I. Grant, Gand

Malogre», Mayorquea.

et cappitaine de tous les crestiens. Lequel roy Philippe landemain de la Saint Michiel prist la crois ; avec lui la pristreiit grant quantité de prelas, de princes, de barons et de nobles et autres en pré de Saint Germain jouxte Paris'.

En l’an mil trois cens trente et quatre, trespassa le pape Jehan, et fut esleus et suceda pape Jacques du Four de l’ordre de Citeaulx, prestre cardinal , qui fut appellé Benoit Xll.

En l’an mil trois cens trente et six, Louis de Bavière, soy portant pour empereur, requist à, Benoit pape absolucion des sentences données contre lui par pape Jehan ; maiz sa requeste ne fut pas essaucée, pour ce qu’il ne requeroit pas en forme deue.

En cest temps, le bon duc Jehan de Bretaingne fut malade. Icestui duc avoit ung filz qui avoit nom monseigneur Henry et trespassa ains que son pere; de cestui filz demoura une fille. Geste fille fut donnée à mariage à monseigneur Charles de Bloix. Or advint que le bon duc Jehan de Bretaingne mourut. Le conte de Montfort, qui estoit frere du dit duc, disoit qu’il devoit estre duc et qu'il estoit le plus prouchain hoir que la fille du filz au duc, lui qui estoit frere du duc. Et en vindrent desrener pour avoir droit en la court du roy Philippe. Et fu jugié en son parlement que la femme à Charles de Blois devoit estre duchesse et que la duchié appartenoit à elle qui estoit fille du filz. Et se parti le conte de Montfort de court et se alla à Edouart, roy d’Angleterre, et passa

i. Cf. Le* Grande* chronique* de Franee, édit, de M. P. Paris, în-8, t. V, p. 3b0, 351 et 332.

le roy Edouart eu Bretaingne en l’aide du conte de Montfort. Et se tindrent en l’aide du conte de Montfort les Bretons bretnnnans. Et le roy Philippe de France ordonna et charga à son nepveu Charles de Bloiz grant chevalerie qu'il mena en Bretaingne, et là out moult fort guerroyé. Et se tourna monseigneur Olivier de Clichon contre le duc Charles de Bloiz couvertement et maistre Henry de Malestrait et mandoient la convine des François aü conte de Montfort. Dont l’eu s’aperceut et pour ce en fu monseigneur Olivier de Clichon décapité à Paris ; et le dit clerc fut mené parmi les rues de Paris et fu si lapidé de hoe et d’ordure qu’il en mourust.

Le roy Edouart se parti de Bretaingne et ala en Angleterre, et d’Angleterre passa le roy Edouart en Flandres, et vint à Jacques d’Ardevelle, uug Flamenc godalier', que les Flamens, apres ce qu'ilz eurent débouté et cachié leur droit seigneur, esleurent à seigneur et à conte. Et lui dit le dit Edouart et aux Flamens aussi qu’il estoit droit hoir de France et que la couronne et le régné lui appartenoit. Et pour ce estoit il venu à eulx pour se complaindre du tort que Philippe de Valloiz lui en faisoit. Adonc , dit Jacques d’Ardevelle aux Flamens : « Puisqu’il est droit hoir de France, faisons lui obéissance. » Et lors firent aliances les Flamens au roy d’Angleterre contre leur souverain seigneur le roy de France. Pour quoy le pape les excommenia, et par ceste aliance se fist et esmeut

i. Lu Granit* chroniqut* it France disent que Jacques d'ArtereM avoit épousé une brasseresse de miel. Édit, de M. P. Paris, in-8, t. V, p. 372.

une très forte guerre en la coste de Flandres, de Picardie, de Normendie et de Bretaingne.

En l’an mil trois cens trente et sept, Philippe de Valloiz roy de France assembla par plusieurs fois au Pont Audemer les prelas , les barons, nobles et gens des bonnes villes pour imposer et mettre sus une aide general par tout son royaume pour le fait de sa guerre. Pour laquelle chose les prelas et barons, nobles et boui^oisdes bonnes villes de Normendie se assemblèrent par plusieurs foiz pour les libertés et franchises du pais garder. Et y furent Raoul le conte d’Euconnestable de France, le conte de Harecourt, monseigneur tîodefroy de Harecourt, le mareschal Bertran, le sire de Graville et les autres barons, prelas, nobles et bourgois. Et composèrent au roy Philippe et au duc Jehan son filz par telle fourme qu’ilz donnèrent au dit roy et duc une grant somme de pecune, par ainsi que le roy et le duc les maintendroient en leurs libertés et franchises, selon ce que la chartre des Normans le contient. La somme fut levée et le roy et le duc jurèrent ce tenir et garder fermement. Maiz apres assez brief temps, le roy et le duc ordonnèrent estre mis sus par tout le royaume imposicions ou maletoutcs et gabelles pour souslenir le fait de leur guerre. Dont les Normans furent moult dolens de ce i]u’ilz avoient fait quant on ne leur tenoit convenant. El encores avec ce fist le roy Philippe courir fleble monnove. Car ung gros tournoiz de fin argent couroit pour cinq souiz, qu’il avoit accordé aux Normans avoir cours, selon ce qu’il est contenu en leurs dittes libertés et franchises en la ditte duchié de Normendie, pour le pris qu’il couroit eu temps du régné monseigneur saint

