Berinc, Berwick (Buchon

tienté. Et par ce fut la bataille termëe par l’acort du duc de Leiicastre, conte d’Albic et du dit duc de Bezinc. Et vindrent à Paris et là s’apresterent et ordonnèrent pour combatre en Pré aux Clers jouxte Paris par (levant très excellent prince Jehan, roy deFrMJce. Et fut amené le duc de Bezinc en champ par les enfans du roy de France auxquelz le duc de Bezinc appartenoit de lignage à cause de leur mere, fille du roy de Boesme et seur de l’empereur.

Apres vint en champ le duc Henry de Lencastre et fut amené en champ par noble prince Charles roy de Navarre, conte d’Evreux, et monseigneur Philippe de Navarre son frere, auxquelz le susdit duc appartenoit. Et comme ilz furent tous deux en champ, par leurs amis acort fu fait entre eulx et ne se combatirent point et se partirent du champ en la fourme et maniéré qu’ilz y estoient venus -et alerent tous deux soupper avecquez le roy Jehan. Et à brief temps s’en retourna le duc de Lencastre à Kalais et le duc de Bezinc séjourna avec le roy de France. — Alors vint en France le cardinal de Bouloingne pour traictier de la paix entre le roy de France et le roy d’Angleterre.

En cest temps, trespassa pape Clement Sixte et fut fait pape Innocent.

En cest temps, meust discension à la court du roy de France entre le roy de Navarre, monseigneur Philippe de Navarre son frere contre Charles d’Espaingne connestable de France ; et y out grosses parolles dictes en la presence du roy Jehan, entre lesquelles Charles d’Espaingne desmenli monseigneur Philippe de Navarre. Et quant le ditmessire Philippe ouy soy desmentir, lors il Sacha son coustel et en voult ferir Charles

d’Espaingne. Et comme le roy Jehan vit ce, il vint à monseigneur Philippe et le tint et si lui dit : « Comment ! beau cousin, vous fault il sacher armes en ma chambre ? » Et lors se parti de la court Charles d’Espaingne. Et comme il se partoit, monseigneur Philippe Navarre lui dit que oncques filz de roy ne fu desmenti qui fust si chierement comparé et que bien se gardast des enfans de Navarre. Et Charles d'Espaingne respondi qu’il ne doubtoit enix ne leur povoir. Par tant se partirent de la court du roy de France le roy de Navarre et monseigneur Philippe son frere et alerent en leur terre qu’ilz avoient en Normendie. Et alerent avec eulx aucuns des nobles comme le conte de Harecourt, monseigneur Godefroy et monseigneur Louis de Harecourt et le sire de Clere, car à iceulx avoit mauvaise voulenté le dit connestable. Et si avoit avec iceulx en la dite aliance le conte de Namur, monseigneur de Guerarville, monseigneur de F.a Ferté, monseigneur Guillaume de Melle, le sire de Preaulx et monseigneur Jehan de Preaulx son filz , monseigneur Robert et Guillaume Le Noir de Grainville, le sire d’Araines, Amaurry sire de Rony, le sire de Friquans, monseigneur Régnault de Braquemont, monseigneur Pierres de Sauqueville, et grant quantité d’autres chevaliers et escuiers dont les noms ne sont pas icy retrais. Charles d’Espaingne se fia tant en son avoir et eu roy de France qu’il ne prisa en riens les menaces de monseigneur Philippe de Navarre et chevaucoit desgarny de gens d’armes et vint en la ville de Ijiigle en Normendie. roy de Navarre et monseigneur Philippe son frere sceurent par leur endictes que le connestable de France Charles d’Espaingne

