CHAPITRE CCCXXII
En ce tems-cy se moostra une comète du ciel, laquelle se monstra après
la m y-nuit par une espasse de tems.
En tandis donc que le roy et le duc gisoient ainsi front à front l'ung de l'aultre, l'ungen son parc clos , et l'aultre à Noyon ; et que sans emprendre et sans rompre l'ung en l'aultre, chacun bergaignoit son compagnon, enfler samblant, s'apparut alors au ciel une comète, laquelle, par ce que j'en ai pu apprendre de ceulx qui la virent devant moi , se monstra premièrement sur terre, tantost après la my-nuict; car pluiseurs , comme il me fust recordé, l'avoient veue par nuict, comme à deux heures , et aulcuns aultres après à trois , et entre trois et quatre ; et comme alors les jours estoient encore assez longs , et les matinées tempre , faict à supposer qu'après quatre heures et demie ne se pooit plus veoir en son monter , là où elle avoit esté veue au premier , en orient. Et moy-meismes , après eu avoir oy le conte ,
^$68) DB GEORGES CHASTELLÀÏN. i5q
désirant fort de la veoir , me levai deux ou trois fois à.ceste cause, entre trois et quatre , cuidant la veoir en lieu comme les aultres , à l'adresse que j'en avois. Mes tel fois le temps estoit couvert, par quoi j'en imputay la faute as nuées; et aulcunes fois , quant le temps estoit assez cler pour la parchevoir , si failli à la trouver par mal tourner mon œil peut estre , ou que maison ou aultre entredeux m'empeschoit. Parquoi de là en avant, plus ne m'en mis en peine, jusquesque dedens aulcuns jours, après le vespre, je la trouvai d'aventure envers h uict et neuf heures, au-dessoubs du nord , tirant vers occident ; par quoi je jugeay en mon samblant qu'elle tiroit assez bas près de terre , puisqu'on si brief temps avoit fait son tour d'orient en occident. Car , en trois sepmaines , ou environ , s'estoit monstrée de la première veue du matin bien tempre^ et de la seconde veue du vespre bien avant en la nuict.
Ceste comète ici estoit pale et non pas de gros corps ; mes avoit une queue de foible clarté à y gecter l'œil dessus; mes qui baissoit l'œil devant elle ; son ray lui féroit en l'œil tout cler ; et sambloit à l'œil que le ray de la queue fust dedens ly . La queue en estoit hossue , en forme d'une queue de paon , tournant contre mont , gresle devers le corps dont elle partoit , et espannie envers le bout, tout ainsi que ung paon en son orgueil ; et tousjours tiroit la queue et se monstroit directement sur orient, comme sur Bourgogne. Parquoy,
comme ce duc alors estoit en appareil de guerre et de bataille sur la frontière de France , et que ceste comète se sambloit monstrer et porter signifiance sur ly, pluiseurs y mettoient douteuses significations sur ly , et diverses conjectures, comme de confusion et de ruyne , ou d'aulcune malvaise machinacion contre ly , et fraude , comme en tel temps et en tel pesant affaire tout faict doubter et à craindre, espécialement chacun de ce qu'il aime, et là où il est tenu d'en porter soin. Mes loenge à Dieu ! si ceste comète porta aulcune signification sur ly , si n'estoit-ce pas en son contraire, mes en haute opéracion future en brief , et dont l'influence tournoit sur Liège. Car en ce meismes temps, et avec l'essorse de ceste comète , Liégeois machinèrent et procurèrent, à quelque instance que ce feust, leur dernière et sempiternelle ruine et confusion, et le doloreux feu de leur noble renommée cité en perpétuel opprobre. Siques, comme elle tourna sa queue sur Bourgogne , ce ne fust poinct sans cause , quant Bourgogne recheut l'influence de l'exsécution ; et ce qu'elle tourna en orient , ligne à ligne , là où Liège estoit assise , ce fust l'effect de sa triste importance , dont Liège meismes estoit cause. Et véritablement , dès l'eure que Liégois , ceste derraine fois , se rébelloient et reocheurent ep leur malvaiseté accoustumée, le duc tenant les champs, pluiseurs dictoient alors et jugeoient infailliblement quasi ceste comète porter influence sur eulx et non sur aultre; et en
0468) DE GEORGES CHASTELLAIN. l6l
estaient moins en soing de là en avant de la personne du duc, leur prince , et tout se trouva vray.
