CHAPITRE XXII
En ce temps que ledit monastere étoit si pollu et prophané par les abominables actes commis par les insolences de si mechants
et infames moynes , Dieu contemplateur de toutes choses humaines, par une douce et salutaire exhortation et aduertissement, selon son accoustumée bonté et misericorde, sous telle figure qui s'ensuit, les admonesta se retirer de telle damnable erreur où ils éloient si abusiuement plongés. Car aduint qu'un religieux de ceste nostre église de Sennone , receut une vision en son dormir,
qu'il voyoit deuant les portes du monastere de Moyenmoustier, .
du costé deuers le cloistre, un homme de visage venerable, et non moins honneste en sa cheuelure, vestu d'un habit episcopal, et portant en main le baston pastoral. et en tel ornement entroit et reuisitoit auec grands soupirs chacune chambre dudit monastere, d'où ne ressortoit qu'auec grande et abondante effusion de larmes en gemissant amèrement; tellement que par la fin paruenu à la chambre de l'abbé , battant ses mains l’une à l’autre et frappant son estomach avec plus de grandes larmes qui ruisseloient de ses yeux, exclamoit en cette sorte: O Seigneur et bon Dieu, enuoye les ainsy qu’une ‘roue fuyante , et comme la paille deuant l'impetuosité du vent, repetant souuent tels propos , s'euanouÿt. Mais après que les abbé et moynes dudit Moyenmoustier furent aduertis par ledit religieux de Sennone, ne faisoient qu'une risée de telle vision. Neantmoins peu après l'issue argua le contraire. En ce que par l'imprécation de - ce saint homme aiusy apparu en vision , soudainement a monstré son effect, quand les moynes dudit Moyenmoustier aujourd'huy l'un, demain l'autre, tomboient morts, commenceant aux plus vieux iusques aux plus ieunes, en façon que nul d'entre eux (comme auint aux Egyptiens engloutis en la Mer Rouge) n’eschappa la peine de telle malediction , excepté le seul abbé , qui se persuadant telles choses être auenues fortuitemeut, et non par luste iugement de Dieu, discourut par tous les villages circonuoisins, tous ceux qui s'inclinoient à se rendre à sa religion et de son ordre, :l les tonsuroit et ordonnoit de l'habit non du cœur monachal, tellement que de brief repeupla son monastere de tels pyrates et larrons qui n'ÿ demeurerent longtemps, parce qu’aussitost qu'ilz auoient élé sinistrement assemblez, aussy soudain étant defroquez moururent et furent dispersez; puis l'abbé n'ayant plus remede propice que la fuitte, retourna au pays d'Alsace, d’où il étoit
