CHAPITRE CCCXXXIII

Comment Jehan de Chassa fut fort plaint à la court , pouf ce qu'il se transporta en France, abandonnant le duc Charles.

Or y avoit grant murmure en court de ce chevalier qui s'estoit allé rendre Franchois , et n'eust Ton en pièce pensé ce qui l'avoit meu ; ains le plaignoit chacun de quoi ce avoit esté le premier de l'ostel qui avoit monstre ceste lascheté , et dont on se feust le moins douté ; car es toit nuement subject du duc et de sa souveraineté, et de toute sa chevance estoit tenu au duc. Car le duc Philippe Tavoit donné à son père le Berïetru , faisant le fol ; et cestui le duc Charles l'avoit reconfermé au fils pour ce que gentils fils estoit ; si en devoit avoir moins de soupechon .Nonobstant toutefois,si tournail, tout bénéficié, en ingratitude, et son estre et sa naissance en mescognoistre ; et quérant lieu et occasion de pouvoir faire ses gorres que par de cà ne pooit , mist honneur en oubli et s'alla rendre ennemy à son prince et à son maistre. Et ne pensoit-on autrement à cejjje heure , fors qu'il s'estoit

allé rendre Franchois , tant seulement pour s'avancer en biens et en entre tenemens, pour ce que par de chà n'en avoit tant comme il désiroit , et qu'il y devoit grans sommes ; mes quant on a sceu depuis la cause de son transport en France, et la desléautédesonpourchas, tout mis l'ung aveucques l'autre , a esté trouvé impie , ung malvais homme, ung lasche, desléal chevalier, blasmé de tout le monde, et dont le partement a esté honteux, et encore pieur la cause d'icely.