CHAPITRE XV

Enuiron trente ans deuant ces choses, fut en la basse Allemaigne une nonain renclose, de très sainte vie et de conuersation très

+ 15 décembre 1250. On accuse Mainfroy, son fils naturel, de l'avoir empoisonné ; le poison n'agissant pas assez vite, il finit par l'étouffer sous une pile de carreaux.

honneste, appellée Hiltigarde*. à laquelle Dieu entre autres luy bailla la grace de prophetie, et qui plus est merueilleux à dire, parloit et escriuoit en langue latine, ne l'ayant iamais apprise auparauant. Or elle prophetiza des estats des royaumes et des choses futures, lesquelles de sa propre main elle redigea par escrit en certains liures; elle escriuit aussy un liure de medecine pour diuerses infirmitez . lequel r'ay veu à Strasbourg. Elle escriuit semblablement de l'ordre des futurs Freres Prescheurs et Freres Mineurs, qui commencerent à être de nostre temps. Car elle dit appertemment qu'il aduiendroit une religion de freres hautement tonsurez et d'habit de religion tout inusité et incogneu. Et qui de leur entrée seroient receus de toutes gens comme Dieu, et predit qu'ils n’auroient rien de propre, ains qu'ils deuoient viure contens seulement des aumosnes des bonnes gens, et que d'icelles aumosnes ils n’en reserueroient un brin pour le lendemain. Que contens en telle pauureté, ils enuironneroient les citez et pays en preschant la parolle de Dieu. Et que par tel moyen ils se rendroient agreables à Dieu et aux hommes. Mais que par quelque temps après , desistant de leur proposé, ils ne seroient tant chers tenus que du premier. L'on tient que Hiltegarde predit ces choses des Freres Prescheurs et Mineurs ; ce que depuis Les faits d'iceux ont approuué.

Du commencement de l'ordre des Freres Prescheurs.