estoit à Laigle, lors chevaucerent tant que par nuit vindrent devant la dicte ville. Et adonc monseigneur Philippe de Navarre, le conte de Harecourt, monseigneur Jehan Mallet sire de Graville, le sire deClere, monseigneur de Friquans, monseigneur Guillaume Carbonnier et monseigneur Ligier d’Aurichi, Colin Douillet, Gillet de Panthelu, Ijc Bascon de Mareul et Radigo avec trente hommes armés ou environ vindrent en l’ostel où estoit le conneslable monseigneur Charles d’Espaingne. Monseigneur Philippe de Navarre lors vint à Puis de la chambre où estoit logié le dit connestable et commença à hurter à Puis. Adonc veilloit le dit connestable, car cueur sent aucunes fois ce que avenir lui est. Et (juant il ouyt la frainte, il se mucha soubz son lit, car Postel tout entour vit avironné de gens d’armes. Lors fut ouvert Puis par ung de ceuU de la chambre du dit connestable. Adonc entrèrent ses ennemis en la chambre et abîmèrent les torches et vindrent premièrement au lit de monseigneur Jehan de Meleun et puis au lit du dit connestable, où il fut trouvé. Dont lui dit monseigneur Philippe de Navarre : « Charles d’Espaingne, mal desmentis Philippe filz de roy. » Et lors s’agenouilla le connestable les mains jointes devant monseigneur Philippe de Navarre en lui priant qu’il eust mercy de lui et qu’il serait son serf racheté et que de son pesant d’or il se raenconneroit et oultre sa terre quitte lui clamoit et que outre mer s’en yrait sans jamais retourner. Alors dit le conte de Harecourt : « Sire, se de ce vous veult baillier bons hostages, ayes pitié de lui. » Mais monseigneur Philippe estoit tant yré et enflammé que en rien ne le voulloit

38 CHBONIQUE

ouir ne escouter. Et aussi vint monseigneur Pierres de Sauqiieville au dit monseigneur Pliilippe de par le roy de Navarre son frere qui l’attendoit, lequel lui mandoit que liastivement il se delivrast. Lors le Bascon de Mareul et Radigo et quatre servans occistrent le dit Charles d’Espaingne connestable de France. Et l’occist de sa main et de son espée le dit Bascon de Mareul. Car il lui lança et boula tout oultre parmi le corps ; et tant engnisseusement, villainnement et abbominablement l'apareillerent qu’ilz lui firent quatre vingt plaies'. Dont aucuns d’iceulx qui furent en la place distrent que ledit monseigneur Philippe fut bien dolent qu’il n’avoit esté prins vif. Tantosl que le fait fut accompli, ilz s’en retournèrent devers le roy de Navarre <|ui les attendoit et alerentà Evreux,et s’apareillerent comme pour avoir la guerre.

La contesse d’Alençon, quant elle en sceut les nouvelles, fit enterrer le corps, et ses gens retournèrent à Paris et contèrent au roy Jehan le fait ainsi comme advenu estait. Dont il fut merveilleusement courcbié, car moult affectueusement l’amoit. Et jura moult grant serement que jamais en son cueur joye n’auroit jusques à ce qu’il en fust vengié.

Apres la mort de Charles d’Espaingne, monseigneur Philippe de Navarre, avec lui monseigneur Godefroy deHarecourt alerent en Costentiu et là assemblèrent

L’assassinat de Charles d’Espagne est raconté ici autrement que dans toutes les autres chroniques contemporaines. Le récit de notre chroniqueur est le plus détaillé, le plus dramatique et Traisernhlablement le plus exact. Cf. Froissait, Ut. I, partie II, ch. xin; édit, du Panthéon, t. I, p. 301 et 303. ~ Les Grandes chroniques de France, édit. in*8, t. VI, p. 7 et 8. — Le second continuateur de G. de Nangis,'éd. de G<‘raad, t. II, p. 337 et 328.

moult grant nombre de gens d'armes. Et monseigneur Godefroy fit emforchier les pas du clos de Costentin. Et pour ce fut donné en conseil au roy Jehan que c’estoit bon et pour le meillieur qu’il s’acordast au roy de Navarre. Car s’il lui mouvoit guerre, il s’alieroit au roy d’Angleterre et ainsi yroit de mal en pis. Et donc le cardinal de Boiiloingne traicta de l’acort et fit tant qu’il mist paix entre le roy Jehan de France et le roy de Navarre. Et eurent plaine remission tous ceulx qui avoient tenu le parti du roy de Navarre. Et pour cause de la conté d’Angoulesme, le roy Jehan livra au roy de Navarre la conté de Beaumont le Rc^'er, et ainsi pour ceste fois fut faicte fin de ceste discorde, et pour parfournir lui le mariage qu’il lui avoit donné avec sa fille.

