LIVRE DEUXIEME

toute deuotion y passa le reste de ses iours. viuant fort chastement, Ce que paruenu aux oreilles de beaucoup de gens, admirans la sainteté de ce personnage dedié à Dieu, et desirans être alliez auec luy, et entre autre; furent deux non moins nobles de race que reluisans sous le bouclier de la foy. L'un d'iceux appellé Willermin, et l’autre Acheric, l'un et l'autre desquels auoient moyen non moindre que ledit Bludolphe d'aider à faire telle fondation. L'un d'iceux , sçauoir Willermin, a été pendant sa vie et après tellement celebre et veneré pour les apparens miracles qu'il a faits, que son corps saint fut enleué de son tombeau et posé en une chasse d'argent ornée d'or , et les reliques posées en icelle eglise par un prestre, nommé Hesse, où encor de present sont gardées fort curieusement et auec grande reuerence. Mais Acheric, successeur dudit Willermin, regit par quelque temps ladite eglise et le lieu. La celebrité duquel fut si grande, que le lieu, qu'on appelloit Beaumont, changea son nom au nom dudit Acheric, du nom duquel le village en est encor aujourd'huy appellé. De la race d'iceux gentilshommes sont issus autres, qui en nostre temps ont fait bastir un ebasteau en la vallée de Liepure , auquel ils ont donné le nom d’Acheric. Qui, parvenu au bord du cours de nature humaine, passa de ce siecle en l’autre, et gist son corps au milieu du chœur de ladite eghse , deuant l'autel dedié à la tres sacrée Vierge Marie. L'on tient que presque iusques à nostre temps les moynes de Moyenmoustier y ont habité, parceque lesdits deux saints personnages auoient assuietty icelle eglise au monastere de Moyenmoustier. Si que l’estat d’icelle eglise monachale, pour lors, par la negligence des moynes , est conuertie en une eglise parochiale. Au plus profond de ceste vallée ( parceque le lieu est plus spacieux), le tres maguauime et catholique empereur Charles le Grand, y auoit edifié une petite chapelle en l'honneur du bienheureux St Deuis Areopagite, en laquelle il auoit fait inhumer glorieusement le corps du pape Alexandre , et martyr, l'ayant là fait transporter de Rome. A laquelle chapelle :l confera de grands et riches reuenus , comme appert encor maintenant , que le paué d'icelle eglise est en aucuns endroicts fait de diuerses couleurs, artificiellement apposées*. Laquelle chapelle est encore subiete au monastere de St Denis. |

* Les pierres de marbre de ce payé furent enlevées l'an 1586, pour metuc à Harouc. (Note du manuscrit.)

De Frederic, duc de Lorraine; comme il donna à l'abbé de Moyenmoustier le gouuernement de St Dhié.