CHAPITRE XX VII

Retournons donc à nostre abbé Beaudouyn, qui desià occupe le siege de Sennone [1139]; iceluy n'auoit encore atteint la fleur de son age , il étoit prunt en façon de faire, haitif en escoutant, vehement en son parler et leger en courroux ; usant principalement de son conseil , n'adioutant foy à quelques flagorneurs , flatteurs ou mesdisans , mais plustost cherchant sa propre gloire. Des son commencement , 1l auoit accoustunmé nous dire tels propos : Mes freres , vous voyez comme ie suis ieune, et n’ay encor bien cogau vos façons de faire, ny l'usage du monastere , ny l’estat de nos affaires. Si ie fais ou dis quelque chose contre l'honnesteté , ie vous prie, reprenez et enseignez moy. Mais toutefois pour bien admonesté qu'il fut , ne s'amendoit que bien peu ou rien. Toutefois, le premier an de son entrée, comme il eut cognu que Wilderic , abbé de St Epure , encor viuant , tenoit le prieuré de Leomont, comme nous Juy auions conferé , 1l se transporta hastiuement deuers les administrateurs de la prouince de l’ordre de St Benoist, constitués en la prouince de Trieues , et d'iceux impetra certaines lettres missiues audit Wilderic, lesquelles veues, il deuoit incontunent restituer ledit prieuré à l’eglise de Sennone , et qu'autrement 1l s'assure d’êtreexcommunié. En telle façon, ledit prieuré fut restitué à nostre iurisdiction, Il s’acquit l’eglise de Colombier, laquelle du commencement étoit donnée à nostre eglise. De son temps mesme, nous fut acquise l’eglise de Fontenoy ; iaceois que contre la volonté du couuent , il ait engagé le prieuré de St Christofle auprès de Vic, si ce est qu’il n’a failly d'en receuoir les fruits et le bien entretenir. Il fut assez curieux à faire edifice, car 1] commença à edifier la partie du cloistre qu'est à l'endroit de Ste Marie ; selon que son decesseur auoit desià basty. Ordinairement , il entretenoit deux tailleurs de pierres, l’un domestique, et l'autre locatif, qui assisterent soigneusement à la besongne. Il bastit aussy quelques moulins de nouueau , et d'autres qu'il remit en suflisant estat ;

454 | CHRONIQUE DE RICRER.

l'un étoit à Reclonuille, pour lequel bastir un chanoine de St Dhié, appellé Symon , et surnommé le Diable ( car on disoit qu'il étoit fils d'un noble cheualier qui s'appelloit le terrien du diable ), iceluy confera à l'abbé quinze liures, que tant qu'il viuroit ,il print une partie du profit suruenant dudit moulin; mais étant preuenu de mort , il acquitta lesdites quinze liures, pour le remede de son ame. L'abbé institua qu'en l'anmuersaire dudit Symon , l'on donnast au couuent pieusement cmq sols toullois proueuant du reuenu dudit moulin. Mais pour ce qu'il étoit incertain que lesdits cinq sols se deussent distribuer ordinairement à l'aduenir , il fut arresté que le village d'Ogéuiller iroit moudre audit moulin, sans donner mouture, et que le pitancier, pour chacun an , donneroit cinq sols toullois au couuent de Sennone. Il restaura encor un autre moulin qui est auprès de Moruiller ; il acheua un autre situé près de Lorestingue , lequel auoit été commencé par feu de bonne memoire Pierre d'Anseruille, Il fit aussy d'autres bastimens. Si r'escriuois tous ses autres faicts , quelqu'un me le pourroit imputer à iniquité ou à cause de hayne, ou autrement. Parquoy r'aime mieux m'en taire que d'en parler, selon que dit Moyse: Tu ne descouuriras la honte de ton pere. Mais s’il eut conioinct auec ses bienfaits les façons de faire de son ordre , il n’eut iamais diffamé ses moynes comme il fit. S'il eut assisté volontiers à l'office diuia , et eut plus souuent eelebré la messe , ou s'il fut été plus soigneux aux affaires du monastere, et qu'il eut plus familierement usé du conseil du couuent , nous n’eussions eu occasion de desirer un autre prelat. Et pour ce que beaucoup de choses sont auenues contre les regles de nostrereligion, H est necessaire que nous remettions le discours pour quelque temps, veu principalement que lorsque r'escriuois ces choses , Baldouyn viuoit encor, et partant , ie n'ay sceu escrire des choses futures. Toutefois il étoit illustré d'une certaine vertu d'hospitalité , et principalement il logeoit les honnestes personnages, tant hommes d'armes que d’autres conditions ; finablement , il voyoit volontiers Jes plaisanteurs , afin qu’ils rendissent plus ioyeux ses hostes. Mais pour ce qu'assez compendieusement nous auons escrit du sieur Baldouyn , nous remettrons à la volonté de Dieu le reste de sa vie, comme 1l est en Juy de Ja tourner en bonne fin , et de nous tous aussy. |