Apres la prinse de Guines, monseigneur GuielTroy de Charny et le marescal d’Andrehen, au-devant de la mort monseigneur Charles d’Eispaingne, furent envolés en frontière contre ceulx de Kalaiz et assemblèrent la chevalerie de Picardie, le conte de Bouloingne, monseigneur de Fiennes, monseigneur de Roye, monseigneur d’Aubegny et plusieurs autres, et alerent par nuit devant Kalaiz et la cuida escheler le conte de Saint Pol. Mais ilz furent apperceus, et fut l’eschielle prinse des Anglois. Et lors s’en retournèrent à Saint Osmer et à Bouloingne.

Ung faulx Iraistre que l’en appelloit Aymeri, lequel avoit esté françois, se traist par devers le mareschal d Andrehen et lui promist par finance qu’il lui livreroit le chastel de Kalaiz à certain terme qu’il lui dist. Le mareschal le dit à mousseigneur Guieffroy de Charny, et lors alerent o plusieurs autres nobles au

terme que Aymeri leur ayoit dit et entrèrent dedans le chastel. Et lors sailli le roy d'Angleterre en guise d’ung simple chevalier o granl quantité d’Anglois qui là estoient mucbiez. Et leur coururent sus et là ouït bataille grant et fort. Mais les François furent les plus fiebles et furent tous prins, le mareschal et ledit monseigneur GuielTroy et grant (oison de bons chevaliers et escuiers, lesqiielz furent tous delivres par raençon de deniers qu’ilz paierent aux Anglois.

Ne demoura pas long temps apres que le mareschal d’Andrehen fut quicte de sa raençon que il chevauca sur les Anglois et encontra une route de bien quatre cens Angloiz et les desconfit. Et en celle desconfiture fut prins le dit Aymery nommé devant, lequel fut amené à Saint Osmer. Et là le fit le mareschal si tourmenter que à grans tenailles de fer l’en luy ostoit et evrachoit la char et ainsi mourut de dure mort. Edouart le roy d’Angleterre et le prince de Gales son filz firent leur semonce en Angleterre le pliA elTorciement qu’ilz peurent et passèrent la mer et vindrent à Kalaiz o grant armée et allèrent assaillir une bastide que les Françoiz avoieut faicte où estoit monseigneur Thomas de La Marche, monseigneur de Pommereul, monseigneur Dennequin et le bastart de Renti.

Le prince de Galles qui avoit l’avangarde de l’ost son pere fistla dicte bastide mei^'eilleusement assaillir. Et les François très bien se deffendirent. Maiz la force du prince fut si grant que par force il falut qu’ilz se rendissent ou ilz eussent esté prins, car ilz ne se povoient plus tenir. Les nouvelles en vindrent au roy Jehan qui hastivement manda nobles et non nobles et chevauca contre le roy Edouart à très grant foison

de gens d’armes, premièrement le roy de Navarre, le duc d'Orliens, le duc de Bourbon, monseigneur Jehan d’Artois conte d’Ëu, le conte de Harecourt, le conte de Tancarville, le conte de Rony et très grant foison de chevaliers, barons et escuiers et d'autres. Edouart roy d’.\ngleterre, qui moult estoit sages de la guerre, aperçut que ce n’estoit pas son avantage de combatre au roy de France et retourna à Kalais. Et lors lui manda le roy Jehan de France qu'il ne faisoit pas que bon guerroier ne comme gentilz homs, quant il n’atendoit la bataille. Sur ce le roy d'Angleteire lui remanda que gentilz homs estoit et que de bataille ne lui fauldroit, car en toutes les marches de son pais il lui Uvreroit bataille assez et tant qu’il en seroit tout encombrés.

