Auj. Ile-Marie, Manche, ar. de ^ alogne, c. de Picauviile

leur coururent sus, si que en pou d'eure furent tous occiz et furent là occizplusde trois cens Angloiz. Ainsi fut l'en délivré d'eulx, et qui eust ainsi fait le temps passé, les guerres n'eussent pas tant longuement duré comme ilz ont.

Cy retourne à raconter d'Espaingne. Le roy de Grenade doubla tant la force des compaignes, lesquelz chassèrent le roy Petre de son royaume qui estoit tant puissant. Et pour double qu'ilz ne vensissent en sa terre le getter hors de son royaume, il manda au roy Henry, à monseigneur Bertran de Clacquin et aux autres nobles hommes et cappitaines des routes des compengnes que, se ilz lui donnoient trêves jusques à trois ans, il donrroit et paieroit autel truage comme il faisoit ou avoit fait au roy Petre et encoires par dessus il paieroit grant somme d'or pour raençonner son pais. De ce que le roy de Grenade manda au roy Henry et à monseigneur Bertran il fut receu à paier le truage et la raençon. Et ilz lui donnèrent trêves jusques à trois ans par paiant ce que dessus est dit.

Le roy Petre, dont dessus est parlé, fut couroucié moult amèrement de perdre son royaume d'Espaingne et vint à reclam au prince de Galles et de Guienne. Et comme il vint devant lui, il se getta à ses piéz et rompi son vestement. Le prince qui scavoit bien son affaire, (|uant il le vist, le redrecha et lui [jromist qu'il lui aideroit à conquérir son royaume. Et fist sa semonce moult efforciement et assembla grosse armée de gens d'armes armés de toutes pièces, d'archiers et d'autres gens de guerre. Edouard le roy d'Angleterre envoya son filz le duc de Lencastre à son frère le prince de Galles à tout grant nombre de gens d'armes pour con-

fundre etdesconfire monseigneur Bertran de Clacquin, pour ce que le dit monseigneur Bertran devoit avoir dit qu'il combatroit le roy d'Angleterre et son filz le prince de Galles. Dont le dit roy d'Angleterre et son filz le prince de Galles avoient trop grant despit que ung tel homme, simple bachellier, se mettoit en aramye contre eulx. Le prince fist grant feste de la venue de son frère le duc de Lencastre, puis manda au roy de Navarre qu'il peust passer par sa terre. Maiz le roy de Navarre lui respondi sur ces paroles indifTeranment en soy excusant que moult doubtoit les Bretons et que moult avoit iceulx souspechonneux.

Monseigneur Bertran ouït nouvelles que le prince devoit venir sur lui. Si envoia monseigneur Olivier de Mauny devers le roy de Navarre aftln qu'il ne lui donnast passage. Et comme le roy de Navarre ung jour chevaucoit, monseigneur Olivier de Mauny le prist, et fut mené prisonnier en Arragon, puis fut délivré en baillant hostages en disant que indeuement avoit esté prins. En ses raisons le ouy le roy d' Arragon, lequel avoit eu sa seur à femme. Et après sa délivrance retourna en Navarre. Le prince fist leplusefforciement sa semonce qu'il poult et assembla son host à Bordeaux. Et là vindrent par devers le roy de Navarre le roy de Malogres, le roy Petre, le duc de Lencastre, le conte d'Armignac, monseigneur de Larbret, monseigneur de Chendoz, monseigneur Hue le Despencier, monseigneur Louis de Ilarecourt, le sire de Chastelle, le captai et le sire d'Ansellée avecquez lesquelzle prince tint parlement. Et en cest parlement le roy de Navarre fist acort de livrer passage au roy I^etre parmy ce que le roy Petre promisl et donna au roy de Na-

varre une grant somme d'argent et avec ce la cité de Grong* en Espaingne. Ettandiz que le roy Petre estoit avecquez le ])rince, il envoia messagiers et ambaxadeurs au roy de France pour scavoir se il le faisoit guerroier. Et eurent les ambaxadeurs responce du roy de l' rance que par lui ne faisoient les compengnes au dit roy Petre guerre ne à autres, maiz les avoit par ses deniers mis hors de sa terre ; et se ilz estoient allés sur lui en l'aide du roi Henry, que ce n'esloit aucunement par lui. C^este responce raj)porterent les ambaxadeurs Espaingnolz au roy Petre.

