CHAPITRE PREMIER
Pendant ces choses, Maheu., homme extrait de generation emperiere et princiere , et pour le commencement autant modeste , comme nature l'auoit doué de beauté corporelle, plaisant et aggreable à ses familiers , étoit preuost de St Dhié * , et l’euesque
* Dans l’église de Saint-Dié, la dignité de grand-prevôt remplaçait celle d'abbé. Le grand-prevôt officiait pontificalement avec la crosse , la mitre , les gants et les sandales violets.
de Toul étant deffunct. s'empara de la chaire episcopale. Durant son regime, Cono de Deneuure, prestre infiniment riche , fut esleu à gouuerner le monastere de Sennone par les religieux dudit lieu , non pour autre consideration que pour le respect de ses richesses , estimans iceux qu'il subuiendroit à la pauurcté de leur eglise , au moyen de ses biens pour lesquels seulement il étoit chery. Et de vray, il étoit tout ignare de la règle de St Benoist, tout seculier et mondain de mœurs et de faict, et en qui n'apparaissoit aucune fiance de religieux , sinon qu'il portoit mine de vouloir ayder au monastere par l'exhibition de ses richesses ; et d'autant qu'il étoit tout embarassé des affaires mondaines , 1l ne pouuoit aucunement s’entremettre des choses regulieres ; 1l portoit ses espreuiers au cloistre, au chœur, comme de premier , non toutefois reuestu d’habits religieux ; il prouoyoit seulement à ses nourrissons et à sa famille , comme il auoit accoustumé. De sorte qu'il ne profita rien en ce lieu , ainsy que l'on esperoit. Ce qui n'est de merueille: car comment pourra profiter celuy qui ne l'apprit iamais ? Qui pourra enseigner qui ne la retenu? Qui sera maistre , sans auoir été disciple ? Ainsy sont les honneurs precipitez par les mausades. Mais quoy ? il gouuerna ceste cglise cinq ans , cependant que ces choses se pratiquoient ainsy. L'euesque Maheu , dont nous parlions naguere , fut accusé de mauuaise administration de son euesché par les chanoines de Toul. De sorte qu'ils l'interpellerent pardeuant certains iuges qui toutefois ne peurent decider leur differend ; on l'appella secondement deuant le pape Innocent , troisieme de ce nom. Un archidiacre de Toul , nommé Frederic , auec les autres. s’opposa promptement contre luy; l'euesque prenant chemin paruint iusques à trente milles d'Italie, près de Rome ; les aduersaires persistoient, car le iour de leur appellation étoit ià expiré. Le Pape neantmoins differa , pour l'enuie qu'il auoit à luy pardonner , étant dauantage aduerty qu'il étoit en chemin ; mais le malheureux euesque desesperant de son salut, recula son chemin , et de rechef retourna en ce pays. Or les parties aduerses urgeans à leur poursuite. et le Pape ayant sceu que l’euesque se retiroit en son pays , il prononcea sentence contre luy, nonobstant que ce fut à son regret. L'euesque faict certain du tout, feignit d'engager le ban de Badonmoustier à Frederich , son frere , duc de Lorraine , combien que la terre de
