CHAPITRE XXIX
Venons maintenant au comte Henry, duquel cy deuant nous auons parlé , qui du temps de Wilderic intolerablement oppressa l'eglise
de Sennone , et presumant à s'usurper le patrimoine de Jesus . Christ , il affligeoit de diuerses facheries les hommes de St Pierre; dont iceluy, par son propre fils, fut deietté de sa propre maison et seigneurie. Car comme son fils Frederic fut fait cheualier, et le vit tant debilité de vieillesse , ce que son frere auoit deliberé de faire, s'il eut vescu , cestuy cy le fit sortir son effect , car 1l le chassa de Blamont, et ce qui est indigne à raconter . 1l le contraignit aller à pied, guidé d’un seul garçon , iusques au chasteau qu'on dit Pierre Percée , et de la marche d’une traite rusques au chasteau de Salmes ; mais l'abbé Beaudouyn luy donna un cheual , et ainsy il fut priué de son fils , de son honneur et seigneurie ; et ne iouyt onc de son honneur ou puissance depuis qu'il eut debat auec Wilderic , voire tant qu'il suruesquit , passa ses lours en pauureté exhereditaire. Ainsy Dieu a accoustumé de recompenser ceux qui luy sont aduersaires. Après ces choses , il ne vesquit longues années ; il fut enseuely en l'eglise St Pierre, à l'endroit du sepulchre de l'abbé Antoine, où mesme après fut enseuelie la femme du sieur Henry, cheualier de Bayon, aux sepulchres desquels 1’y ay entaillé des images , feuillages et epitaphes , comme il appert encor. Ledit Henry donna pour le remede de son ame trente sols toullois , à prendre sur les tailles du val de Sennone par chacun an, tant et si longtemps que la terre sera assignée valant la somme susdite. Il donna aussy les dixmes de Neuuille , située auprès de Fontenier, et quelques autres censes que l'eglise de Sennone ne iouist point, non pour autre cause que par nostre negligence.
De Mathieu, preuost de Blamont , de ses faicts , et de la vengeance de Dieu. CHAPITRE XXX.
Du temps de ce comte , étoit à Blamont un homme, nommé Mathieu | assez riche et beaucoup malicieux. Iceluy auoit la superintendance de tout le comté dudit lieu. Il proposoit et ordonnoit entierement tout selon sa volonté, et sans luy rien ne se faisoit en toute celle terre. L'on estimoit qu'il étoit pere
de Frederic, qui tant impudentement dechassa son pere de ses seigneuries. Îl oppressa et molesta, tout le temps de sa vie, l'eglise de Sennone , comme aussy faisoit ledit comte, tellement que Dieu luy rendit le loyer de ses merites en ceste vie presente. Mais à vray dire, quand ledit Frederic eut pris la puissance de regner après son pere Henry ( qui, selon le vulgaire , luy étoit pere putatif) , et qu’à l'enuiron , il degastoit et molestoit les eglises , principalement Haute Seille , laquelle 51 opprimoit indiciblement , l'eglise St Sauueur ct l’eglise de Sennone , laquelle il aggraua de maintes iniures. en tous ces beaux gestes , 1l auoit ledit Mathieu pour son conseiller et adiuteur. Muis en actes si meschans , il s'opposa Dieu pour son aduersaire. Il étoit chargé de tant et si grandes debtes, qu'il n’eut sceu de sa vie les acquitter ; car Dieu , de son occulle iugement, eu egard à ses malefices , l'opprimoit. Que diray ie de plus? Il mit les mains sur le preuost Mathieu , et Je mit en bonne garde, et de luy il tira quelque somme d’argent, et afin qu'il ne l’otast de son estat , il se fit donner des respondans pour deux cents liures. Mathieu , considerant que sous un seigneur tant iniuste, il ne pourroit longuement durer, se deroba subitement, et s'en alla à Metz, et poisa le peu de bien qui luy restoit encor, et de là se transporta à la ville de Salborch, où pauure et plein d'infirmitez, 1l mourut n'emportant rien quant et luy que ses pechez. Il fut enseuely à Saint Sauueur.
De Frederic, fils du comte Henry.
