Napres, ou Apres

DE VILLE-IIARDOIN. I 53

prendre tôt : si en y ot mult de morz et de pris. Et en ceste manière fu prinse Naples; et enqui sejorna l'ost par trois jors. Et li Grieu furent si effréé de ceste occision , que il vuiderent totes les citez et les chastiaux de la terre , et fuirent tuit dedenz Andrenople et dedenz le Dimot, qui mult èrent forz cités et bones.

En icel termine avint que Johannis, le roi de Blakie et de Bougrie, chevaucha sor le marchis à totes ses hoz, à une cité que on apele La Serre r ; et li marchis l'avoit mult bien garnie de sa gent qu'il avoit mis dedenz , Hugon de Coleini qui mult ère bon chevaliers et hais hom , et Guillielme d'Arle qui ère ses mareschaus, et grant part de sa bone gent. Et Johannis, li rois de Blakie, les assist. N'y ot gaires sis quant il ot pris le bore par force. Et al bore prendre, lor avint mult grant domages, que Hugues de Coleini i fu morz ; si fu féruz parmi l'œil. Et quant cil fu morz, qui fu li mialdres d'aus toz , si furent li autre mult effréé : si se traistrent el chastel qui mult ère forz , et Johannis , li rois de Blaquie , les assist et dreca ses perrieres. N'y sist mie longuement quant cil de dedenz parlèrent de plait faire , dont il furent blasmé, et reprochié lor fu. Et li plais si fu tels, que il rendirent le chastel à Johannis, et Johannis lor fist jurer, à vingt-cinq des plus hais homes que il

i . Serrhès en Macédoine.

avoit,que il les conduiroit salvement, à toz lor chevaus et à totes lor armes, à Salenique, ou en Constantinople , ou en Hongrie, lequel que il voldroient des trois. En ceste manière fu rendue La Serre. Et Johannis les fist issir fors et logier lez lui as champs; et lor fist rqult bel semblant; et lor envoia ses presens; et si les tint par trois jorz : et puis lor menti de quanque il lor ot convent; ainz les fist prendre et tolir tôt lor avoir, et mener en Blakie, nuz et deschaus, et à pié. Les povres et les menus qui ne valoient gaires fist mener en Hongrie , et les autres qui auques valoient fist les testes coper. Ensi mortel traïson fist li rois de Blakie corn vos oez. Ici receut l'ost une des plus doloreuses pertes que onques feist. Et Johannis fist abatre le chastel et la cité, et s'en rala vers le marchis.

Henris, li bals de l'empire, à tote la soe gent chevaucha vers Andrenople; sil'assist àmultgrant péril, que il y avoit mult grant gent dedenz et defors, qui les tenoient si près que il ne pooient nul marchié avoir, ne forer, se pou non. Et lors si se closent par defors de lices et de barres , et devisèrent une partie de lor gent , porce que il gardassent par defors lor lices et lor barres; etli autres assaudroient devers la vile : et firent engins de maintes manières, et eschieles , et mains autres engins. Et mistrent grant paine à la vile prendre; mais ne poet estre , que la vile ère mult fort et mult bien garnie; ainz lor mesavint que de lor gens y ot bleciez assez, et

DE VlLLE-IIAllDOIN. I 55

un de lor bon chevalier, qui ot nom Pierres de Braiecuel1, qui fu feruz d'une pierre de mangonel al front, et dut estre morz : mais il gari par la volenté de Dieu, et en fu portez en litière. Et quant il virent que il ne porroient rien faire à la ville, si s'en parti Henris li bals de l'empire, et l'ost des François , et furent mult hardoié de la gent de la terre et des Grex ; et chevauchierent par lor jornées trosque à une cité que on apelle la Pamphile ; et se herbergièrent dedenz; et sejornèrent par deux mois iqui; et firent chevauchies vers le Dimot; et en mains leus où il aloient, gaaignoient assez proies et autres avoirs ; et tindrent l'ost en icele partie trosque à l'entrée de l'iver, et lor venoient marchandise de Rodestoc et de la marine.

Or lairons de Henris, li bal de l'empire, ici, si dirons de Johannis le roi de Blaquie et de Bougrie , cui La Serre fu rendue, si com vos l'avez oï retraire arrière, et qui ot occis cels en traïson qui s'erent rendu à lui, et ot chevauchié vers Salenique, et y ot sejorné longuement et gasté grant partie de la terre au marchis. Le marchis Boniface de Montferrat fu à Salenique mult iriez et mult dolent de son seignor l'empereor Baudoin qui perduz ère, et des autres barons, et de son chastel de La Serre qu'il ot perdu, et de ses homes. Et quant Johannis vit qu'il n'y porroit plus faire , si retorna arrière vers son pais à tote sa gent. Et cil de Finepople , qui ère de Renier de Trit , cui l empereres Baudoins

j. De Bracy,

lot donée, oïrent que l'empereres Baudoins ère perduz , et mult des barons , et li marchis La Serre avoit perdue, et virent que li parent Renier de Trit , et ses fils , et ses niers l'avoient guerpi , et que il erent à pou de gent, et cuiderent que jamais li Franc n'aussent force, une partie des gens qui estoient Popelican1 s'en alerent à Johannis, et se rendirent à lui, et li distrent : « Sire, « chevauche devant Finepople , ou envoie tfost, nos « te rendrons la vile tote. »

