CHAPITRE CCCVÏI

Comment Tescoatète prit à l'heure de mye-nuit ledit prisonnier bon d& la porte , et le mist en la prison de ville.

A dur regret et à anuy de cuer, l'escoutète de Bruges, celle mesme nuict, à douze heures, vint à la porte quérir le bastard , couchié en son lit , et non en attente de si prochaine mort. Si l'en emmena à la prison de la ville, el lui dist qu'il avi-

(i468) de GEORGES CHASTELLAIN. 121

sast et pensast à son ame , car le duc l'avoit jugié à mort , et n'y avoit nul remède. Si commença à plorer et à soi lamenter durement de sa triste fortune le bastard; et n'eust jamès cuidié, en si josnes jours, et à telle parenté qu'il avoit, venir à si dure fin , pour .cas encore rémissible , et dont le roy et tous aultres princes baillent rémission tous les jours de samblables. Or en estaient tous avertis soudainement , çt meismes l'escoutète qui quéroit l'eslongement de ceste mort , en avoit secrètement averti les amis , afin de venir encore à aulcun remède , qui poroit par aulcunes grandes voies. Si allèrent les parens devers la ducesse , la mère , prier pour son aide et pour son intercession envers le duc, pour sauver ce jeusne fils. Et combien que l'escoutëte avoit ordonnance expresse de le faire morir à onze heures du matin, encore sursist le temps et s'enhardit de le différer jusques à trois heures après midi, par espoir qu'en ce pendant , le duc poroit remitiguer sa rigueur, par l'intercession de sa mère et d'un évesque d'Angleterre qui s'y employa tout.

Si avint que messire Jacques de Hercies , chevalier et diligent poursieveur de ceste matère, vint ferrant bastant à l'Escluse , trouva que le duc s'estoit allé esbanoyer , celle mattinée , sur le port, en petits bottequins, vaucrant et nageant cà et là, et ne se pooit trouver et attaindre par nul sens; par quoy le temps coula et monta tousjours à liaulte none; et trouva sa peine perdue et sa dili-

122 CHRONIQUE (i468)

gence faite en vain : car avant que pooir venir à ly pour faire la prière de sa mère , jà estoit le temps venu jusques à l'eure qui estoit limitée pour sa mort , parquoy toute peine , ce savoit bien , estoit cassée et frustrée et de nulproufit. Dient aulcuns toutefois , que le duc commua son courage , à la supplicacion de sa mère , mes ce fust trop tard ; mes je n'afferme poinct qu'ensi en fust ; et s'il le fist, si le fist-il pour ung contentement dont il savoit bien que l'effect n'en sievroit poinct.