Courssy ». M. P

entour leurs corps. Aultres tehoient espées nues par le milieu, les poinctes contre leurs ventres , et chevauchoient ainsi parmy Paris jusques à Tostel de Tournelles. En ce point furent présentés au régent qui estoit léans avec sa femme ; laquelle, ayant pittié des maleureux , fist tant devers son mary que ilz eulrent rémission; car, aultrement ilz eus[sen]t esté tous mors.

Entre ces choses, une compaingnie d'Ânglois yssans de Normandie, prindrent le.chastel de Noyelle sur la mer. Âdont manda mesisire Jacques de Harcourt ceulx qui tenoient le chastel de Reu pour aydier à deffendre le Grotoy, lesquelz abandonnèrent Reu ; et les Ânglois, tantost après, entrèrent dedens; dont furent ceulx du Grotoy forment travailliez des Anglois qui se tenoient à Saint- Walery , à Noyelle et à Reu. Et oultre plus, les Anglois, en grant. puissance, vindrent par mer, la veille Saint-Jehan Baptiste, et par terre ; et puis assiégèrent le chastel du Grotoy où estoient messire Jacques de Harcourt et ses gens, qui se deffendirent moult vaillamment.