Quant Renier de Trit le sot en la vile , si dota que il ne le rendissent à Johannisse. Ensi que s'en issi à tant de gent corn il pot, et s'esmut à une jornée , et vint par un des bors de la vile où li Popelican èrent à estage, qui èrent rendu à Johannisse; si mist le feu ou bors , et en art grant part; et s'en ala au chastel de Stanemac , qui ère à trois lieues d'iqui, et ère garniz de sa gent, et entra dedenz; et y fu puis longuement enserrez, bien treize mois, à grant mesaise et à grant poverté; et mengea ses chevaus par destrece : et ère nuef jornées de Constantinople loing, que nus ne pooient noveles oïr li uns des autres. Lors envoia Johannis son ost devant Finepople : n'y sist mie longuement quant cil de la vile se rendirent à lui, et il les as-

i. Les Pauliciens, ou Manichéens, qui habitaient les environs de Philippopolis. Cette secte se répandit ensuite dans les différentes contrées de l'Europe, et les habitants reçurent tourà-tour les noms de Bougres, de Vaudois, d'Albigeois, de Patelins , etc.

DE V1LLE-HARDOIN. I 5j

seura. Et quant il les ot asseurez, si fist occire tôt avant l'arcivesque de la vile, et les halz homes fist escorchier toz vis , et à tels i ot les testes colpez; et tôt le remanant en fist mener en chaiene, et la vile fist tote fondre, et les tors, et les murs, et les hais palais , et les riches maisons ardoir et fondre. Ensi fu destruite la noble citez de Finepople , qui ère des trois meillors de l'empire de Constantinople.

Or lairons de Finepople, et de Renier de Trit qui est enserrez en chastel de Stanemac ; si revenronsà Henri, le frère l'empereor Baudoin, qui a sejorné à Pamphyle trosque à l'entrée de l'iver. Et lors prist conseil à ses homes et à ses barons. Et li conseil si fu telx, que il garniroit une cité que on apele La Rousse1 qui ère en un mult planteureus païs emmi la terre; et de ceie garnison fu chevetaine Tierris de Los, qui ère seneschaus2, et Tierris de Tendremonde, qui ère connestables. Et lor charja bien Henris, li bail de l'empire, sept vingt chevaliers, et grant part de serjanz à cheval, et comanda que il tenissent la guerre contre les Grex et gardassent la marche. Et il s'en ala al remanant de

i. Poûoiov , près de Rhodostc.

i. Baudoin, aussitôt son élévation à l'empire grec, avait créé de grands officiers de la couronne, avec les noms et titres en usage en France. Ainsi Thierry de Ten remonde fut nommé connétable; Thierry de Los, sénéchal; Geoffroi de Ville-Hardoin , maréchal; Conon deBéthune, grand-maître de la garde robe; Manassès de l'ïslc, grand queus; Macaire de Sainte-Menehoud , grand échanson; Miles de Brabant, grand bouteiller.

sa gent trosque à la cité de Visoi, et la garni, et mist chevetaine Anseau de Raeu, et li charja bien six vingt chevaliers, et de serjanz à cheval grant partie. Et une autre cité qui Archadiople ert apelée garnirent li Venisien, et la cité de Naples ot rendu li frère Fempereor Baudoin al Vernas1, qui avoit la seror al roi de France à famé , et ère uns Grieux qui se tenoit à als. Et nuls des Grieux ne se tenoit à als que cil : et cil de ces citez sotindrent la guerre contre les Griex , et firent mainte chevauchie : et en fist on mainte envers als. Henri se traist en Constantinople al remanant de sa gent ; et Johannis , le roi de Blaquie et de Bougrie, ne s'oblia mie, qui mult fu riches et poestéis d'avoir, et porchaça grant gent de Comains et de Blas. Et quant vint à trois semaines après Noël, si les envoia en la terre de Romenie, por aidier cels d'Andrenople , et cels del Dimot. Et quant cels furent plus creu , si s'esbaudirent et chevauchierent plus seurement.