Le roy de Navarre print une somme d'or du trésor du prince pour livrer au dit prince passage et vint au devant pour livrer le dit passage au dit prince et à son liost. Monseio^neur Olivier de Maunv revint en Navarre et envoia ung syen parent par devers le roy de Navarre en message de par monseigneur Bertran de Clacquin. Et comme il vint devers le roy de Navarre, il fut prins et mis à mort. Et tantost le roy de Navarre envoia monseigneur Pierres de Landuras à quatre cens glaives et quatre cens Navarrois, lesquelz prindrent monseigneur Olivier de Mauny, et fut mis en prison en ung deschasteaux du roy de Navarre où il fut bien garde.

Le prince parti de Gascongnc o tout son host le plus entier et le plus parfait de bonnes gens que on eust vende longtemps. Son frère le duc de Lencastre, le caplal et monseigneur .lelian de (Ihendoz ourent la première bataille. Le comte d'Armignac, le sire de Larbret et le sire de l^ommiers ourent la seconde ba-

taille. Et avec eulx fut mis monseigneur Hue le Despencier à mille hommes d'armes et autant d'archiers. La tierce bataille ouït le prince et avec lui le roy Petre, le roy de Mallogres, monseigneur Louis de Harecourt, monseigneur d'Ansellée et moult grant foison de nobles chevaliers et escuiers. Car en l'ost du prince estoient bien dix mille hommes d'armes, quatre mille archiers et six mille servans hardiz et vaillans. Et ains que le prince partist de Guienne, il fist acort au conte de Foix par le moyen du roy de Navarre.

Aucuns Angloiz, qui estoient allés en Espaingne avecquez monseigneur Hue de Karvelley, parlementèrent ensemble secrètement d'occire monseigneur Bertran de Clacquin dedens son paveillon. Ung d'iceulx Angloiz dist leur convine à monseigneur Hue de Karvelley qui le fit assavoir a monseigneur Bertran secrètement. Car le dit monseigneur Hue de Karvelley ne voulloit pas estre coulpable ne consentant de la mort d'migsipreuxet si vaillant chevalier comme monseigneur Bertran de Clacquin. Quant monseigneur Bertran sceut qu'ilz le dévoient ou vouUoient occire, il fît telle diligence qu'il fist prendre aucuns de ceulx qui avoient sa mort pourparlée et les fist mourir.

Monseigneur Hue de Karvelley sceut que son seigneur le prince de Galles venoit sur le roy Henry et sur monseigneur Bertran. Lors vint parler au mareschal d'Andrehen et au Besgue de Villaines et puis print congié à monseigneur Bertran et au dit mareschal et Besgue en leur disant qu'il ne povoit ne ne devoit estre contre son seigneur le prince, l^iis se parti de l'ost du roy Henry et tous les Vnglois et vindrent jusques en Navarre. Et adonc estoit le prince

et son host au commencement de Navarre, et là leur donna passage le roy de Navarre.

(lomme le rov Henrv, monseiî^neur Bertran, le maresclial d'Andrelien, le Bes«^ue de Villaines sceurent que le prince o son host estoit parti de Navarre, ilz se partirent de Bures et se mistrent sur les champs. Et ala en frontière le frère au roy d'Arragon et le Besgue de Villaines, le Besgue de Fayeul, monseigneur Yvain de la lloussaye avec les diz Normans et l>retons bien cinfj cens glaives, et le frère du roy d'Arragon avec lui bien bien trois mille combatans, que Espaingnolz que Arragonnois, et se mistrent en lieux couverspour soupprendre les gens du prince.

