Rt)»nv-»ur-Seine, Scine-ct-Oise, c. tt arr. Mautfs

DES QUATRE PREMIERS VALOIS. ik\

vertueusement, et furent pareulx trébuchiez ceulx qui montoienl es eschielles dedens les fossez. Ceulx qui estoient en la tour, tant comme l'en assailloit la ville, se garnirent de vivres, de blës, de ferines et de chars. Et de tous vivres qu'ilz povoient avoir portoient et faisoient porter aux femmes et à ceulx de la ville qui n'estoient point sur les murs.

De l'autre partie de Seyne, vint a MeuUent monseigneur le baron de La Fertë, monseigneur Baudouin d'Ennequin, maistre des arbalestriers, monseigneur d'Yvry, monseigneur de Blaru, monseigneur Jehan de La Rivière, monseigneur de Basqueville et monseigneur de Betencourt, en leur route bien trois cens glaives. Et quant aucuns se virent avironnez de tant de gens d'armes, si s'espuanterent et ourent paour que, s'ilz esloient prins par aucune aventure, que l'en ne les meist à mort. Si ouvrirent les portes à monseigneur Berlran et au conte d'Aucerre. Et lors entrèrent ilz en la ville, et fut courue et pillie comme Mante avoit esté. Monseigneur de La Ferté et ceulx de sa route s'en retournèrent quant ilz virent que la ville eust esté prinse.

Ceulx de devant Rouleboize, gens d'armes et arbalestriers, qui estoient de par la ville de Rouen, (|ui tout river avoient gardé la rivière, se deslogerent par ce qu'ilz n'avoient nulz vivres et n'en pouvoient de nulz fnier. Car Vernon estoit ennemi du royaume pour lors. Et le faisoit garder madame la royne Blance moult efforciement pour double des Bretons de Mante.

Monseigneur Bertran, (juant il ouït prins Meullenl, il y mist garnison j)our la garder et pour asseoir ceulx de la tour qui à merveilles estoit forte et comme im-

prenable par assault. Puis après ce que monseigneur Bertran ouït prins Mante, Meullent, Vetueil et autres places, il le manda h monseigneur le duc de Normendie qui tantost vint à Pontoise. Et là vindrent à lui les nobles bommes. l^uis cbevauca le dit monseigneur le duc à Meullent. Et comme il passa par devant le dangon, les bourgoiz de Mante qui estoient dedens commencèrent à getter pierres moult fort et disoient de villaines paioles de monseigneur le duc. Donc ilz firent que fol/ etmauvaiz, et moult cbierement depuis le comparèrent. En Meullent ne fit monseigneur le duc lonc séjour, maiz grosse garnison mist devant le dangon, et si lit venir des mineurs qui jour et nuit minèrent la dicte tour. Puis vint monseigneur le duc à Mante où là il print le serement de ceulx de la ville et lui jurèrent feaulté. Et pour la paix et seurté de ceulx de Mante, il fil vuidier les Bretons de Mante, et en fut cappitaine monseigneur d'Yvry. Les mineui^ qui minoient la tour de Meullent minèrent si fort et si parfondement que la tour print à enfondrer. Par quoy à briefvez paroles il convint que ceulx de dedens se rendeissent, ou ilz eussent esté agraventez de la tour. Et furent les diz bourgoiz de Mante menez à Paris, et là furent ilz décapités.

Cy raconte l'istoire du noble roy Jeban de France qui, pour la cause monseigneur d'Angou, s'estoit aie reslabliren Angleterre, l )ont le roy d' Angleterre dist par plusieurs foiz, loant la bonne foy et loiauté de son bon frère Jeban le roy de France, disant que oncquez plus loial prime n'avoit veu que son frère le dit roy Jeban. Maiz la mort (|ui n'espargne nul prist son truage sur le dit roy Jeban. Et comme le dit roy Jeban se vit

amaladi, comme vray catholique il requist les sains sacremens, lesquelz il receust comme bon crestien et fist son testament. Il donna à son filz monseigneur Philippe dit Hardi, qui fut prins avecquez lui, la duchié de Bourgoingne. Et comme le noble roy Jehan estoit malade, il disoit souvent en priant Dieu, disant : « Beau doulz père et doulx Dieu Jhesucrist, pour vostre précieux sanc vengier et vostre loy acroistre, me suys je croisié. Doulx Dieu, se ce n'est ton plaisir que par moy le voiage soit emprins, ta voulenté soit faicte et acomplie de moy à ton bon plaisir ! » Jehan le noble roy de France fma ainsi sa vie moult dévotement ung pou après Pasquez le .../jour d'avril l'an de grâce mil trois cens soixante trois.

Edouart, le roy d'Angleterre, fut moult dolent de la mort du roy Jehan et lui fist faire grant solennité et grant service en Angleterre. Et fut le corps du dit roy Jehan appareillié comme il est acoustumé en tel cas à si très hault, si noble et si puissant prince. Et convoia le dit roy Edouart la litière et bière en quoy le corps du dit roy Jehan estoit jusques à la mer à très grant luminaire, puis s'en retourna le dit roy Edouart.

Renommée, qui partout voile, vint en France de la mort du roy Jehan. Monseigneur le duc de Normendie en ouït nouvelles. Et alors avoit discencion entre lui et madame la royne Blance qui voult tenir Vernon contre monseigneur le duc. Et vint monseigneur le duc devant Vernon à grant foison de gens d'armes. Et fut fait acort entre la royne Blance et monseigneur le duc. Et en firent la paix monseigneur