LIVRE DEUXIEME

reccurent plusieurs fatigues et molestes des enuicux de bon zèle et entreprise. Si que après plusieurs trauaux , arriuez qu'ils furent deuant Antioche, y planterent le sicge, pendant lequel les assiegez leur liurerent plusieurs combats , soutenans d'autre part le glaiue de la faim, accompagné de la rigueur de l'hyver et inondation des eaues , sur lesquelles leurs tentes et pauillons souuent étoient enleués. Finablement la ville fut rendue à la deuotion des Chrétiens par un des bourgeois de kdite ville, nuictamment, dont les Sarrazins contrains se sauuer et abandonner la ville, se ietterent en un chasteau fort et bien muny, qui étoit en un endroit d'icelle ville, d'où ils insultoient ordinairement les François , les prouoquans à conflict; en facon que lesdits François furent contrains construire une haute muraille entre ledit chasteau et eux , sous la couuertnre de laquelle étans en asseurance, enfin par la grace et prouidence de Dicu obtindrent la place et forteresse [1098]. Laquelle prise de la vilie et dudit chasteau étant venue à la connoissance de l'admiral de Babylone, dressa un copieux exercite en bonne conche. Et en ayant donné la charge à un sien familier, nommé Corbaran, luy commanda conduire son armée auec son fils, et prendre la route d'Antioche, où arriuez , Passiegcrent et detindrent les Chrétiens comme captifs si longuement, qu'ils furent reduits en si extresme famme qu'ils ne pardonnoient à leurs asnes et cheuaux , lesquels ils étoient contrains manger pour appaiser leurs ventres fameliques. D'entre lesquels, 1l y eut un comte, nommé Estienne, qui par l'espéc à deux pieds se sauua auec ses gens, et eschapperent de là, et renians Jesus Christ, ne furent vergongneux se ioindre auec les Payens. Consequemment ÿ eut un autre François qui, opprimé sous le fardeau de famine , se glissant furtiuement hors la ville, se retira vers Corbaran , general de l’armée payenne, auquel il recita par ordre les dangers qui étoient suruenus en la ville, et que les assiegez ayant mangé leurs asnes et cheuaux, la famineles succomboit à la mort. Quoy ouy, Corbaran fort ioyeux le retint, le gratifiant de sa continuelle compagnie. Mais comme Dieu ne denie sa prouidence à ceux qui soutiennent la foy, illumina les cœurs des assiegez et les encouragea, nonobstant que la faim leur eut fort enerué le courage, et ayaus eu le conseil de tous les barons , se dehbererent qu’il étoit plus expedient et honneste de preferer une houneste mort les armes au poing, à une mort si cruelle que la

Ld

famine leur auoit preparé. Lequel conseil , d’un chacun fut appronué et receu; si qu'étans ainsy menassez de la faim, delbercrent reprendre tout leur conseil de Dieu ; de façon que soudainement, diuinement , ils furent conseillés et aduertis de chercher diligemment et qu'ils trouueroient en quelque lieu dedans la ville la lance qui auoit ouuert le costé de notre Sauueur, et que armez en assurance sous la protection d'icelle. ils liurassent le combat à leurs ennemis , car infailliblement Dieu leur donneroit victoire sur iceux. Après curieuse recherche , ils trouuerent ladite lance comme leur étoit promis. Puis le lendemain matin, l'armée bien ordonnée, preccdant un euesque qui portoit ladite lance, sortirent par la porte qui conduit au pont de fer, où ledit Godefroy, auant que la ville fut prise , d'un coup d'espée auoit party un Turc en deux dès l’espaule par l'estomach insques au ventre, puis ayant precipité dedans une riuiere Ja teste auec une des espaules iusques à l'estomach , suspendit l'autre espaule auec les deux cuisses , et en fit un horrible spectacle aux Antiochiens. Et comme les Chrestiens sortoient de la ville en bon ordre, leur vint à l'encontre Corbaran y ayant disposé les siens. Lequel interrogeoit le fuyart et traistre françois qui l'assistoit, de chacune pointe de l’armée et qui la conduisoit, ce que ledit François luy declaroit par ordre les connoissant bien. Corbaran voyant comme l'armée des Chrestiens si bien ordonnée sortoit d’Antioche, fut transy de frayeur; puis se retournant deuers le François, Toy, pendart, dit il, ne me disois tu pas qu'ils auoient mangé leurs asnes et cheuaux par la famine qui les opprimoit ? Je vois les cheuaux et les hommes sortir demonstrans qu’ils sont prèts à combattre ; dont maintenant tu receuras la peine digne de ta menterie. Or les Chrestiens entrans au conflit, Corbaran auoit commandé à ses gens de mettre le feu dedans les herbes seiches , pour exciter grande famée pour obtenebrer les Chrestiens , et les faire fuyr par ce moyen et stratageme de guerre. Pendant que les deux armées s’entrechoquoient, Corbaran s'étant logé sur le haut d'une montagne pour mieux et plus asseurément iuger des coups, ainsy qu'il tourna les yeux vers la croupe des montagnes. apperçoit une trouppe inaumerable d'hommes combattans , qui descendans des montagnes, et ioincts auec les Chrestiens, renuersoient. les Payens, et les Chrestiens les esgorgeoient. Les capitaines de ceste belle armée étoient Maurice, George, Demetre, auec leurs