Le roy Henry, monseigneur bertran et le mareschal d'Andrehen ne s'eslongerent point de Bures, car là devoit le roy garder son pais qu'il avoit conquiz et là atendre ses ennemis. Avec lui furent les Espaingnolz fors ceulx de Sebille et de Galice qui tenoient le parti du roy Petre. Et comme le prince fust en Navarre et il eust rafreschi son host, il se parti de Navarre, et au partir il ala veoir la royne et lui fist grant feste. Et lui donna grans pierres précieuses et moult de beaux joiaulx d'or qu'il avoit euz du roy Petre. Puis se parti le prince du royaume de Navarre et print congié du roy qui demoura pour garder son pais. Monseigneur Hue de Karvelley vint devers le prince et s'agenouilla devant lui et lui dist comme il venoit devers lui comme à son droit seigneur. Et le fist assembler le prince o sa route avec son avant garde et lui encjuist l'estre du roy Henry et des Erançoiz et combien ilz estoient. Monseigneur Hue de Karvelley lui dist : « Sire, pour vray, le roy Henry avoit bien quant je parti de sa

route trente mille Espaingnolz, tant de pie que de cheval; et monseigneur Bertran de Clacquin, le marescbal de Andrehen et le Besgue de Villaines et du Fayel ont bien deux mille hommes d'armes; et le frère au roy d'Arragon a bien trois mille hommes bons combatans de Arragonnois. »

Apres ce que le prince ouït ouy monseigneur Hue de Karvelley, il fist sonner ses araines et commanda à ceulx de son avantgarde qu'ilz chevauchassent oultre et tant que l'ost du dit prince vint au commencement des destroiz du royaume d'Espaingne. Le roi Henry avoit envoie ung de ses frères à tout bien deux mille Espaingnolz que de pie que de cheval. Adonc le captai et monseigneur Jehan de Chendoz o toutes leurs batailles se mistrenl à pie et pourprindrent le pas et les destrois. Et lors les Espaingnolz s'enfuirent , et donc passa tout l'ost du prince et entra en Espaingne.

Cy se taist à parler de la guerre d'Espaingne et raconte comme monseigneur Louis de Navarre engaiga sa terre au roy Charles de France pour aller espouser la fille de la royne de Cezille dont le mariage avoit esté pourparlé. Monseigneur Louis de Navarre, pour aller en Cezille et fournir son voiage, alla par devers le roy de France et lui monstra comme il lui faloit une grant somme d'or, et que, se il lui en faisoit finance, il lui livreroit la conté de Beaumont et toutes les forteresses qu'il avoit en Normendie avec toutes leurs appartenances; et s'il ne lui plaisoit le faire, qu'il avoit trouvé qui lui feroit très voullentiers. 1^ roy de France ouït conseil qu'il lui feroit la dicte finance afiin qu'il ne tournast devers le roy d'Angleterre pour avoir la dicte finance. Laquelle, s'il y fust tourné, tan-

tost et voullentiers il lui eust faicle pour avoir la pocession et saiziue des diz chasteaux et revenue. Et fut faicle la dicte finance au dit monseigneur Louis par telle condicion que le roy de France auroit la conté de Beaumont et les cliasteaux , Passi, Agnet, Breval et le fort chastel de Beaumont avec les revenues des terres jusques à six ans. Par ainsi que, se dedeus les six ans le dit monseigneur Louis ne povoit rendre la dicte sonmie, les dictes terres etchasteauxseroient acquisez au rov de France. Et de ce furent faictes bonnes Chartres. Et ouït le dit monseigneur Louis la dicte somme, et le roy de France fut saizi de la terre.

Quant le dit monseigneur Louis de Navarre ouït receu la dicte somme d'or, il concueilli gens d'armes en Costentin et print à conipaignon et à gueux monseigneur Lustace d'Ambiscourt*, let^uel avoit bien huit cens conibatans. Et alors vinl monseigneur Louis prendre congié de ses seurs, puis se parti de iNormendie à bien deux mille combatans de toutes gens. Et fit tant par ses journées qu'il vint par devers le Saint Père et fut moult solennelment receu des cardinaux, par especial de monseigneur le cardinal de Boulloingnc, lequel le mena au Saint Père. Monseigneur Louis de iNavarre, connue il lut par devers le Saint Père, il lui recpiist cju'il lui ollroiast le mariage de la fille il la royne de Cezille. Maiz le pape ne lui ottroia j)as, et lors se parti d'Avignon et dit au dit cardinal de Boulloingne : « Je ne perdray pas que je puisse le royaume de Ce/iile. Se Dieu j)Iaisl, le pape n'empesclicra pas l'avancement d'unglel gentilhomme comme

i. F.ustaclir <l'y\uhrccicourl.

