MAI, COUTANCES

Robert Jolivet, abbé du Mont- Saint-Michel, conseiller du roi et son commissaire en basse Normandie pour le recouvrement du Mont-Saint-Michel, mande à Pierre Surreau, receveur général de Normandie, de payer les gages des gens d'armes composant la garnison de la bastille d'Ardevon contre présentation des quittances de Jean Elman et de James d'Aye, écuyers, lieutenant et maréchal de la dite bastille, chargés de la garder depuis que Nicolas Burdett, bailli du Cotentin et capitaine de la dite bastille d'Ardevon pour tenir le siège devant le Mont-Saint- Michel, a été fait prisonnier par les ennemis.

Robert, par la permission divine humble abbé du Mont Saint Michiel ou péril de la mer, conseiller du roy nostre seigneur et commissaire d'icellui seigneur ou pais de la basse marche de Normendie pour le recouvrement de la place du dit Mont Saint Michiel, a nostre bien amé Pierre Surreau, recepveur gênerai de Normendie, salut. Pour ce que puis n'a gaires messire Nicolas Bourdet, chevalier, bailli de Costentin et cappitaine de la bastille d'Ardevon pour tenir le siège par la terre devant la place du dit Mont Saint Michiel, ait esté prins par les ennemis et adverssaires du roy nostre dit seigneur et la dicte bastille demourée en garde a Jehan Elman et James d'Aye, escuiers, lieuxtenant et mareschal de la dicte bastille, pour quoy ne pourries avoir ne recouvrer du dit cappitaine les quittances qui sont nécessaires pour le paiement des gens d'armes et de trait estans dedens icelle bastille, et affin que le paiement n'en soit rettardé ou delaié, et pour obvier aux inconveniens qui s'en pourroient ensuir, nous vous mandons et expressément enjoingnons que, des deniers par vous receus ou a recepvoir pour le recouvrement de la dicte place, vous bailliés et délivrés en prest et paiement des gaiges et regards des gens d'armes et de trait retenuz pour la garde de la dicte bastille au dit lieuxtenant et mareschal ou à l'un d'eulx ce qu'est ou sera deu aux soûl-

doiers d'icelle bastille, et dont il apparra par monstre deuement faicte, en prenant quittance des diz lieutenant et mareschal ou de l'un d'eulx, laquelle vous sera d'autelle et semblable valeur comme celle du dit messire NicoUe Bourdet, enparavant que il fust prins des diz ennemis. Et par rapportant ces présentes, la quittance d'eulx ou de l'un d'eulx aveques les dictes monstres, ce que .leur aurés paie vous sera aloué en vos comptes et rabatu de vostre recepte par ceulx a qui il appartendra. Donné a Coustances le xn^ jour de may l'an mil iiiic vingt et cinq. R. Abbas i.

(Arch. Nat.ySect. hist., K 62, n^ 18 2.)

1425, 19 MAI, CHAU3EY

Montre de Jean Scacle, écuyer, retenu a la charge de 12 lances et 36 archers par Robert Jolivet, abbé du Mont-Saint- Michel, pour servir sous les ordres de Lorens Hauden, écuyer, au siège mis devant la dite place du Mont- Saint-Michel.

Ensuit la monstre de Jehan Scacle, escuier, retenu par révérend père en Dieu monseigneur l'abbé du Mont Saint Michiel, commissaire du roy nostre sire, a la charge de xii lances et XXXVI archiers, pour servir au siège devant le Mont Saint Michiel soubz le gouvernement et en la compaignie de Laurens Hautain, escuier, et oultre le nombre a lui ordené pour mettre et tenir le dit siège de la mer, faicte a Chausy a par nous Guillaume Biote, viconte de Carenten le xix™^ jour de may l'an mil iiii c xxv, desquelz les noms et surnoms ensuivent. Et premièrement