Comme le roy Edouart fut à Calais, lui vindrent nouvelles de son pais que le gouverneur d’Escosse messire Guillaume Duglas avoit mis siégé devant la cité de Bezinc * et avoit bien couru trois journées en Angleterre. Adonc se partis! le roy Edouart de Calais et s’en ala en Angleterre et envoia son ainsné (Hz le prince de Gales, le conte de Ricbemont son frere pour lever les Escos. Lesquelz eurent nouvelles de leur venue. Et fist messire Guillaume Duglas faire une embusche es bois. Et comme les Anglois entreront en bois, les Escos leur coururent sus. Là ouït grant estor et fort. Et lors messire Jehan d’.Anselée et Edmond de Glos firent leurs gens tous mettre à pié. Et coururent sus les Anglois aux Escos et les mistrent à déconfiture. Et s’en fuirent ceulx qui pourent eschapper en la

i. Bezinc» Berwick.

DIgitizcd by GiiOgle

route de monseigneur Duglas et lui contèrent la force que le prince a\oit. Adonc se deslogerent les Escoz et se mistrent en la frontière d’Escosse sur les destrois et les entrées de leurs pais. Et le prince de Galles vint k Bezinc, laquelle cité il (Ist garnir de vitailles et rafrescliir de gens d'armes, et puis s’en retourna en sa terre.

En cest temps, le roy de Hongrie ala contre les Coimins lesquelz estoienl entrés en Grece et degastoient le pais, et n’y mettoient les Gréez nul remede. Icelui roy de Hongrie se combati contre iceulx mescreans Coimins oultre le fleuve du bras Saint George et les desconfist, si <{ue lui et sa gent en occistrent bira soixante cinq mil. Fuis s’en retourna le dit roy de Hongrye en son pais, et lui faillirent les Gréez de convenant qui lui avoieut promis à rendre la cité de Costentinoble.

Jehan le roy de France fist une grant feste faire à son palais à Paris et une graiit assemblée de nobles. Et à ceste feste dévoient estre les trois f reres de Navarre. Et fut le roy à conseil au devant du disner. Auquel conseil fut le cardinal de Bouloingne, Pierres de La Forest arebevesque de Rouen et cbancellier de France, messire Jehan d’Artois conte d’Eii et le conte de Tancarville et monseigneur Jacfjues de Bourbon. En icellui conseil fut ordonné que en icellui jour au disner seroient occis les trois freres de Navarre'. Et

i . Notre chrooiqueur est le seul qui parle de cet attentat projeté par trahison ; il n*en est nullement question soit dans Froissait, soit dans les Grandes chroniques de France. Cf. Froissait, lir. I, part. Il, ch. xx, p. 322. — Grandes chroniques, t. VI de Téd. in-8, p. 8-12 et p. 26 et 27.— ^Chronique latine de Guillaïune de Nangis, éd. de Gérand, t. Il, p. 228 et 229.

comme le conseil fut départi, par ung de ceulx qui fut au conseil fut dit secrètement aux enfans de Navarre qu ’ilz ne venissent au disner si chier comme ilz amoient leurs vies. Lors s’en retournèrent hastivement en leur bostel et firent armer leurs gens et s’en vouloient aller. Et lors fiit dit en la court du roy Jehan comme le roy de Navarre et ses freres s’en estoient retournés et faisoient leurs gens armer. Donc envoia le roy Jehan devers le roy de Navarre et ses freres monseigneur Jaques de Bourbon. Et comme le roy de Navarre le vist, si lui dit : o Cousin, je ne vous cuidoie pas mortel ennemi. Et se vous ne venissies comme messagier, vous sceussies comme sont gentilz hommes les enfans de Navarre. » Lors se partirent et alerent à Evreux où là se départirent les trois freres, ne onc puis ne furent ensembles. Le roy de Navarre se tint garni à Evreux, et monseigneur Philippe ala en Costentin pour assembler gens d’armes, et monseigneur Louis de Navarre ala en Navarre.