Tierris de Tendremonde , qui chevetaines ère de

i. Théodore Branas, fils d'Alexis Branas (tué en 1186, par Conrad de Montferrat), et d'une nièce de l'empereur Manuel. Il épousa en secondes noces Agnès de France , sœur de Philippe- Auguste , et veuve des deux empereurs Alexis Comnène et Andronic Comnène. Agnès avait vécu long-temps avec lui comme sa maîtresse avant de devenir sa femme. 11 eut d'elle une fille mariée à Narjaud de Toucy, cousin de Guy de Dampierre. Guillaume de Ville-Hardoin, frère puîné de Geoffroy, second prince de la Morée, épousa depuis la fille que Narjaud de Toucy eut de ce mariage. (Voyez Albéric, à l'année 1236 et 1239, et chronique de Morée).

DE VILLE-H AKDOIN. 1 5q

l'ost et connestable, fist une chevauchie al quart jor devant la feste Sainte Marie Chandelor, et chevaucha tote nuit bien à six vingt chevalier ; et la Rousse laissa garnie à pou de gent. Et quant vint à l'enjorner, si vint à un casai , où Comains et Blas estoien t herbergié , et les sopristrent , si que cil n'en sorent mot qui estoient ei casai : si en ocistrent assez, et gaaignierent bien quarante de lors chevaus. Et quant il orent fait cel forfait, si tornerent arrière vers la Rousse. Et cele nuit meisines , li Comains et li Blac orent chevauchie por forfaire, et furent bien sept mil; et vindrent à la matinée devant la Rousse, et y furent grant pièce, et la vile ère garnie de pou de gent. Si fermèrent lor portes, et montèrent sor le mur, et cil s'en retornerent arrière. N'orent mie eslongié la vile lieue et demie , quant il encontrerent la chevauchie des François, dont Tierris de Tenremonde ère chevetaine.

Quant les François les virent , si s'ordenerent en quatre batailles. Et fu lor conseil telx que il se trairoient à la Rousse tôt le petit pas ; et se Diex lor donoit que il y puissent venir, il seroient là à sauveté. Et li Comain et li Blac, et li Grieu de la terre, chevauchierent vers als, car il avoient nndt grant gent, et viennent k l'arriére garde; si les comencent à hardoier mult durement. L'arriére garde faisoit la maisnie Tierris de Los, qui ère seneschaus et estoit repariez en Constantinople. Et de cele genz ère chevetaine Vilains ses frères : et li Comain, et li Blac, et li Grieu l'atindrent mult près, et navrèrent mult de lor chevaus ; et fu li huz et

l6o CHRONIQUE

la noise granz, si que par vive force et par destrece les fisent hurter sor la bataille Andrieu d'Urboise et Johan de Choisi. Et si que alerent sofrant grant pièce, et puis se renforcierent , si que il les fisent hurter sor la bataille ïierris de Tendremonde li connestable; et ne tarda gaire grantment après qu'il les fisent hurter sur les batailles que Charles del Fraisnes faisoit : et orent tant aie sofrant, que il virent la Rousse , et à mains de demie lieue. Et cil ades les tindrent plus près. Et fu la noise granz sor als, et mult y ot de bleciez d'als et de lor chevax; et si com Diex volt soffrir les aventures, cil ne les porent sostenir, ainz furent desconfit, car il furent pesament armé, et lor anemi legierement; si les comencent à occire.

Halas! com dolorons jor ci ot à la chrestienté, que de toz les six vingt chevaliers n'en eschamperent mie plus de dix, que tuit ne fussent mort ou pris '.Et cil qui en eschamperent s'en vindrent fuiant à la Rousse ; et se recoillirent avec lor genz qui là dedenz estoient. Là fu mort Tierris de Tendremonde, Oris de l'Isle qui mult ère bon chevaliers et prosiez, et Johan de Sompone, Andruis d'Urboise, Johans de Choisi, Guis de Cort-Val, Charles de Fraisne,Vilains le frère de Tierris le seneschal. De toz çaus qui là furent mort ou pris ne vos puet toz les noms raconter le livres. Une des graignors dolors et des graignors domages qui avint à cel jor, et des graignors pitiez qui onques avenist à la chrestientez\le la terre de Romenie fu à perdre tant de bonnes genz.

DE VILLE-HARDOJN. l6l

Li Comains, et li Grieu, et li Blac retornerent arrière, qui mult orent fait lor volenté en la terre, et mult gaignié de bons chevals et de bons haubers. Et ceste mésaventure si avint le jor devant la veille madame Sainte Marie de Candelor1. Etli remananz qui fu eschapez de la desconfiture, et cil qui estoient à la Rousse, si tost cum il fu nuiz, si guerpirent la vile , et s'en alerent tote nuit fuiant, et vindrent al maitin à la cité de Rodestoc. Iceste dolorouse novele si vint à Henri, le bals de l'empire, si com il aloit à la procession à Nostre-Dame de Blaquerne, le jor de la feste madame Sainte Marie Candelor. Sachiez que mult furent effréé en Constantinople, et cuiderent por voir qu'il aussent la terre perdue.

