CHAPITRE XI

1! aduint qu'un nobleseigneur , comte du Palus de Vittenlmspach, se transporta deuers le Roy Philippe, le sollicitant qu'il luy baïllast à femme une fille de belle et gracieuse forme qu'il auoit ; laquelle le Roy se sentant aucunement necessiteux de secours, luy promit; mais nonobstant il differa, l’autre persistamment importunoit le Roy qu'il satisffice à ses promesses. Or il aduint que le Roy Philippe se transporta à la cité de Spire , où étant en repos auec Conrard, euesque dudit lieu, et depuis fait euesque de Metz et chancelier de la Cour Imperiale , et 1llec se fit ouurir la veine et prit medecine. Et comme il tenoit chambre, ainsy que seul 1l diuisoit auec le veneräble Conrard, voicy le seigneur qui auoit demandé la fille du Roy, et ayant frappé à la porte de la chambre fut intronisé dedans , et en ceste sorte parla au Roy : [usques à quand me retiendras tu ma femme? Le Roy luy respondit, mon amy, patiente encor iusques à ce que les iours de ma medecine soient expirés , et ie te üiendray promesse. Mais l’autre. comme il étoit de cœur furibond et mal rassis, hurtant la porte, saillit dehors, et discourant

* Philippe , empereur d'Allemagne , fut assassiné en 1208 , au mois de juin , par Otton de Wittelspach , cousin da duc de Bavière.

longuement à part soy . finablement , vaincu de colere , retourna en la chambre; et comme les Theutoniciens ont de coustume, il portoit sous son aisselle un large coutelas , et entré qu'il fut, dit au Roy: À ce que ie voy, l'attendray longuement tes promesses ; et ce dit, en tirant son coutelas frappa le Roy si furieusement sur la teste, qu'il luy fendit en deux iusques aux espaules , ensorte que l’une des parties de sa teste tomba au gyron de l'euesque , dont il en fut horriblement esperdu , et se leuant legerement se mussa en une chambre , et le meurtrier montant à cheual s'en retourna en son propre domaine*.

Comme la fille du Roy Philippe fut espousée au Roy d'Espaigne, et quelle Jut la conqueste de Cordube.