Sommerghen en Flandres

DE VILLE-IÏARDOIN. g

et maint plusor prod'ome , dont li livre ne parole mie.

Après se croisa li quens Hues de Saint-Pol. x\vec lui se croisa Pierres d'Amiens ses niers, Eustaiches de Canteleu, Nicole de Mailli, Ansiaus de Cahieu, Guis de Hosdeng1, Gautier de Neelle, Pierre ses frères, et maint autre gent que nous ne connoissons pas.

Enqui après s'encroisia li quens Joffrois del Perche % Estenes ses frères, Rotres de Montfort 3, Ives de Lavalle , Atimeris de Yileroy , Joffrois de Belmont 4, et maint altre dont je ne sai pas le nons.

Après pristrent li baron un parlement à Soissons, por savoir quant il voldroient movoir et quel part il voldroient torner. A celle fois ne se porent accorder, porce que il lor sembla que il n'avoient mie encore assez gens croisié. En tôt cel an ne passa onques deux mois que il n'assemblassent à parlement à Compieigne. Enqui furent tuit li conte et li baron qui croisié estoient. Maint conseil y ot pris et doné; mais la fin si fu tels que il envoieroient messages meillors que il poroient trover, et donroient plain pooir de faire toutes choses, autretant com li seignor.

De ces messages envoya Thiebauz li quens de