Lors prist conseil Henris, li bals de l'empire, que il garniroit Salembrie, qui ère à deux jornées de Gonstantinople, et y envoia Mâchai re de Sainte Menehalt à tôt cinquante chevaliers por garder la vile. Et lors, quant la novele vint à Johannis le roi de Blaquie, que ce ère à sa gent avenu , si ot mult grant joie, que ce ère une des grans parties de la bone gent que li François aussent, que il avoient morz et pris. Lors manda par tote sa terre quanque il pot avoir de gent, et porchaça grant ost de Comains, et de Griex, et de Blas, et entra en Romenie, et le plus de citez se tindrent à lui, et tuit li chastel; et ot si grant gent que ce ne fu, se merveille non.

i. 3i janvier 1206.

Chroniq., t. HT. — Vrr,L.-HARn.

v r-nfffjtii

162 CHRONfQIJE

Quant li Venisien oïrent dire que il venoit, si guerpirent Ârchaeliople. Et Johannisse chevaucha tant que il vint à la cité de Naples, qui ère garnie de Griex et de Latins. Et en ère sire le Vernas qui l'empereris, la seror le roi de France, avoit à famé: et des Latins ère chevetaines Berghes deFransures, un chevalier de la terre de Belveisis. Et Johannis, le roi de Blaquie, fist assaillir la cité et le prist par force.

Là ot si grant mortalité de gent qui furent occis, que ce ne fu se mervoilie non. Et Berghes de Fransures fu amenez devant Johannis, et il le fist occire maintenant; et toz les autres qui noient valurent des Grex et des Latins, et totes les menues gens, famés et enfans, en fist mener en Blaquie en prison. Lor fist tote la cité fondre et abatre, qui ère mult bone et mult riche, et bon païs. Ensi fu destruite la cité de Naples com vos avez oï.

D'iqui après à douze lieues séoit la cité de Rodestoc sor mer, qui mult ère riche et fors et grans, et garnie de Venisiens mult bien. Et avec tôt ce, ère venue une rote de serjans à cheval, et estoient bien deux mil. Et èrent venu altressi à la cité por garnir.

Quant il oïrent dire que Naples estoit prise par force , et que Johannis avoit fait occire les gens qui estoient dedenz , si se mist un si grands effrois en als , que il se desconfissent par als meismes. Si com Diex sueffre les mésaventures avenir as gens, li Venisien se ferirent ès vaissials , qui ainz ainz, qui mielx mielx ; si que por poi que li uns ne véoit ( empêchoit)

l'autre. Et li serjanz à cheval qui estaient de France et de Flandre , et de^ autres terres, s'enf uioient par la terre. Or oiez quelle mésaventure ce fu que il ne lor ère mestiers, quar la citez ère si fors, et si close de bonsmursetdebones tors, que il netrovassent jàqui les assaillit , ne Johannis tornast jà cele part. Et quant Johannis oï que il s'en estoient fui , qui ère bien à demie jornée loing de qui , chevaucha cele part.

Li Grieu qui estoient en la cité remès , se rendirent à lui, et il maintenant les fist prendre, et petiz et granz, fors cels qui en eschaperent. Et les fist mener en Blaquie , et fist la cité abattre. Ha ! com ce fu grant dommage ! car ce ère une des meillors citez de Romenie . et des miels séanz.

Après dequi en avoit une altre , qui Panedor 1 ert apelée , qui se rendi à lui; et il le fist abatre et fondre, et les fist mener en Blaquie ausi com de celi. Et après chevaucha à la cité d'Arecloie 2 , qui séoit sor un bon port de mer, et ère as Venisiens, qui l'avoient foiblement garnie. Si l'assailli et la prist par force; enqui i ot grant occision de gent ; et le remanant le fist mener en Blaquie , et fist fondre la cité comme les autres. Et de qui chevaucha à la cité de Daïn 3, qui ère mult fort et bele;

i. ILr.vicv, voisine d'Héraclée.

i. Héraclée, ville maritime entre Selivrëe et Rhodoste, à cinquante mille de Constantinople.

$î Aavetov , éveché siiffragant d'Héraclée.

l64 CHRONIQUE

et la gent ne Posèrent tenir, si lor fu rendue, et il la fist fondre et abatre.

Après chevaucha à la cité del Churlot qui s'ère à lui rendue , et il la fist fondre et abatre , et mener les homes et les famés en prison. Et ensi corne aucun chastel ou aucune cité se rendoit à lui, et il les avoit asseurez, il les fesoit abattre, et mener les homes et les famés en prison, et nulle convenance que il lor fist ne lor tenoit. Lors corurent li Comain et H Blac devant les portes de Constantinople, où Henris , li bals de l'empire, avoit mult pou de gent mult dolenz et iriez por ce que il ne pooit avoir tant de gent qu'il peust sa terre défendre. Et ensi pristrent li Comain les proies de la terre, et hommes et famés et enfanz. Et abatirent les citez et les chastiax; et fisent si grant essil , que onques nus hom n'oï parler de si grant.

