Malogres, May orques

et cappitaine de tous les crestiens. Lequel roy Philippe landemain de la Saint Michiel prist la crois ; avec lui la pi istreut grant quantité de prelas, de princes, de barons et de nobles et autres en pré de Saint Germain jouxte Paris'.

En Tan mil trois cens trente et quatre, trespassa le pape Jelian, et fut esleus et suceda pape Jacques du Four de l'ordre de Citeaulx, prestre cardinal, qui fut appelle Benoit XII.

En l'an mil trois cens trente et six, Louis de Bavière, soy portant pour empereur, requist à Benoit pape absolucion des sentences données contre lui par pape Jehan ; maiz sa requeste ne fut pas essaucée, pouk' ce qu'il ne requeroit pas en forme deue.

En cest temps, le bon duc Jehan de Bretaingne fut malade. Iceslui duc avoit ung filz qui avoit nom monseigneur Henry et trespassa ains que son père ; de cestui filz demoura une fille. Geste fille fut donnée à mariage à monseigneur Gharles de Bloix. Or advint que le bon duc Jehan de Bretaingne mourut. Le conle de Montfort, qui estoit frère du dit duc, disoit qu'il devoit estre duc et qu'il estoit le plus proucliain hoir que la fille du filz au duc, lui qui estoit frère du duc. Et en vindrent desrener pour avoir droit en la court du roy Philippe. Et fu jugié en son parlement que la femme à Gharles de Bh)is devoit eslre duchesse et que la duchié appartenoit à elle qui estoit fille du filz. Et se parti le conle de Montfort de court et se alia à Edouart, roy d'Angleterre, et passa

1. Cf. I.et Grandet chroniques de France^ édit. de M. P. Paris, in-8, t. V, p. 3d0, 351 cl 352.

le roy Edouart en Bretaingne en l'aide du conte de Montfort. El se tindrent en l'aide du conte de Montfort les Bretons bretonnans. Et le roy Philippe de France ordonna et charga à son nepveu Charles de Bloiz grant chevalerie qu'il mena en Bretaingne, et là eut moult fort guerroyé. Et se tourna monseigneur Olivier de Clichon contre le duc Charles de Bloiz couvertement et maistre Henry de MaJestrait et mandoient la convine des François au conte de ^lontfort. Dont l'en s'aperceut et pour ce en fu monseigneur Olivier de Clichon décapité à Paris; et le dit clerc fut mené parmi les rues de Paris et fu si lapidé de boe et d'ordure qu'il en mourust.

Le roy Edouart se parti de Bretaingne et ala en Angleterre, et d'Angleterre passa le roy Edouart en Flandres, et vint à Jacques d'Ardevelle, ung Flamenc godalier^, que les Flamens, après ce qu'ilz eurent débouté et cachié leur droit seigneur, esleurent à seigneur et à conte. Et lui dit le dit Edouart et aux Flamens aussi qu'il estoit droit hoir de France et que la couronne et le règne lui appartenoit. Et pour ce estoit il venu à eulx pour se complaindre du tort que Philippe de Yalloiz lui en faisoit. Adonc, dit Jacques d'Ardevelle aux Flamens : (( Puisqu'il est droit hoir de France, faisons lui obéissance. » Et lors firent aliances les Flamens au roy d'Angleterre contre leur souverain seigneur le roy de France. Pour quoy le pape les excommenia, et par ceste aliance se fist et esmeut

i . Les Grandes chroniques de France disent que Jacques d'ArteveM avoit épousé une brasseresse de miel. Edit. de M. P. Paris, in-8, t. V, p. 372.

une 1res forte guerre en la coste de Flandres, de Picardie, de Normendie et de Bretaingne.

En l'an mil trois cens trente et sept, Philippe de Valloiz roy de France assembla par plusieurs fois au Pont Audemer les prelas, les barons, nobles et gens des bonnes villes pour imposer et mettre sus une aide gênerai par tout son royaume pour le fait de sa guerre. Pour laquelle chose les prelas et barons, nobles et bourgois des bonnes villes de Normendie se assemblèrent par plusieurs foiz pour les libertés et franchises du pais garder. Et y furent Raoul le conte d'Euconnestable de France, le conte de Harecourt, monseigneur (iodefroy de Harecourt, le mareschal Bertran, le sire de Graville et les autres barons, prelas, nobles et bourgois. Et composèrent au roy Pliilippe et au duc Jehan son filz par telle fourme qu'ilz donnèrent au dit roy et duc une grant somme de pecune, par ainsi que le roy et le duc les mainlendroient en leurs libertés et franchises, selon ce que la chartre des Normans le contient. La somme fut levée et le roy et le duc jurèrent ce tenir et garder fermement. Maiz après assez brief temps, le roy et le duc ordonnèrent estre mis sus par tout le royaume imposicions ou maletoules et gabelles pour souslenir le fait de leur guerre. Dont les Normans furent moult dolens de ce qu'ilz avoient fait (juant on ne leur tenoit convenant. Et encores avec ce fist le roy Philippe courir fieble monnoye. Car ung gros tournoiz de fin argent couroit pour cinq soulz, qu'il avolt accordé aux Normans avoir cours, selon ce qu'il est contenu en leurs diltes libertés et franchises en la ditte duchié de Normendie, pour le piis qu'il couroit eu temps du règne monseigneur saint

