CHAPITRE CCLXII

Comment le seigneur de Villers fut pris à Chimay , cuidant venir à Liège pour les eraiouvoir , et puis fut amené vers le duc.

A tel confort et exploit que avez oï , Gantois retournèrent en leur ville, et furent recheus demi à joie demi à dueil, sans trop et sans peu. Je If laisse doncques Gantois d'ici à une aultre fois que j'en ferai encore ung plus grand conte et de plus grand effect, et veuls venir maintenant à pluseurs autres choses qui restent à narrer, et qui sont avenues entre deux ; et tout premier d'ung chevalier de Rochelois , nommé le seigneur de Villers , et estoit au conte de Nevers , cely qui jà avoit envoyé et escript unes lettres au duc Charles, enBrusselles, assez arrogantes, comme j'ai dit, selonc la personne. Ce chevalier doncques de Rochellois , qui estoit envoyé de son maistre le comte de Nevers, en commission de venir ou pays de Liège suborner Liégeois à toute force et à tous lez , et les inciter à eulx remonvoir et à recommenchier guerre en -

Cvrowiqum. 7*. XLIII. — G. Chutella.!*. 111 1

vers le duc Charles , en les asseurant que ledit conte les venroit servir et assister pour et au nom du roi encontre 1 y, et de ce bailla lettres et scellés audit de Villers , adressans à la cité de Liège et à tous autres; et vint icellui chevalier , et passa d'aventure par une villette qae l'on nomme Chimay, cuidant qu'elle tenist pour fa cité comme vraie Liégeoise. Mes li ignorant qu'elle fust en la main du duc, et que ses gens y estaient, fut soupçonné prestement et cogneu non y estre venu pour bien, fut pris et examiné atout (avec) ces lettres, et prestement mené devers le duc à Brusselles ; et fut par icellui tout sceu et descouvert ce que le comte de Ne vers avoit en ventre. Mes combien que le péril n'estoit point grand , ce sembloit-il au duc, toutesfois estoit-il bien aise d'en savoir le secret, pour y tant mieux pourvoir, comme il feist ; et fit tenir en prison ledit chevalier longue espasce, d'ici à tant que aultre grand effect s'en ensievi, et maugré ledit conte, qui mal y eust sceu remédier. Or estoit sourse une grand murmure , et une orrible çommocion de peuple en Malines, pendant que le duc se tenoit à Brusselles , et estoit ceste commotion toute à l'exemple de ceux de Gand; et se misrent en armes les Malinois , crians et braians sur aucuns gouverneurs de la ville dont ilssedoloient;etmanachoient de tout tuer;etde fait, en défaut des personnes qui s'estoient muchiées (cachées), vindrent à leurs maisons et les abattirent et fustèrent , et y firent tous les desrois du

(l4<>7) DK GEORGES CHASTELLAIN. * 5

monde, el jusqu'à donner peur à tout ce qui portait teste d'omme et femme. N'y avoit si hardi qui s'osast trouver sur rue, qui fust homme d'aucun gouvernement. Et tout ainsi que Gantois avoient usé dé voloir avoir tout à leur poste et à leur demande, cestes maies gens aussi disoient que tout autre tel aroient-ilsen pareil, et seroieiit mises jus maletostes et impositions . et sçauroient que tels et tels deniers estoient devenus, qui si longuement avoient esté recheus en grief du peuple ; et feraient par le saint Dieu un monde novel, ce disoient, aussi bien à leur tour comme avoient fait autres.

Or estoit le duc à Brusselles, là où n'y avoit que quatre lieues. Si le sceut tantost, qui bien s'en garda de rire ; mes dit : « En ce dangier m'ont » mis Gantois ; Dieu le leur rende ! et à leur exem- » pie tous les vilains se youldront rebeller et faire » le maistre, ce samble. Or, par saint Georges ! il en » y aura des punis et chastiez, se je vis dix ans; et » ne se vanteront pas d'avoir trouvé ce qu'ils cui- » dent ».

Et tout en ce meismes temps, ceulx d'Anvers firent autre tel que Malines , et firent des commotions entre eux aussi ; et qui plus est , à la tierche main , une meschante ville en comparaison aux autres, nommée Lire, fist une grande heorée aussi, comme se c'eust esté quelque chose de grand ; et tout sur une manière de faire comme Gand, contre les gouverneurs et pour avoir les choses à leur poste.

Dont et se le duc en avoit ennuy et dueil n'estoit de merveilles : car bien y avoit cause pourquoy. Et certes, la conséquence aussi en estoit dangereuse et de malvaise attente. Si me souvint ^ alors , quand je vis toutes ces villes ainsi rebeller et esmouvoir à l'entrée de ce nouveau duc, comment à l'entrée aussi du roiLqys, tantost après son couronnement, ceux de Raims se commeurent aussy en pareille manière, pour mettre jus à leur volenté les imposts et les gabelles du roi, et à leur exemple aulcunes aultres villes, ce disoit-on, par le royaume, et de quoi les interprétations , ce me souviens bien , alors estoient assez estranges en la • bouce des saiges et de non grand espoir en bien*

Or, comme ces commotions se faisoient maintenant par dechà à l'entrée de ce duc nouveau ; je entray en ymagination aussy. Dont , et comme je me tçus du premier, je me tays aussi du second> et m'attends à ce qui peut ensuivre de tous les deux, et dont les fins feront le jugement. Mes le roi Loys et le duc Charles , trouvèrent leur pays en haulte fortune de paix et de félicité : doint Dieu que la fin en soit encore plus glorieuse et plus de salut! car tous deux estoient princes, dont les sens et les vertus estoient pour faire ting grand fait et ung gïand cop, là où ils se voloient tourner.

(1467) DE GEORGES CHASTELLA1W.