Lors vindrent à une cité à douze lieues de Constantinople qui Nature 1 ert appelée ; et Henris li frère l'empereor l'avoit donée à Paiens d'Orliens : celle ci avoit mult grant pueple de gens, et il s'en estoient tuit fui cels del pais. Et il l'assaillirent; si la pristrent par force. Là y ot si grant occision de gent, que il n'avoit eu si grant en nule vile où il eussent esté. Et sachiez que tuit li chastels, et totes les citez qui s'erent rendues à Johannis, et cui il avoit asseurez , erent tuit fondu et destruit, et menées les gens en Blaquie, en tel manière com vos

z. Athyra, ainsi nommée cbi fleuve sur lequel elle est placée.

DE VILLE-HAKDOJN. l65

avez oï. Sachiez que dedenz cinq jornées de Constantinople ne remest nulle riens à essilier, fors solement la cité de Visoi1 et cele de Salembrie, qui estoient garnies de François : et en celle de Visoi ère Ansiau de Raeu , bien à tôt six vingt chevalier : et en cele de Salembrie ère Machaires de Sainte Manehalt à tôt cinquante. Et Henrys le frère l'empereor Baudoins ère remès en Constantinople al remanant. Et sachiez que mult erent al desor, que defors le tors de Constantinople n'avoient retenu que ces deux citez.

Quant ce virent li Grieu qui erent en l'ost avec Johannis, qui s'erent à lui renduz et revellé contre les Franz, et il lor abatoit lor chastiaus et lor citez, et nul convent ne lor tenoit, si se tindrent â mort et à traï; et parlèrent ensemble, et distrent que aussi feroit-il d'Andrenople et del Dimot , quant il reparieroient : et se il ces deux abatoit, dont estoit Romenie perdue à toz-jors. Et pristrent lor message privéement; si les envoierent en Constantinople al Yernas, et li prioient que il criast merci à Henri le frère l'empereor Baudoins et as Veniciens, que il feissent paix à als, et que il li donassent Andrenople et le Dimot , et li Grieu se torneroient tuit à lui, et ensiporroient estre li Grieu et li Franc tuit ensemble. Conseil en fu pris où y ot paroles de maintes manières. Mais la fin del conseil fu telx, que à Vernas et à l'empereris sa famé,

i. Bysia, ou Bysoë.

l6G CHRONIQUE

qui ère suer le roi Phelippe de France , fu octroie Andrenople et le Dimot, o totes lor appartenances, et il en feroit le servise à Fempereor et à l'empire. Ensi fu la convenance faite et asseurée , et la paix faite des Grex et des Francs.

Jobannis, li rois de Blaquie et de Bougrie, qui ot sejorné longuement en Romenie , et lou païs gasté trestote la quaresme et après la Pasque à grant pièce , si s'en retraist arriéres vers Andrenople et vers le Dimot ; et ot en pensée que il en feroit tôt autre-tel, corn i^avoit fait des autres. Et quant li Grieu virent ce , qui estoient avec lui , qu'il torneroit vers Andrenople, si se comencerent àembler de lui, et par nuit et par jor, vingt, trente, quarante, cent. Et quant il vint là , si lor requist que il le laissassent alsi entrer dedenz, com ilavoient fait dedenz les autres. Et il li distrent que il ne feroient; et distrent : « Sire, quant nos nos rendîmes à toi, a et nos nos révélâmes contre les Frans, tu nos « juras que tu nos garderoies en bonne foi et sal- « veroies : tu ne l'as mie fait, ains as destruite « Romenie; et alsi savons nous bien que tu nos fête roiesalsi com tu as fait des autres. » Et quant Jobannis oït ce , si assist le Dimot , et dreça entor seize perrieres granz , et commença engins à faire en mainte manière , et gaster tôt le païs entor.

Lors pristrent cil d'Andrenople et cil del Dimot lor messages ; si les envolèrent en Constantinople à Henri , qui ère bals de l'empire , et al Vernas , que il secorussent por Dieu le Dimot qui ert assis. Et quant cil de Constantinople oïrent la novele, si

DE VILLE-HARDOÏN. 167

pristrent conseil del Dimot secorre. Mult i ot de cels quin'osèreut mie y loer que on issist de Constantinople, ne que si pou que on avoit de la chrestienté se meist en aventure. Totes voies fu lor conseils telx , que il istroient fors , et que iliroient trosque en Salembrie. Li cardinaus % qui ère de par Fapostoile de Rome, en prescha et en fist pardon à toz cels qui iroient et qui morroient en la bataille. Lors s'en issi Henris de Constantinople à tant de gent cum il avoir pot, et chevaucha trosque à la cité de Salembrie ; et enqui fu logiez devant la vile bien par huit jorz ; et de jor en jor li venoit message d'Andrenople , et li mandoient que il ot merci d'als , et que il les secorust et que s'il n'es secoroit, il estoient perduz enfin.