Louis son besael jadis roy de France, c’est assavoir pour douze deniers tournois la piece, et d’autre monnoye à l’equipolent, pris pour pris. Les collecteurs ordonnez et députez pour le roy cueillirent en Normeiidie les dictez imposicions et males toutes. Siavint que monseigneur Godefroy de Harecourt, le sire de la Roclie Tesson et Rogier Bascon dirent, tant pour eulx que pour leurs enfans de Navarre, qu’il ne courroit nulles males toutes en leurs terres. Pour quoyilz furent adjoui nés à Paris. Monseigneur Raoul Tesson et Rogier Baslon chevalier y alerenl et là ourent les testes couppées. Mais monseigneur Godefroy de Harecourt n’y ala point, ains s’en ala à refuge au roy Edouart en Angleterre. Pour quoy il fut banny du royaume de France.

En l’an mil trois cens trente et huit, le roy Edouart d’Angleterre repassa mer à tout son host et descend! en Breban pour entrer en royaume de France. Et tantost le roy Philippe de France o son host chevaucha jus(|ues à Amiéns alTin que se il estoit besoing d’aler oultre qu’ilz fussent plus prez.. Maiz pour celle foiz n’osa encores le rov Edouart entrer en rovaume de France et s’en ala à l.ouis de Bavière pour recueillir par luy force et aide. Lequel l^uis de Bavière l’establi son lieutenant de l’empire. En cet an, les collecteurs de l’empire s’en alerent avec Louis de Bavière et firent conspiracion contre l’Eglise de Romme. En cel an fist pape Benoit maistre Pierre Rogier archevesque de Rouen cardinal avec cinq autres nouveaulx cardinaux.

En l’an mil trois cens quarante, le roy Philippe fist une armée par mer sur les Flamens. Dont estoient et

Diÿlii^id l.y iîiniglt

iO CHRONIQUE

furent cbierz Charles de LaGouvande, Hue Kerest et Beucliet, noble homme de la ducbié de Jennes, et monseigneur Pierres d'Estelant Normant, aussi fors comme geans. Avecquez iceulx out bien mil hommes de la coste de la mer de Norinendie et de Picardie avec les gens .d’armes et arbalestriers. Hz singlerent par la mer tant qu’ilz vindrent àl’Escluze en Flandres et là se tindrent devant l’Escluze et se antrerent. Les Flamens vindrent sur la terre jusques au nombre de bien dix-huit mil. Les Francoiz leur requistrent place à combatre. Et jour maiz entretant vint le roy Eklouart par mer, le conte de Hantonne, le conte de Glocestre, le conte de Warwich, le conte de lincbole, le conte d’Arondel et le conte de Lousciere o grant navire cbargic de gens d'armes. A icelui jour estoit la vaille de la Nativité Saint Jehan Baptiste que la bataille fut. Et comme vint à l’asembler, les Genenois s'en fuirent. Monseigneur Pierre d’Estelant, Hue Kerest et Beucbet alereiit de bon cueur et de bon courage contre les Angloix. Et se tirèrent ung pou vers la terre, dont ilz firent que folz. Et là commença merveilleuse bataille et dure. Maiz à brief raconter les Françoiz furent desconfiz, maiz moult très chier ilz se vendirent. Car ilz occirent plus de dix mil Angloiz, et y perdi le roy Eklouart quatre contes et plus de vmgt quatre barons et plus de cent chevaliers. Monseigneur Pierres d’Estelant tint tout le derrain en ung cbastel d’une barge où nul n’osoit ne ne povoit de lui aprocber, ne devant lui, tant fust hardi, n’osôit nui arrester. Tout

1. Notre chroDÎqnenr e«t le lenl qui bsw mention de oe Pierre d'Kfttelant.

entour de lui esloit la barge couverte de gens mors; bien occist de sa main plus de cent Angloiz. Maiz par force par derrière il fut mort et occiz. Hue Keret et Beuchet ourent les testes couppées devant le roy Edouart roy d’Angleterre De ceste desconfiture eu* rent Angloiz et Flamens grant joye et F rançoiz dueil. En cest temps fut né Lyon de Gant, fllz Edouart, roy d’Angleterre. En Bretaingne, monseigneur Charles de Bloiz, comme il chevaucoit d’ung syen chastel pour aler à Renes, les Angloiz et Thomas Dagure lui firent une embûche et le souprinstrent, et là out moult fort pongneys. Maiz le duc monseigneur Charles de Bloiz fut prins des Angloiz et mené en Angleterre ; car il ne fut pas rescous des François. Mais depuis fut délivré et s’en retourna en Bretaingne.

En cest temps, avint une bonne aventure en crestienté. Carie bon roy Alphons d’Espaingne et de Castelle et le roy de Portingal et le roy de Navarre mistrent siégé en la Guerzille*. Maiz maladie prinst au roy de Navarre, dont il mourut. Et pour lever le siégé, le roy de Belemarine’, le roy de Grenace et ung grant admirai du Soudent, qui avoit nom Melbedinch et estoit descendu de la liguie de Salliadinc, iceulx baulz princes sarrazins vindrent en Grenade pour lever le siégé. Et là out trop merveilleusement grant bataille et s’i porta comme très vaillant et preux chevalier le bon roy Alfons d’Espaingne. Et par la voulenté de