerés et labourerez à maintenir ladicte ordre [en] estât et honneur, et mectrés paine de le augmenter sans le souffrir décheoir ou amendrir, tant que y puissiez remédyer.

c Item, s'il advenoit (que Dieu ne vueille!) qu'en vous fust trouvée aucune faulte parquoy, selon la constitucion de ce présent ordre en fuissiés privé et déboutté, et sommé et requis de rendre le collier, vous, en ce cas le renvoyerez sain et enthier devers le souverain, ou le trésorier de l'ordre, dedens trois mois après ladicte sommacion faicte, sans jamais après icelle sommacion porter ledit collier ne aultre semblable, ne pour ceste oceasion avoir ne tenir rancune ou maiveullance envers ledit souverain, ne les frères chevaliers, ne aucun d'eulx. c Item que toutes aultres paines, pugnicions, ou corrections, qui pour aultres mendres cas vous seront enchargies ou enjoinctz par l'ordre, vous les porterez paciamment et accomplirez, sans aussi pour ce avoir ne tenir rancune ne hayne envers le souverain*, ) Item , que vous venrez et ccmiparerez aux chap-

1. frères, chevaliers et officiers de Tordre, ne aulcuns d'eulx.

[1431] SEIGNEUR DE SAmT-REMY. 239

pitres et assemblées de l'ordre, ou y envoyerez selon les status et ordonnances dudit ordre ; et au souverain obéyrésS ou à son commis, en toutes [choses] raysonnables touchans et regardans le devoir et affîdres d'icelle ordre.

c Item , de vostre léal povoir , vous entenderez et acomplirez tous les status, ordonnances, articles et poins de l'ordre que vous avez veu par escript et ouy lire, et les promectés et jurez en général tout ainsi que se particulièrement et sur chascun point en feissiez espécial serment, c Item que ledit chevalier le promectera et jurera ainsi, es mains du souverain, sur sa foy et sérement et sur son honneur, et touchera la Croix et les saintes Evangiles.

c Item, et ce fait, ledit chevalier esleu se métera révéranmient devant le souverain qui prendera le collier de Tordre et le luy mectera autour du col , en disant ou faisant dire semblables paroUes : c Sire, Tordre vous rechoit à son amiable compaignie , et en signe de ce, vous présente ce collier. Dieu doint que le puissiez longhement porter à sa louenge et service, exaitacion de saincte Eglise, acroissement et honneur de Tordre, de voz mérittes et bonne renommée. Ou nom du Père et du Filz et du saint Esperit. > A quoy ledit chevalier répondera : Amen. Dieu m'en doint la grâce. » Et, après ce, le chevalier du premier siège, qui lors sera présent, menra le chevalier nouvellement receu devers le

souverain en son siège, et icellui souverain le bai-

i. et à ses successeurs et commis obéyrez.

240 GHEONIQUE VB JEAN LE FÉVRE [f431]

sera en signe d'amour perpétueUe; et aussi le baiseront, par ordre, tous les autres chevaliers, c Item, se le chevalier esleu se excusoit de accepter le élection , le souverain le signifiera aux fi-^res de l'ordre, en leur donnant à congnoistre, et requérant et mandant qu'ilz soient appareilliez de procéder à l'élection^ qui appartiendra, c Item, et que les serment, en la forme devant escripte et contenue, feront aussi les chevaliers par nous^ cy-dessus nommez' à frères et compaignons de l'ordre*.

c Item, que chascun chevalier dudit ordre, à sa réception, paiera au trésorier dudit ordre, quarante escus d'or de soixante-douze au marcq, ou la valleur , pour convertir aux vestemens, joyaulx et aomemens pour le service divin au coliiége dudit ordre. Toutes voies, se il vouloit donner, en ce lieu, joyaulx et vestemens , ou aornemens , jusques à la valleur de ladicte sonune, faire le pourra ; et, par ce moyen, sera tenu quicte de la sonune.

c Item, quant aucun chevalier de l'ordre trespassera, chascun des frères d'icellui ordre, ledit trèspas venu à sa congnoissance , sera tenu de bailler ou envoyer au trésorier dudit ordre argent pour faire chanter xv messes, et xv soiz pour donner pour Dieu, pour les âmes d'un chascun chevalier trespassé ; et ledit trésorier sera tenu de l'employer en ce que dit est, ou lieu de la fondacion.