Les lettres, sans date, sont dans Monstrelet

de Mons en Haynnau. Du traktié fait^ audit siège ^ far lequel la ducesse , dame de Jacques de Bavière , fut baillée en garde au duc de Baurgaingne.

Or est vray que le duc de Glooestre, véaut qu'il estoit venu à gaige de battaille, il tint ung graot consiel en la ville de Mons , auquel estoit la contesse de Haynnau, mère de la ducesse, sa femme, et pluiseurs gentilz hommes et seigneurs du pays, ausquelz il recommanda la ducesse, sa femme, et leur pria qu'ilz en feissent bonne garde ; et aucun pau d'Ânglois leissa avec elle. Et depuis, par le moyen des séellées et promesses qui estoient entre le duc et luy toudiant le gaige de bataille, il se party de Mons et franchement s'en alla, luy et les Ânglois qui avec lui estoient, et print son chemin droit à Galaix : et là monta en mer, pour aller en Angleterre. Après qu'il fut arrivé en la court du roy d'Angleterre, il fist requeste par laquelle il remonstra conmient il estoit obligié par son séel d'ester à droit devant le duc de Bethfort, régent de France, allencontre du duc de Bourgoingne, pour le combattre en sa personne contre la sienne. De laquelle chose le roy d'Angleterre et ceulx de son conseil furent fort desplaisans ; et fut grandement blasmé, par le conseil, du voyage qu'il avoit entreprins et des termes et débatz qu'il avoit prins contre le duc de Bourgongne. Et au surplus lui fut dit que, touchant son fait, le roy d'Angleterre et son conseil y averoit adviz.

Or fault parler du duc de Bourgoingne qui grant désir avoit de essayer son corps allencontre du duc de Clocestre. Et, à la vérité, c'estoit le plus grant désir que il euist en ce monde. Et, afiin d'estre prest au

[1425] SEIGNEUR DE SAmT-REMY. 107

jour Saint-George, il s'en tira en sa ville de Hesdin, où là fist venir pluiseurs armoyers, pour forgier le harnas et habillemens qui pour son corps luy estoit nécessaire. Et ce beau parcq de Hesdin, qui est Tun des beaulx du royaulme, se trouvoient tous les matins pour prendre alaine; et avec ce avoit certains lieux et places secrettes où il exercitoit son corps à combattre et faire ses essais. Et là avoit pluiseurs* nobles hommes et aultres, qui lui monstroient la science de combattre et savoir deffendre ; et si, y avoit aussi aucuns nobles hommes qui journellement faisoient leur assais, qui de tout leur ceur desiroient estre avec le duc, ou cas que le duc de Glocestre vouldroit avoir compaignie d'un ou de deulx à combattre le duc. Et, quant aux habillemens que le duc fist faire pour estre paré au jour de la bataille, je croy que il ne sera point trouvé que oncques princes eust telz ne si riches ; c'est assavoir, en pavillon, couvert de chevaulx, banières, et cottes d'armes. Et, qu'il soit vray, j'en appelle à tesmoingnage ceulx qui les veirent ou chastel de Lille, en Flandres, où ilz estoient encores l'an mil iiij"^ et Ix.

Que vous diroye je? Oncques prince n'eust plus grant désir, de soy trouver en champ clos et gaige de battaille, que avoit le duc. Pendant lequel temps que icelles choses se faisoient, et tantost après que le duc de Glocestre se ft^t party du pays de Haynnau pour aller en Angleterre, le duc de Brabant assembla grant armée, et entra ou pays de Haynnau ; et tant fist, que il assiéga la ville de Mons où la ducesse estoit. Icelle ville fut fort oppressée de toutes pars ; et de fait, une belle fontaine qui sert la ville, venant de bien loing, fut

rompue et le cours de Teau du tout osté. Ne demeura guairesde temps, après que le siège avoit esté mis, que une journée se tint en la ville de Douai où le duc estoit. Et là vindrent devers luy le duc de Brabant, son frère, le conte de Saint^Pol et la contesse de Haynnau, douagière [mère] de la ducesse de Clocestre ; et aussi y furent des eschevins et depputés de la ville de Mons ; et là , fut , par grande et meure délibéracion , faict ung appoinctemçnt : c'est assavoir, que ceulx de la ville de Mons bailleroient la ducesse de Clocestre en la main du duc, qui le debvoit garder et faire garder en son pays de Flandres, moyennant une somme d'argent que elle debvoit avoir de ses pays de Haynnau, de Hollande et de Zellande, pour son estât tenir. Et debvoit ladicte dame estre et demeurer oudit pays de Flandres, jusques à tant que le procez d'entre les deux ducz de Clocestre et de Brabant, estant à court de Ronmie, avoir prins fin. Et moyennant icelluy traictié, le duc de Brabant renvoyeroit ses gens , qui devant Mons estoient, en son pays de Brabant , par sy que il joyroit des terres, pays et seigneuries de Haynnau, Hollande et Zellande.

Quant la ducesse de Clocestre sceult l'appoinctement dessusdict, bien cuida morir de deul, requérant à ceulx de Mons, qu'ilz le voulsissent garder ainsi que promis l'avoient. A quoy ceulx de Mons respondirent qu'ilz n'estoient point assez fors. Et finablement, lui dirent qu'il couvenoit qu'elle fust menée en la ville de Gand, comme elle fut. Et par tant, fut paix, pour ceste heure, quant au pays de Haynnau.

[1&25] SEIGNEUR DE 8ADnr-REMY. 109