RoUeboite, Seine^>Oi*e, arr. Mante*, c. Bonnières

m’a hoslé par force mes derrées. » Aucuns le prindrent à suivir, et lors saillirent des An^loiz jusquez à vingt, que gens d’armes, que arcliiers, qui reboutcrent ceulx qui suivoient Gaultier Strot et en navrèrent aucuns de leur trait. Et en ce faisant bien douze ou quinze Angloiz yssirent semblablement de leur fort et prindrent ung troppel de marcbans qui apportoient vivres en l’ost, et eulx et ce qu’ilz amenoient emmenerent dedens leur fort. Par quoy ceulx de l’ost s’armèrent et vindrent assaillir le cbaslel, et là ouït ung fort assault qui dura jusque au vespre. Et vindrent ceulx de l’ost avaller les fossez et se combatirent aux lances à ceulx du cbastel. Et les Angloiz se deffendirent viguereusement et gettoient grosses pierres sur les Françoiz. Monseigneur Bertran et le conte d’Aucerre as.saillirenl ceulx du cbastel par devant le pont, et pou s’en fallu qu’ilz ne gaingnercnt le pont. D’autre partie furent les Normans et les Picars qui moult vassaumeiit se portèrent, maiz pour ce que jour failli remaint l’assault.

Apres cestui assault, le dimencbe premier d’apres Quasimodo, monseigneur Bertran de Clacquin manda toutes ses gens qui vivoient sur le pais en Veuguessin et aillieurs. Et icelle nuit fit faire deux embuscbes. L’une fut devant Mante où estoit monseigneur Olivier de Mauny, Roulant de La Cbenaye, monseigneur de Porquon, La Barre, en leur route liuit vingt hommes d’armes. Et au matin, comme la porte fut ouverte et les gardes n’estoient pas encoires tous venuz, les Bretons saillirent sur le pont comme une cbarette yssoitde de la ville et coururent sus aux gardes de la porte, et gaingnierent la porte, et de plain front coururent parmi la ville. Ceulx de Mante furent ainsi soupprins.

1<kO CHRONIQUE

ÂucuDss’en fuioient par dessus les murs, les autres par eaue ; les autres si fuioient aux églises. Par quoy ceulx de la ville furent pilliez des Bretons. Des lors qu’ilz ourent gaigné le pont et la porte, ilz firent un signe que monseigneur Bertran congnut. Et ala à Mante avec lui monseigneur Yvain Charuel, avec eulx grant roule de gens d’armes. Et fit crier par la ville que nul ne meffeist à femme ne à enfant, maiz la ville avoit ainçoiz este pillie. Aucuns des bourgoiz de Mante comme Jacquez Petrel, trésorier du roy de Navarre, maistre Jehan de Haincourt, Jehan Doubler et plusieurs autres si s’en fuirent à .Meullent et se mistreut eu dangon de Meullent.

Par semblable maniéré, monseigneur Jacquez de La Houssaye, avec lui bien quatre vingt Bretons, prist le fortde Vetheuil', et fut pillié comme Mante. Apresce que Mante eust esté prise et pillie des Bretons, l’ost de devant Bouleboize se desloga. Monseigneur de La Ferté se mist en fort de Roony *, et les autres gens d’armes s’en alerent. Puis aussi trois jours apres ce que Mante ouït esté pillie et prinse, comme devant est dit, monseigneur Bertran et le conte d’Aucerre et leurs gens assaillirent Meullent. Et pour garder Mante, demoura monseigneur Yvain Charuel et le Vert Chevalier, frere au“^ conte d’Aucerre, o bien deux cens hommes d’armes.

Monseigneur Bertran de Clacquin et le conte d’Âucerre vindrent à Meullent et l’assaillirent moult efforciement. Car ceulx de la ville se defleudirent moult