Lors prist conseil Henris à ses barons , et li consels si fu telx , que il alassent à la cité de Visoi , qui mult ère bone et forz. Ensi com il disent , si le firent, et vindrent à la cité de Visoi ; si se logièrent devant la vile le jor de la veille de la feste monseignor sain Johan Baptiste en juing. Et le jor cum il furent logié , vindrent li message d'Andrenople , et distrent à Henri le frère fempereor Baudoin : « Sire , sachiez que se tu ne secors la citez del « Dimot, qu'elle ne se puet tenir plus de huict jors; « car les perrières Johannis ont abattu le mur en « quatre leus, et ont esté ses gens deux fois sor les « murs. »

1. C'était le cardinal Benoit, du titre de Sainte Suzanne, et non Pierre de Oapoue.

l68 CHRONIQUE

Lors demanda conseil que il feroit. Assez i ot parlé avant et arrière, mais la fins del conseil si fu telx, que il distrent : « Seignor, nos somes jà tant « venu avant que nos somes honi se nos nesecorons « le Dimot; mais soit chascun confès et commenié, « et ordenons nos batailles. » Et aesmèrent que il avoient bien quatre cent chevalier, et que il n'en avoient mie plus ; et mandèrent les messages qui èrent. venu d'Andrenople , et demandèrent le convine combien Johannis avoit de gent ; et il respondirent que il avoit bien quarante mil homes à armes, sans cels à pié dont il ne savoient le conte.

Ha! Diex! com périllose bataille de si pou de gent encontre tant! Al matin le jor de la fesle monseignor saint Johans Baptiste furent confès et commenié, et le lendemain si murent. L'avant garde si fu comandée Joffroi le mareschal de Roménie et de Champaigne , et Machaires de Sainte-Manehalt fu avec; la seconde bataille fist Coenes de Bethune; Miles de Brabanz la tierce ; Païens d'Orlians et Pierre de Brajecuel la quarte ; Ansials de Raeu la quinte ; Baudoin de Belvoir la siste ; Hues de Belimes la septiesme ; Henri , le frère l'empereor Baudoin, lahuitisme. Gautiers de Estornai, etli Flamans Thierris de Los, qui ère senechaus, fist l'arrièregarde.

Lors chevauchièrent tôt ordenément par trois jors ; ne onques plus perillosement gens n'allèrent querre bataille ; car il avoient deux périls , de ce que il estoient pou , et cil estoient assez à cui il alloient combattre. D'autre part, il ne créoient mie

les Griex à cui il avoient paix faite, que il lor deussent aidier de cuer ; ainz avoient paor que quant venroit au besoing, que il ne se tornassent devers Johannis , qui avoit le Dimot si approchié de prendre com vos avez oï arrière. Quant Johannis oï que li Franc venoient , si n'es osa attendre , ainz arst ses engins, et se desloja. Et ensi se parti del Dimot. Et sachiez de voir que tôt li monzle tint à grant miracle. Et Henris, li baus de l'empire, ?int ai quart jor devant Andrenople , et se loja sor les plus bels prés del monde sor la rivière.

Quant cil d' Andrenople les virent venir , si issirent fors à totes lors croiz , et la procession , et fisent la greignor joie qui onques fust veue : et il le durent bien faire , que il n'estoient mie à aise. Et lors vint la novele en Fost des Frans que Johannis ère logiez en un chastel qui a nom Rodestoc. Et al maitin mut l'ost des Frans , et chevaucha vers cele part por la bataille querre ; et Johannis se desloja ; si chevaucha arrière vers son païs. Ensi le suirent par cinq j ornées , et il adès s'en ala devant als. J^ors se herbergièrent al quint jor sor un bel leu à un chastel que on apelle le Frain ; enqui sejornèrent par trois jorz. Et lors s'en parti une compaignie de la bone gent de l'ost , par descorde qu'il orent à Henri le frère l'empereor Baudoin. De cele compaignie fu chevetaines Baudoin de Belveoir , et Hues de Belines fu avec lui , et Guillelmes de Gomeignies , et Drues de Belrain. Et en alèrent bien ensemble en cele route cinquante chevaliers ; et cuiderent que li re-

mananz n'osast remanoir el pais contre lor anernis.

