CHAPITRE II

Après que finablement ce saint personnage eut supporté et enduré en ce pays de Vosges grands et infinis trauaux pour l'honneur de Dieu , qui le voulant remunerer de salaire condigne d'un si vaillant combattant, par son occulte iugement, nous l'a voulu oster non

point en ce lieu de Sennone, le voulant deliurer des angoisses de ceste penible et miserable vie. Mais parcequ'on ne treuue

rien de certain de sa sepulture , j'ay mieux aymé n'en rien escrire :

que d'en susciter chose douteuse à la posterité , obstant qu'aucuns tiennent qu'il repose auec autres de ses compagnons saints au heu de Moyenuic. Et pour ce qu'il me souuient que l'ay promis de traiter des Sieges et Eglises qu’aucuns saints ont édifiés d'un costé et d'autre, du temps de nostre fondateur Gondebert , je

te pric , amy lecteur, ne t'indigner, si ie me distray un peu de

mon entreprise , L'assurant que tu ne receuras pas peu de profit après que tu auras Jeu et entendu l'arriuée en ceste Vosges de tant et si grands personnages, des eglises qu’ils ont fondé, des noms d'icelles, et quelle a été la conuersation d’iceux.

De la vie et actes de saint Nhié, Euesque de Neurrs.