DES QUATRE PREMIERS VALOIS. iTT

je suy. » Puis print congié de son cousin le cardinal de Boulloingne et s'en ala en Prouvence, et là espousa la fille de la royne de Cezille, et fut fait cliief de la terre de Labour. Et très bien s'i contint au gré des gens de la dicte terre et s'i fit très bien amer.

Or retourne l'istoire à parler de la guerre d'Espaingne que, comme le prince fut entré en Espaingne, et aucuns de sa route furent espanduz pour avoir des vivres, et une route d'Angloiz avoit clievaucé vers la partie où estoit embuschié le frère du rov d'Arragon, le Besgue de Villaines et ceulx de leurs routes, monseigneur Jehan Scouet, ung chevalier breton, apperçut la chevaucieetla dénonça au frère du roi d'Arragon et au dit Besgue de Villaines. Lors vindrent courre sus aux Angloiz les glaives es poings. Les Espaingnolz leur gettoient dardes et archigaies. Et les iNormans, les Bretons et les Arragonnois se combatoient aux Angloiz de leurs glaives et de leurs liasches par telle vertu qu'ilz rompirent leurs batailles. Et adonc mistrent pie à terre les Espaingnolz, Arragonnois, Nornians et Bretons, et vindrent de grant force courre sus aux Angloiz tant qu'ilz furent desconfiz. Et là gaignerent moult de bons prisonniers. Et en ceste bataille ouït bien deux mille Angloiz des gens au prince descontiz.

Quant le prince sceut que une route de son host avoit esté desconfite, il fit crier (|ue nul ne partist de son host et print à chevauchier par Espaingne jusques près de Bures. Le captai et monseigneur Jehan de Chendoz qui avoient grant désir de ruer jus et desconfire monseigneur Bertran de Clacquin pour son grant langaige et vantement furent coureurs de Tost du prince de Galles de son avantgarde que faisoit s(>n fiere le duc

de Lenqiiastre, avec lui monseigneur Hue de Kar-

velley.

En ce temps vint Jehan de Montfort, qui avoit conquis laducliié de BretaingneparToutrageuse emprinse de monseigneur Rertran de Clacquin (car le dit comte de Montfort ofTroit au duc Charles de Bloiz oftres raisonnahles que le dit monseigneur Bertran ne voult souffrir estre ouyes, comme dessus est dit), à Paris eu mois de decemhre, le jour que l'en chante en saincte église « O sapiencia'. » Et vint pour faire hommaige de la duchié de Bretaingne au roy Charles de France et lui fit hommaige et jura feaulté , puis s'en retourna en sa terre. Et d'iilec ala o grant route de gens d'armes en Bretaingne pour garder le pais, pour ce que aucuns gens d'armes Françoiz avoient couru la terre du prince de Galles.

Cv raconte que, comme le prince de Galles ouït eu nouvelles de la desconfiture de ses gens, il fist l'andemain chevauchier son host. Monseigneur le captai de Bucz, monseigneur Jehan de Chendoz, monseigneur Hue de Karvelley, N. de Hollande chevaucerent en l'avantgarde. Et à ung destroit pas à venir à Bures avoit hien sept mille F^spaingnolz pour garder celui pas. Maiz comme ilz virent venir l'ost du prince, ilz s'en fuirent. Alors passèrent tous ceulx de l'ost au prince et chevaucerent jusquesasses près de Bures. Et là est oit sur les champs le nouvel roy Henry et les Espaingnolz. Monseigneur Bertran, lemareschal d'Andrehen et le Besçrue de Villaines o leurs Françoiz furrîit (levant et firent une hataiile divisée des Espain-

1. Lr 13 (lécrm!)rr. V. Cr. Chron., v(\. in-12, t. VI, p. Î43.

gnolz, et estoient bien deux mille hommes ains plus que moins. Puis après furent trois autres batailles, c'est assavoir celle du frère au roy d'Arragon et celle des deux frères au roy Henry. Et la derraine avoit le dit roy Henry. Et en ces trois batailles estoient bien soixante mille hommes Espaingnolz.