Louis son besael jadis roy de France, c'est assavoir pour douze deniers tournois la pièce, et d'autre monnoye à l'equipolent, pris pour pris. Les collecteurs ordonnez et députez pour le roy cueillirent en i\ormendie les dictez imposicions et maies toutes. Si a\int que monseigneur Godefroy de Harecourt, le sire de la Roche Tesson et Rogier Bascon dirent, tant pour eulx que pour leurs enfans de Navarre, qu'il ne courroit nulles maies toutes en leurs terres. Pour quoy ilz furent adjouinés à Paris. Monseigneur Raoul Tesson et Rogier Baston chevalier y alerent et là ourent les testes couppées. Mais monseigneur Godefroy de Harecourt n'y ala point, ains s'en ala à refuge au roy Edouart en Angleterre. Pour quoy il fut banny du royaume de France.

En Tan mil trois cens trente et huit, le roy Edouart d'Angleterre repassa mer à tout son host et descendi en Breban pour entrer en royaume de France. Et tantost le roy Philippe de France o son host chevaucha jusques à Amiens aiïin que se il estoit besoing d'aler oultre qu'ilz fussent plus prez. Maiz pour celle foiz n'osa encores le roy Edouart entrer en royaume de France et s'en ala à Louis de Bavière pour recueillir par luy force et aide. Lequel Louis de Bavière l'establi son lieutenant de l'empire. En cet an, les collecteurs de l'empire s'en alerent avec Louis de Bavière et firent conspiracion contre l'Eglise de Romme. En cel an fist pape Benoit maistre Pierre Rogier archevesque de Rouen cardinal avec cinq autres nouveaulx cardinaux.

En Pan mil trois cens quarante, le roy Philippe fist une armée par mer sur les Flamens. Dont estoient et

10 CHROMQLE

furent cliiefz Charles de laGouvande, Hue Kerest et Beucliet, noble homme de la duchië de Jennes, et monseigneur Pierres d'Estelant', Normant, aussi fors comme geans. Avecquez iceulx eut bien mil hommes de la coste de la mer de ^o^^lendie et de Picardie avec les gens d'armes et arbalestriers. Hz singlerent par la mer tant qu'ilz vindrent àl'Escluze en Flandres et là se tindrent devant l'Escluze et se antrerent. Les Flamens vindrent sur la terre jusques au nombre de bien dix-huit mil. Les Francoiz leur requistrent place à combatre. Et jour maizentretant vint le roy Edouart par mer, le conte de Hantonne, le conte de Glocestre, le conte deWarwich, le conte de Linchole, le conte d'Arondel et le conte de Lousciere o grant navire cliargié de gens d'armes. A icelui jour estoit la vegille de la Nativité Saint Jehan Baptiste que la bataille fut. Et comme vint à l'asembler, les Genenois s'en fuirent. Monseigneur Pierre d'Estelant, Hue Kerest et Beuchet alerent de bon cueur et de bon courage contre les Angloix. Et se tirèrent ung pou vers la terre, dont ilz firent que folz. Et là commença merveilleuse bataille et dure. Maiz à brief raconter les Francoiz furent desconfi/, maiz moult très chier ilz se vendirent. Car ilz occirent plus de dix mil Angloiz, et y perdi le roy Edouart quatre contes et plus de vingt quatre barons et plus de cent chevaliers. Monseigneur Pierres d'Eslelanl tint tout le derrain en ung chastel d'une barge où nul n'osoit ne ne povoit de lui aprocher, ne devant lui, tant fusl hardi, n'osoit nul arrester. Tout

1 . Noire chroniqueur e»l le seul qui fasse mention de ce Pierre d'LAtelant.

eulour de lui estoit la barge couverte de gens mors ; bien occist de sa main plus de cent Angloiz. Maiz par force par derrière il fut mort et occiz. Hue Keret et Beucbet ourent les testes couppëes devant le roy Edouart roy d'Angleterre'. De ceste desconfiture eurent Angloiz et Flamens grant joye et Françoiz dueil. En cest temps fut né Lyon de Gant, filz Edouart, roy d'Angleterre. En Bretaingne, monseigneur Charles de Bloiz, comme il cbevaucoit d'ung syen chastel pour aler à Renés, les Angloiz et Thomas Dagure lui firent une embûche et le souprinstrent, et là out moult fort pongneys. Maiz le duc monseigneur Charles de Bloiz fut prins des Angloiz et mené en Angleterre ; car il ne fut pas rescous des François. Mais depuis fut délivré et s'en retourna en Bretaingne.

En cest temps, avint une bonne aventure en crestienté. Carie bon roy Alphons d'Espaingne et de Castelle et le roy de Portingal et le roy de Navarre mistrent siège en la Guerzille*. Maiz maladie prinst au roy de Navarre, dont il mourut. Et pour lever le siège, le roy de Belemarine', le roy de Grenace et ung grant admirai du Soudent, qui avoit nom Melhedinch et estoit descendu de la lignie de Salhadinc, iceulx haulz princes sarrazins vindrent en Grenade pour lever le siège. Et là out trop merveilleusement grant bataille et s'i porta comme très vaillant et preux chevalier le bon roy Alfons d'Espaingne. Et par la voulenté de

1. Cf. Grandes chroniques de France,^ t. V, p. 385-387, et Froiisart, éd. du Panthéon littéraire, t. I, p. 106 et 107, llv. I, part. i.