Lors pristrent conseil Henris, li baus de l'empire, et li baron qui avec lui estaient. Et fu telx lor conseil, que il chevaucheroient avant. Si chevauchèrent par deux jors et herbergièrent en une mult bele valée près d'un chastel que on apelle Moniac : et cil chastiaus lor fu renduz, et i sejornèrent bien par cinq jors , et distrent que il iroient Renier de Trit secorre qui ère dedenz le Stanemac assis , et y avoit esté bien treize mois enserrez dedenz. Ensi remest Henri, li baus de l'empire, en l'ost , et grant partie de sa gent ; li remananz alla secorre Renier de Trit à le Stanemac; et sachiez que mult alèrent perilleusement cil qui alèrent , que on a pou veu de si perillose rescousse ; et chevauchièrent trois jors parmi la terre à lor anemis. En cele rescolse ala Coenes de Betune , et Joffrois de Ville-Hardoin , li mareschaus de Romenie et de Champaigne, et Machaires de Sainte-Maneholt, et Miles de Braibanz, et Pierres de Braiecueil , et Païens d'Orliens , et Ansials de Raeu , et Tierris de Los, et Guillelme del Percoi , et une bataille de Vénisiens, dont Andruis Valere ère chevetaine. Et ensi chevauchièrent trosque au chastel de Stanemac , et aprochièrent tant que il virent le Stanemac.

Reniers de Trit qui ère as bailles des murs , choisist l'avant garde que Joffrois li mareschaus faisoit, etles autres batailles qui venoient après mult ordenéement. Et lors ne sot quex gens ce estoient ; et ce ne fu mie mervoille se il dota, que grant

tens avoit que il n'avoit oi noveles d'als ; et cuida que ce fussent li Grieu qui les venissent asseoir. Joffrois li mareschaux de Romenie et de Champaigne prinst Turcoples et arbalestriers à cheval ; si les envoia avant por savoir la convine del chastel , que il ne savoient se il estoient mort ou vif, que grant tens avoit que il n'en avoient oi noveles : et quant cil vindrent devant le chastel, Reniers de Trit et sa meisnies les connurent ; bien le poez savoir que il orent grant joie. Lors s'en issirent et alèrent contre lor amis; si firent grant joie li uns à l'autre ; et lors se herbergièrent li baron en une mult bone vile , qui estoit al pié del chastel et qui tenoit adès assiégé le chastel.

Lors distrent li baron que il avoient maintes fois 01 dire que l'empereres Bandoin ère morz en la prison Johannis mes il n'el créoient mie : et Reniers de Trit dist que pour voir ère morz 1 , et il le crurent. Mult i ot de cels qui en furent dolent , se il le peussent amender. Et ensi jurent La nuit en la vile ; et al maitin s'en partirent , et guerpirent le Stanemac ; et chevauchièrent par deus jorz ; et al tiers jor vindrent à l'ost où Henri, le frère l'empereor, les attendoit sor le chastel de Moniac , qui siet sor le flum d'Arze où il estoit herbergiez. Mult fu grant joie à cels de l'ost de Reniers de Trit, qui ère res-

i. Un témoignage plus positif est celui de Joannis lui-même. Répondant au pape Innocent III, qui lui avait écrit pour demander l'élargissement de l'empereur, il déclare qu'il est mort dans sa prison. (V. les gestes d'Innoeenl , ti° 108 ),

cous de prison , et à bien fu atoruez à cels qui l'amenèrent , car il y alerent mult périlleusement.

Lors pristrent conseil li baron que il iroient en Constantinople et que il coroneroient Henri, le frère l'empereor Baudoin ; et iaissièrent le Vernas 1 à toz les Grex de la terre , et à tôt quarante chevaliers que Henris, li bals de l'empire, li laissa; et ensi s'en alla Henris , li bals de l'empire , et li autres barons en Constantinople, et chevauchierent par lor jornées tant que il vindrent en Constantinople, où il feurent volentiers veus. Lors coronèrent à empereor Henri , le frère l'empereor Baudoin , le dimanche après la feste madame sainte Marie en aost, à grant joie et à grant honor, en l'iglise Sainte Sophie : et ce fu en l'an de l'incarnation Nostre Seignor Jesu-Christ, mil deux cens ans et six. Et ensi l'empereor fu coronez en Constantinople, si com vos avez oï, et li Vernas fu remets en la terre d'Andrenople et del Dimot. Johannis, rois de Blaquie et de Bougrie, quant il le sot, si amassa de gent quanque il pot ; et le Vernas n'ot mie refermé del Dimot ce que Johannis ot abatu à ses perrieres et à ses mangonials , et l'ot povrement garni. Et Johannis chevalcha al Dimot ; si le prist et l'abati , et fundit les murs trosque en terre , et cort par tôt le païs , et prent homes et famés , et enfanz et proies , et fist grant destruiment.

Lors mandèrent cil d'Andrenople l'empereor

ï. Théodore Branas.