Le prince estoit en conrroy de combatre et avoit trois batailles dont la première avoit son frère le duc de Lencastre, le captai de Bures, Chendos et monseigneur Hue de Karvelley. Iceste première bataille vint adjouster à monseigneur Bertran de Clacquin, et adreça le captai sa baniere à la monseigneur Bertran. Dieux! com grant noise ouït à l'assembler, le son des araines et des autres instrumens et le cry des ensaingnes, que d'une partie que d'autre, fussent bien ouis de deux lieues loing! Les deux premières batailles assemblèrent premièrement comme dit est et se combatirent très aigrement, car de l'une part et d'autre estoient la meillieur chevalerie des Crestiens. Maiz ce n'estoit pas partie égal. Car en la première bataille du prince estoient plus de huit mille hommes, tous gens de fait. Et en la monseigneur Bertran n'avoit que deux mille combatans ou environ. Non obstant ce, ilz combatirent et tindrent place viguereusement, et se combatirenl tant hardiement que on ne povoit rompre leur bataille. Là souffrirent les Francoiz grant faiz d'armes et grief à souslenir. Car quant les diz Francoiz, Normans et Bretons ourent combatu des glaives, ilz se combatirent des hasches. Qui là cheist nient fust du relever. Maiz trop greva les diz Francoiz une bataille d'archiers d'Angleterre, bien trois mille et plus, qui Iraioient de travers leur bataille sur eulx tant as-

i80 CHRONIQUE

nremenl que a pou qu'ilz ne veoient goûte, et alors prindrent les Françoiz à branler.

Adonc le duc de Lencastre fit sonner ses instrumens pour rcsbaudir sa gent et vint courre sus aus dessus diz Françoiz. El à celle empainte s'en fuy du champ le rov Henrv et ses frères et le frère au roy d'Arragon et les Espaii>gnolz. Les arcliiers Anglois de la bataille du comte d' Armignac et du sire de Larbret et aussi des (iascons alerenl sur les Espaingnolz qui estoient à pie et en occistrent bien onze mille, tant en la place que en la chasse, selon l'esme des gens d'armes. Et encoires ce durant se tenoient les Françoiz, c'est assavoir monseigneur Berlran de C.lacquin, le mareschal d'Andrehen et le Besgue de Villaines et leurs roules. Et enhaitoieut ces diz seigneurs leurs gens d'armes en leur disant que nul pour paour ne vousist fuire. Et de très grant courage se combatoient aux hasches et aux glaives contre la première bataille de leurs ennemis. Et adonc y renvoya le prince monseigneur N. d'Ansellëe à tout bien trois mille hommes d'armes armés de toutes pièces qui forcloirent les Françoiz dessus diz. Et furent avironnez de toutes pars comme les oiseaulx entre les raseurs. Et lors fallut il cju'ilz se rendissent ou ilz eussent esté tousdecouppés. Ainsi fut monseigneur Bertran de ('.lac(juin, le mareschal d'Andrehen et le Besgue de Villaines avec tous ceulx de leur route comme preux desconfiz par la defaulte des Espaingnolz (jui s'en fuirent. Monseigneur Bertran, après ce qu'il fut prins, fut admené au prince par le captai et Chendos. Lors (list monseigneur Jehan de (lliendos à monseigneur Bertran : « Dan Bertran, (|uant je vous prins en Bretaingne, vous jurastes que vous ne vous armeriez

point contre le prince, si le roy de France ou ses frères n'avoient guerre contre le prince ou contre le roy d'Angleterre. » Lors respondi monseigneur Bertran à monseigneur Jeban de Chendoz, présent le prince, disant : ce A Dieu le vou, ja dilles vousveoir! Maiz monseigneur le prince n'a cy point de guerre; ains s'est armé du parti du roy Petre. Et d'autre partie comme souldoier du roy Henry je me suys armé en son aide. Et par ce dys je que je n'ay en riens enfraint mon serement. w

Apres ce que le prince ouït eu victoire, il vint devant Bures en Espaingne. Et se rendi la cité à lui et misl dedens le roy Petre, lequel fist mourir de villaine et cruelle mort aucuns chevaliers et citoiens de la ville, dont il fut moult bay. Et puis après le prince s'en retourna en sa terre pour ce que la princesse lui avoil escript que aucuns Françoiz couroient sa terre de Guienne. Monseigneur Bertran de Clacquin fut ad mené prisonnier à Bordeaux. Et comme il estoit prisonnier, il requit estre misa raençon et si dist oultre : « A Dieu le vou, le prince ne me veult mettre à raençon de paour que je ne lui face guerre, ^présent monseigneur de Chendoz et le captai. Et depuis aprez fui mis à grosse raençon, dont le roy de France lui aida de la plus grant partie. Et d'autres grans seigneurs, princes et autres lui aidèrent tant que sa dicte raençon fut paiée, et par ainsi fut délivré. Mais ains (ju'il fut mis à raençon, le mareschal d'Andrehen, le Besiîue de Villaiues et les autres nobles hommes avoient esté mis à finance et leurs raençonspaiées. Et furent délivrés par le commandement du prince plusieurs escuiers et nobles hommes sans paier raençon.