Apres ce, donna le roy Jehan à Charles son ainsné filz la duchié de Normcndie. Et alors furent à acort le roy de Navarre et monseigneur Philippe de Navarre son frere au roy Jehan, et jurèrent paix l’un à l’autre sur le corps de Nostre Seigneur Jhesu Crist consacré, lequel fui parti en trois parties dont chacun ot sa part et l’usa corporelment. Et lors vint le roy Jehan à Bouen, et là vint à lui le roy de Navarre auquel le roy de France Jehan fist très grant feste.

Apres ce, vint Charles duc de Normendie, ainsné filz de Jehan roy de France, à Rouen, où il fut receu à duc et à seigneur. Et avec lui vint le roy de Navarre, le conte de Harecourt et des plus grans barons de

Normendie. El là par le duc fut mandé à monseigneur Godefroy de Harecourt et à autres nobles qu'ilz venissent à Rouen pour lui faire hommaige de la terre qu'ilz tenoient de lui en Normendie. Lequel Godefroy manda au duc qu’il lui envoiast saufconduit et seurté de sauf aler et sauf, venir et le garantir de tous arrestz et encombriers. Et ainsi le fit le duc. Et lors vint à Rouen monseigneur Godefroy de Harecourt pour faire bominaige au duc. Et apporta de l'Eglise Nostre Dame de Rouen la cliartre aux Normans où sont contenus les privilèges de Normendie. Laquelle cbarlre il apporta sur sa teste pardevant le duc et dit oyant tous ; K Mou seigneur naturel, vecy la cbarlre des Normans. En la fourme qu’il est contenu dedens s’il le vous plaist à jurer et tenir, je suy tout prest de vous faire hommaige. » Sur ces paroles, le conseil du duc de Normendie voulust veoir et avoir la dicte cbarlre. El monseigneur Godefroy respondi que la dicte cbarlre il avoil promis rendre et restablir présentement en la dicte eglise et qu’il lui porteroit. Mais se copie ou vidimus en voulloient, bien le pourroient avoir. Ainsi se parti monseigneur Godefroy de Harecourt, sans faire hommaige, de la court du duc et prinst congié du duc, disant qu’il lui convenoit estre brief en sa terre. .Moult voulentiers l’escoutoit le duc parler et grant plaisir eust eu ([u’il fust demouré de sa retenue de son conseil pour le 1res grant sens de lui '.

L’an de l’incarnacion Nostre Seigneur Jhesu Crist mil trois cens cinquante six, tint son parlement Charles

I. Tous ces curieux détails, qui retracent d'une manière si saisissante la lutte do la grande féodalité, de IVsprit aristocratique et prorincial personnifié par Godf frui de Harcourt contre le pouroir royal représenté

Digilized by Coogle

duc de Normendie à Rouen. Et à ce parlement fu le roy de Navarre, le conte de Harecourt, le sire de Gra< ville, le sire de Clere, le sire de Preaulx, monseigneur du Bec Thomas, le sire de Tournebu, le sire de La Ferlé, le sire de Berreville, monseigneur de Buiville le bon chevalier qui fît le beau coup d’armes en Turquie. Car il ftndi ou couppa et trencha ung Turq tout au long pa^my devant le roy de Cypre. Et aussi furent à cest parlement le sire de Friquans, le sire de Braquemont, le sire de Blainville, le sire de Saincte Beuve, monseigneur de Houdetot, maistre desarbalestriers, et la greigneur partie des chevaliers de nom de Normendie, et le maire de Rouen qui avoit nom sire Jehan Mustel et plusieurs des plus suffîsans et notables bourgois de la dicte cité de Rouen.