Henri que il les secorust, que le Dimot ère perclus en tel manière. Lors semonst l'empereor Henri quanque il pot avoir de gent , et issi de Constantinople, et chevaucha devers Andrenople par ses jornées. Et Johannis li rois de Blakie qui ère en la terre, cum il oit que il venoit, si se traist arriéres vers la soe terre. Et l'empereor Henri chevaucha tant que il vint à Andrenople , et se loja defors en la praerie. Et lors vindrent li Grieu del pais; si li distrent que Johannis, li rois de Blakie emmenoit les homes et les famés, et les proies, et avoit le Dimot destruit , et tôt le pais entor , et que il ère encore à une jornée d'iqui. Et li consel l'empereor fu telx, que il s'iroit à lui combattre, se il i'atendoit, por secoure les chaitis et les chaitives que il emmenoit. Et chevaucha après lui , et cil s'en ala devant adès , et ensi le suit par quatre jors. Lors vint à une cité que on apeloit Veroi f. Com cil de la cité virent l'ost de l'empereor Henri venir , si s'enfuirent ès montagnes , et guerpirent la cité. Et l'empereres vint à tote s'ost, et se loja devant la vile , et la trova garnie de blez et de viandes et d'autres biens. Ensi sejorna iqui par deux jors, et fist ses gens corre par le païs entor, et gaaignèrent assez proies de bues et de vaches et de bufles mult grant plenté. Lors se parti de cele cité à toz ses gaains ; et chevaucha à une altre cité , loing d'enqui à une jornée, que on apele Blisme.

i. Béroé, ville de Thrace.

Et ensi cum li autre Grex avoient laissié l'autre cité , s'avoient cil laissié ceste, et il la trova garnie de toz biens , et se herberja devant.

Lors lor vint une novele, que, à une valéeà trois lieues de l'ost , estoient li chaitif et les chaitives que Johannis emmenoit , à tote lor proies et à toz lor chars. Lors atorna l'empereres Henris que li Grieu d'Àndrenople et cil del Dimot les iroient querre, et lor chargeroit deus batailles de chevalier. Ensi com il fu devisé si fu fait à lendemain. De l'une des batailles fu chevetaine Euthaices, le frère Fempereor Henri de Constantinople , et de l'autre Machairede Sainte Manehalt. Et cbevauchièrent entre als et les Grieu , tros que en la valée que on lor ot enseignie; et trovèrent la gent ensi com l'on lor ot dist; et la gent Johannis assembla à la gent l'empereor Henri ; si y ot navré et morz homes et famés et chevaus de l'une part et de l'autre; mais par la vertu de Dieu , orent li Franc la force ; et rescoururent les chaitis, et emmenèrent devant als arrière, Et sachiez que cele rescousse ne fu mie petite, que bien i ot viugt mil, que homes que famés que enfans , et bien trois mil chars chargiez de lor robes et de lor hernois , sans les autres proies dont il avoit assez. Et bien duroit la route, si cum il venoient à l'ost, deus lieues granz. Et ensi vindrent à l'ost la nuit , et ensi fu mult liez l'empereor Henris et tuit li autre baron ; et les fist herbergier d'une part , si que onc ne perdirent vaillant un denier de rien qu'il aussent.

Lendemain, sejorna l'empereor Henris por le

pueple que il ot rescous. A l'autre jor se parti del païs, et chevaucha tant par ses jornées, que il vint à Andrenople. Lors donna congié as homes et as faînes que il ot rescous , et chascun s'en ala où il volt en la terre dont il ère nés, o autre part. Et les autres proies, dont il avoit mult grant plenté, furent départi à cels de l'ost, si corn il dut. Lors sél'orna l'empereres Henri par cinq jors, et puis chevaucha tros que à la cité del Dimot, por savoir comment, ele ère abatue , et se on le porroit refermer. Et se loja devant la vile; et vit, il et li baron , que il n'estoit mie leus de fermer en tel point.

Lors vint en l'ost uns bers le marchis Bonifaces de Monferrat en messages , qui Othes de la Roche avoit nom , et parla d'un mariage qui devant avoit esté porparlé, de la file Boniface le marchis de Monferrat et de l'empereor Henri; et aporta les noveles que la dame ère venue de Lombardie , et que ses pères l'i avoit envoié querre et qu'elle ert à Salenique; et fu asseurez le mariage d'une part et d'autre. Ensi s'en rala li message Othes de la Boche à Salenique; et l'empereres y ot assemblées ses gens qui orent à garnison menez lor gaainz de Veroi qu'ils avoient fait en l'ost. Et chevaucha pardevant Andrenople par ses jornées, tant que il vint en la terre de Johannis, le roi de Blaquie et de Bougrie ; et vinrent à une cité qu'on appeloit la Ferme1, et la pristrent;et entrèrent enz, et y firent