CHAPITRE CXXXIX

Comment le duc de Bourgoingne espausa madame Banne d'Artois y seur du conte [d^Eu], sa belle tante. Du mariage de monseur Charles de Bourbon à la seur dudit duc de Bourgoingne, nommée Agnès. Du tres^ pas de Jehan de Bavière, oncle du duc et dueesse de Braisant, qui délaissa le duc de Bourgoingne, son héritier.

Après ce que le duc eult besoingnié, à Paris, pour le fait du duc de Glocestre, il se party pour aller en Bourgongne , où il espousa madame Bonne d'Artois , seur du conte d'Eu, vesve de feu le conte de Ne vers, son oncle, par dispensa[cion] de pape ; laquelle dame n'estoit pas nommée Bonne, sans cause; car, demieulx renommée de bonté n'avoit point ou royaulme.

Après que le duc eult espousé ladicte dame, et besoingnié en ses affaires en Bourgongne, il s'en alla en la ville de Mâcon, où il trouva le duc de Savoye, son cousin germain, et les ambassadeurs du duc de Bretaingne ; et là vindrent aussi devers. luy les ambassadeurs du daulphin, dont estoit le principal monseur Charles de Bourbon ; après, Tarchevesque de Rains, Tévesque du Puy, et pluiseurs aultres. Et, là, fut fait le mariage de monseur Charles de Bourbon, et

[1424] SEIGNEUR DE SÂim-REMY. 91

d'une des seurs du duc, qui furent fîanchécs et les promesses faictes es mains de Tarchevesque de Rains, qui là estoit, conmie dit est.

En ce temps, trespassa Jehan de Bavière, oncle du duc et de la ducesse qui lors avoit espousé le duc de Glocestre; et, pour ce qu'il n'avoit nulz enfans légitismes, par son testament ordonna^ le duc son héritier, et délaissa du tout sa nièpce que on nomma ducesse de Glocestre. En ce mesme temps, Ârtus de Bretaingne, conte de Ridiemont, qui avoit espousé la seur du duc, comme devant est dit, s'en alla devers le daulphin, et demoura de son party ; et le fist, le daulphin, connestable de France.