Monseigneur Godefroy vint assez près de Rouen pour estre à icelhii parlement ; mais onc n’y voult venir sans le sauf conduit du roy Jehan et du duc Charles son fîlz, car moult se doubtoit d’encombrier. Et par icellui par qui il maudoit le sauf conduit il mandoit à son nepveu le conte de Harecourt que, toutes choses laissies, il venist parler à lui. Ainsi comme l’escuier de monseigneur Godefroy vint au chastel de Rouen, le conseil estoit continué à l’endemain. Lors vint l’escuier de monseigneur Godefroy au conte et lui dist ce que son oncle lui mandoit. Adonc demanda le conte de Harecourt ses chevaulx pour partir du chastel. Et lors vint à lui Robert de Lorris, lequel lui dist : « Sire, monseigneur le duc n’ateut fors que v^ous à disner. »

par Charles, duc de Normandie, ces détails ne se tronrent que dans notre chronique. Cf. Bû/oire de Rouen pendant Cépoque commu n a le , par M. Chéruel, t.n, p. 173, 174 et 175.

Digilized by Coogli:

Et brief il lui osta son mantel et donc renvoia le devant dit escuier'. Et lors assistrent à disner monseigneur le duc, le roy de Navarre, le conte d'Estampes, le conte de Harecourt, le sire de Graville en une table, et par les autres tables les autres barons, chevaliers et bourgois. Et comme ilz furent en my le disner, le roy Jehan entra eu chastel de Rouen par la p^te des champs et vint au disner, avec lui le conte Jehan d’Artois et Jehan de Meleun, conte de Tancarville, et le mereschal d’Andrehen o plusieurs gens d’armes. Et lors ouy la frainte le chancellier de Navarre, lequel s’en yssy hors de Rouen et trouva ledit escuier de monseigneur Godefroy. Et doncala à lui et lui compta comme le roy Jehan esloit soudainement venu et entré eu chastel de Rouen. Lors dist monseigneur Godefroy : « J’en pensoye bien autant. » Et donc s’en partirent errant et s’en allèrent en Coslentin.

Le roy Jehan entra en la salle du chastel de Rouen et vinst en la table de son filz et là prinst de sa main le conte de Harecourt, et le roy de Navarre fist prendre et mettre en prison et le dit conte de Harecourt, le sire de Graville et ung chevalier nommé Maubue de Menesmares et ung escuier nommé Colinet Doublet, et à yces quatre fist trencher les testes dehors le chastel de Rouen. Et puis furent penduz au gibet l’an mil trois cens cinquante six, le jour de la saint Ambroise. Et ainçois qu’ilz fussent mis hors du chastel pour les decappiter, le roy Jehan se saizy de toutes les clefz des portes de la cité et les fist toutes fermer. Et avec tout

1 . Ces intéresMnU préliminairps de Tatteotat da 5 ayril I3S^ ae noua sont rérélét que par notre chronique.

ce fit dire par les mes que chacun fermast son huis et que nul ne yssist hors de son hostel.

Âpres ce fait, se parti le roy Jehan de Rouen et ala au Pont de l’Arche. Et là vint à lui le prevost des marchans de Paris à cinq cens hommes d’armes. Puis ala le roy Jehan à Paris, et le roy de Navarre fut mené en prison à Paris et puis au chastel de Gaillart jouxte Andeli et puis à Crevecuer. Moult fui blâmé le roy Jehan de l’occision des diz seigneurs et moult en fut en la malivolence des nobles et de son peuple et par especial de ceulx de Normendie.

