CHAPITRE XII

Après que ce saint personnage eut pris cohseil d'un sien souffragant , homme veuerable et discret, nommé Jacob, qui lors étoit euesque de Toul. sçauoir comme :1l pourroit trouuer lieu commode pour employer son seruice à Dieu ; enfin se delibera prendre chemin vers ceste partie de Vosges. Et n'ayant chose plus à souhait que de repairer auec les saints personnages qui étoient venus en ceste solitude comme hermites, où de long temps il auoit dressé son vœu pour conuerser et viure saintement auec iceux. Finablement arriua au lieu où par après il construit le monostere de Movenmoustier. Mais pour ce qu'il ne trouua en ce lieu place assez spacieuse pour executer son dessein , étant d’une part contigu à nostre eglise de Sennone et à celle d'Estiual, après auoir pris permission de l'une et de l'autre, s’arresta en ce lieu, où luy fut accordé quelque moyenne portion d'heritages , et d’autant qu'il ne sçauoit de quel nom 1l deuoit baptiser ledit monastere , en tant qu'auparauant n’y auoit de nomination certaine, ayant du costé de septentrion l’eglise de Sennone , à l’occident Estiual , du midy St Dhié, et Bodon du costé de septentrion , à ceste occasion et eu égard à la situation du lieu, étant au milieu desdites quatre eglises, denomma la sienne Moyenmoustier, comme iusques à present elle a demeurée sous ce nom.

Poursuitte de la même matiere.