i82 CHKO.MQLE

Henrv le Bastard, nouvel roy d'Espaingiie, viut devers le pape pour le fait du royaume en Avignon. El là aussi estoit monseigneur d'Angou pour le fait du royaume d'Arle.

Quant le prince fut retourné d'Espaingne et venu en Guienne o tout son bost, il tint bien quatre mois sans souldoier, et sans souldoiez ses gens sevivoient sur son pais. Pourquoy les nobles liommes de sa terre monstrerent au prince <|ue les dictes gens d'armes destruisoient et mengoient son pais et qu'il lesen meistliors. Et lors le prince les mist bors de Guienne. Et entrèrent les dessus diz gens d'armes eu royaume de France et commencèrent compaigne. Dont aucuns tenoient que c'estoit par le prince qu'ilz estoient entrés eu royaume de France. Apres ce que monseigneur le Besgue de Villaines fut quitte de sa raençon et délivré, o tout ce qu'il poultfnier et assembler de gens d'armes de ^orinendie il se remist à voye pour s'en aler droit en Espaingne au roy Henry. Lequel, o tant de gens comme il poult concueillir et finer, se mistrent luy et le dit liesgue osa route sur les cbampset firent forte guerre et aspre au roy Petre et moult recouvrèrent de pais sur luy.

En l'an de grâce mil trois cens soixante sept, le pape Urbain se parti d'Avignon et ala à Marcelles passer la mer pour aler à Romme. Et print port à \ ilerbe en Komman\ e, car la dicle cité esloit de leglize de Romme. Là fist longue demeure le pa{)e ains qu'il alast à Romme. El comme le pape estoit à séjour à Vilerbe, sourdist une discencion entre les gens de la cité de Vilerbe et le pape et les cardinaulv pour la cause de la belle fonlaine qui est en la dicte cité. Et se rebellèrent ceulx de Vilerbe contre le pape et vouldrent courre sus aux gens

du pape et des cardinaulx. Mai/ le bon pape par son grant sens, par belles et doulces parolles, les appaisa. Pour laquelle chose fist venir sou mareschal qui estoit es affaires du pape et de Teglize pour avoir ta dominacion d'icelle ville. Lequel à grant foison de gens d'armes vint à Viterbe. Et comme il fut venu à Viterbe, il fit mettre à mort errant nombre des citoiens de la cité, et aucuns des plus puissans il fit pendre à leurs maisons et les autres decappiter. Bien leur raonstra riguereusement le méfiait qu'ilz avoient fait contre la dignité papal. Bien y doit prendre chacun exemple.

Âpres cestui fait, le pappe se parti de N iterbe et ala à Rommeàgrant armée pourladoubtedes Bommains. Et ains qu'il entrast à Romme, lui fut rendu le chastel de Saint Angre de Romme oultre le gré d'aucuns des Rommains. Et vint le pape à Saint Pierre de Romme, avec lui les cardinaulx.

Quant le pape fut venu à Romme, tantost vint après par devers le Saint Père l'empereur de Romme à moult grant nombre de gens d'armes et de nobles hommes. Et aussi vint par devers le Saint Père le bon roy de Hongrie à grant foison de gens d'armes et d'autre partie la royne de Napj)les. Pour la cause de leur guerre d'entre le rov de Honsrrie et d elle estoient ilz venus devers le Saint Père en espérance d'avoir acort.

Cy raconte d'un fait qui advint en France entre deux chevaliers, c'est assavoir monseigneur Richart de Beaumont et monseigneur Guillaume de Harecourt. Le dit monseigneur Richart de Beaumont ala pardevers monseigneur Galiache', sire de Mil-