Apres ce fait, le roy Jehan fit banir monseigneur Godefroy de Harecourt en Costentin et aillieurs de tout le royaume de France comme miirdrier en fausseté. Et lors monseigneur Philippe de Navarre et le dit monseigneur Godefroy de Harecourt envoierent defïier le roy Jehan et lui rendirent leurs hommaiges. La terre du conte de Harecourt fut toute prinse en la main du roy Jehan et fut moult requise au roy. Et donc conseilla le duc de Bourbon au roy Jehan que la terre dudit conte ne fut par lui à aucun donnée ne des autres par semblable maniéré. Car il sembleroit que pour cause de leurs terres les eust fait mourir. Et donc par le conseil du duc de Bourbon ne fu pas la terre du conte donnée ; maiz la terre du sire de Graville donna à monseigneur Jehan Martel qui puis la rendi à l’oir de Graville.

Jehan roy de France fit mettre siégé devant la cité d’Evreux par monseigneur Jehan Martel, monseigneur le Baudrain de la Heuse, amiral de France, monseigneur Jehan Sonnain avec le Besgue de Villainnes. Lesquelz prindrent le bourc, et là ouït grant assault et

grant escarmuche de Françoiz et de Navarrois, et furent là longuement assiégés.

Les Navarrois du chastel boutèrent le feu en la cité es maisons devant le chastel, et sailli le feu en la mere eglise de Nostre Dame. Et adonc entrèrent les François en la cité et la pillèrent. Ung souldoier que l’en appelloit Jehan de Courourdain ])illa l’cglise de Nostre Dame d’Evreux, car onc François n’y voult faire violence. Et en la fin en ouït tel mérité qu’il en fut pendu à un gibet en Bourgoingne.

Par le commandement ,du roy Jehan, alerent au Ponteaudemer monseigneur Robert de Houdetot, maistre des arbalestriers du royaume de France, le seneschal d’Eu, le sire de Villequier, monseigneur de Plennes et grant foison de gens d’armes et d’ arbalestriers et pavoisiens. Et y firent les François moult d'escarmucbes. Et fit le dit monseigneur de Houdetot asseoir myneeu dit chastel.

Et ce durant, monseigneur Philippe de Navarre, qui tant fut en son vivant amé de gens d’armes, apres ce qu’il ouït rendu son hommaige et dcflié le roy de France comme gentilz homs doibt, il passa en Angleterre. Et là fu moult joyeusement receu de Edouart roy d’Angleterre et de Edouart son filz prince de Galles. Et là prinst le dit monseigneur Philippe l’aliance du dit roy et de son dit filz et du duc Henry de Lenquastre qui en sa propre personne vint en l’aide du dit monseigneur Philippe de Navarre.

Quant monseigneur Philippe de Navarre ouït l’aliance et la bonne amour du roy Edouart qui lui aida de grant nombre de gens d’armes à son congié, le dict monseigneur Philippe et Henry duc de Lencastre se de-

partirent o leurs gens et arrivèrent en Costentin où là assemblèrent les garnisons englesclies tant de Bretaingneqiie deNormendie, comme monseigneur Godefroy de Harecourt, monseigneur Robert Canolle, cliiefdes Anglois de Bretaingne, et grant foison de bons chevaliers et escuiers et de bons servans. Et fit scavoir monseigneur Philippe de Navarre à tous les cappitaines des fors du roy de Navarre son frere que bien et liardiement se deffendissent, car il les venoit secourre à vingt mille combatans.

Au Ponteaudemer en vint ung messagier qui estoit maistre de nef de mer et estoit Costentinois. Et s’en vint entre les arbalestriers et demanda se ceulx de Rouen estoient là pour plus couvertement faire son fait. Car il avoit plusieurs fois en sa nef admené marchandise à Rouen. Ceulx de l’ost lui distrent qu’ilz n’estoient pas à ce siégé et qu’ilz estoient à Evreux. Et fut prins par souppeçoii et enquis, et trouva l’en sur lui les lettres qu’il portoit de par monseigneur Philippe de Navarre. Pour quoy le dit messagier fut decappité et escartelé, puis fut pendu devant le chastel.

