LIVRE DEUXIEME

sainte et indiuisée Trinité. Auquel lieu , ledit iour, ou es octaues de la Penthecoste , à raison de la feste , s'y assemblent , tantost les unis, tantost les autres , pour la commodité du lieu , y habitans , qui l'ont amplifiée de leur propre , et étoit suiete à l'abbaye de Sennone.

De l'Euesque de Metz, nommé Estienne, et de l'abbé Antoine. CHAPITRE XXII.

Après ces choses, Rambert, abbé de Sennone, suruiuant de quelque temps, ayant heureusement regy et gouuerné son eglise et ses moynes, reposa en nostre Seigneur. Après lequel succeda Bercher , homme de bonne reputation, qui en imitant les vestiges et en suiuant les traces de son predecesseur , conserua regulierement toutes choses à luy commises , auxquelles curieusement il adiousta d’autres biens; et qui semblablement ayant mis fin au cours de la vie, rendist son esprit au ciel. Étant donc defunct cest abbé Bercher , en mesme temps la cité de Metz fut depourueue d’euesque, et pour ce que l'abbé de ce lieu doit reprendre son temporel de l'euesque de Metz, au defaut d'euesque ceste eglise fut destituée de pasteur presque par l’espace de trois ans. Étant toutefois esleu Estienne au siege episcopal de Metz, les religieux de ce lieu requirent à iceluy qu'il leur proueut d'un abbé; qui considerant à part soy de circonstance , et voulant remedier à leur necessité , ayant fait venir à soy Antoine , abbé de Cellace, l'enuoya au gouuernement de ceste abbaye. Et pour ce que celuy Antoine dont nous parlons, s'ennoblit de plusieurs actes dignes de memoire, comme nous dirons cy après, ie descouurirai briefuement et succintement les moyens par lesquels il vint en ces parties. Il sortit doncques de Tuine (que l'on dit Papie ou Pauie ) au territoire de Longobardie ou Lombardie. Et d'autant qu'il étoit descendu de nobles parens , d'autant plus il orna sa vie de mœurs honuestes et vertueuses. Luy encor ieune adolescent qu'il étoit. laissa ses parents et leurs biens et se transporta en ces parties. Étant arriué à Metz, meu de deuotion, se fit familiaire au cloistre de St Arnould , qui de ce temps étoit tres fameux. Et quand l'abbé et les freres dudit lieu eurent pieusement

consideré la modestie du personnage. ils le receurent à leur

profession , et tantost après le firent prefect au prieuré de Cellace deià dit, qui étoit de leur iurisdiction ; où étant paruenu , voyant le lieu demoly d’antiquité, le fit miner de fond en comble et le bastit de nouueau , l'amplifiant plus qu'il n'étoit , et augmenta teliement les reuenus de son prieuré, qu’à son arriuée l’on n’y eut sceu nourrir trois personnes, et y en nourrissoit ordinairement dix ou douze. Gouuernant donc ainsy le prieuré de Celle , il fut enuoyé en ce leu de la part de l’euesque de Metz, pour être abbé. Non longtemps après , il mit par terre tous les bastiments qui auoient été construicts dès longtemps par ses predecesseurs, comme le monastere, le cloistre, le refectoire, le dortoir, et toutes autres officines dedans et dehors , et fit le tout bastir honnorablement et decentement mieux qu'auparauant. Il augmenta les reuenus de ceste eglise, et acquit au profit de ce lieu le prieuré de Celle, qui n'y appartenant deuant luy. Il fit bastir l'hermitage qui étoit auprès du chasteau de Deneuure, par l'ayde et deuolion du reuerendissime Estienne , euesque de Metz , qui luy conceda pour l'entretenement de quelques religieux qui seruoient à Dieu en ce lieu là. IL leur permit la pesche en ses eaues, moyennant toutefois que lesdits religieux peschassent eux mesmes. Comme aussy il leur permit le pasturage, et puissance de prendre bois en ses forests pour bastiments , à faire feu , et autre usage. Et au lieu mesme où est située ceste Celle ou hermitage, 1l y a quelques prez donnés par le mesme Estienne, comme il appert aux priuileges de ce dit prieuré. Et l'eglise de ce lieu fut bastie par un cardinal, nommé Thiewin. en l'honneur de St Estienne, le premier martyr. Or quant à la Celle* de Mont Leon, elle fut annexée à ce lieu par le soing et diligence d'Antoine denommé , et par le mesme euesque amplifiée et enrichie, comme aussy par les bienfaits des bons hommes. Le prieuré de Surres auec les prez , terres , bois, et autres dependances d'iceluy, fut donné à ce mesme lieu par une noble matrosne , nommée Cunigonde, à la sollicitude d'Antoine. Il bastit la Celle de St Christophe, qui est située en la vallée d’une coste deuant les portes de Vic, où furent donnés maints heritages et possessions par aucuns seigneurs deuotieux. Il acquit la Celle de Lorchinge auec ses appendances, et l’eglise

ne mem ee