Le siégé durant, furent envoies par le roy de France pour enforchier le siégé au Ponteaudemer monseigneur Louis de Harecourt, monseigneur Robert de Cleremont, le Baudrain de la Heuse, amiral de France, monseigneur d’Angerville et grant roqtes de gens d’armes. Mais ains qu’ilz fussent venus au Ponteaudemer, s' estoit parti du siégé le maistre des arbalestriers, lequel raconta ans dicts seigneurs la venue et l’elfors de monseigneur Philippe de Navarre (|ui venoit pour lever le siégé des François. Et lors retour-

nerent tous à Rouen et contèrent au duc de Normendie la venue de ses ennemis.

Et brief temps apres le deslogement du dit siégé, vindrent monseigneur Philippe de Navarre et le dit duc de Lencastre au Ponteaudemer et garnirent le cliastel de gens d’armes et de vivres et de ce que mestier estoità guerre souffrir. Et aussi firent ilz les autres cliasteaulx. Puis chevauchèrent le dit duc de Lencastre et le dit monseigneur Philippe de Navarre o leur ost en Perche, et là prindrent la ville de Vernueil. Laquelle fut prinse par force d’assault. Et là se contint très vassaument Philippe de Navarre, car il estoii eu premier front de la bataille eu lieu par lequel la ville fut prinse. Et se combatoit main à main à ceulx de la ville. Et par le cueur qu’il donna aux gens d’armes prindrent ilz par force la ville et pillèrent. out maint proudons occiz et detrenchié. Grant douleur et grant pitié estoit de veoir les femmes de la ville de la douleur qu’ilz menoient. Et pour ce firent commander le duc de Lencastre et monseigneur Philippe de Navarre que nul ne leur meffaist. Trop grant trésor et trop grant richesses gaingnerent en la tour de Vernueil quant ilz la pristrent.

Jehan roy de France fut moult en grant* de combatre et desconfire ses ennemis et assembla très grant host, Charles son ainsné filz, duc de Normendie et daufin de Vienne, le duc de Bourbon, le duc d’Athenes, le conte de Saint Pol, monseigneur Jehan d’Artois, conte d’Eu, monseigneur Charles d’Artois son frere, à qui le dit roy Jehan avoit donnée la conté de

< . $oa»-«Dt. : déûr.

DES QUATRE PREMIERS VALOIS. ki

Lon^eville, le conte de Tancarville, le conte Dampmartin, le conte de Rony, monseigneur Louis de Ha* recourt, monseigneur le mareschal de Cleremont, monseigneur Robert de Cleremont , monseigneur Adam de Meullent, monseigneur de Berreville, monseigneur Jehan de Graville seigneur de Plennes, monseigneur Jehan Martel, monseigneur Guillaume Martel, monseigneur de La Ferté, monseigneur Âmaury de Meullent, monseigneur de Montmorensi, monseigneur le Baudrain de la Heuze, amiral de France, monseigneur Robert de Houdetot, maistre des arbalestriers, et grant quantité de autres chevaliers de Normendie.

Et en la bataille de monseigneur Moreau de Fiennes, connestahle de France, estoient les barons de Picardie, le mareschal d’Andrehen, monseigneur de Chamy, monseigneur de Roye, monseigneur d’Aubegny, monseigneur Maliieu de Roye, monseigneur Raoul de Reneval, monseigneur Hue de Cbasteillon, le sire de Piquegny, le baron de Coucy, monseigneur Enguerren de Hedinc, monseigneur de Saneuze, monseigneur Amory, ung chevalier de Cypre lors cappitaine de Beauvaiz et moult d’autres vaillans chevaliers et escuiers. Et encoires avec ce estoient o le roy Jehan des bonnes villes de Paris, de Rouen, d'Amiens et d’autres cités du royaume de France des bourgois o grant nombre de gens d’armes. De très grant hardement et de très grant voulenté poursuy Jehan le roy de France ses ennemis tant qu’il vint à Tuebeuf. Dont l’en veoit le feu que faisoient les dessus diz ennemis. Et là cria l’en alarme en l’ost du roy de France, en