Arr. Avranches^ c. Granville

Anquetoville i, Saint Ligier 2 ; en la baronnie de Bretheville , Breteville 3, Verson 4, Evrecy, et Danjohan 5^ a en prendre, lever, percevoir et avoir d'icy en avant ce qu'ilz pourront, pour leur aider a la sustentacion de leur vie et estât, affin que le divin service puist continuelment estre célébré en la dicte abbaye, ainsi que iceulx religieux l'ont touzjours bien fait ou temps passé et selon leur saint ordre et religion, ce que nous desirons de tout nostre cueur, et aussi pour estre participans en leurs biens faiz et prières. Si vous mandons et expressément commandons et a chascun de vous, si comme a lui appartendra, que des appatissemens, composicions ou contribucions des parroisses dessus nommées et de chascune d'icelles vous faictes, souffrez et laissez les diz religieux joir et exploittier paisiblement, sans les empescher ne souffrir par autres estre empeschiés, deflFendans de par mon dit seigneur le roy et nous a tous gens d'armes et de trait, arc'hiers, arbalestriers et autres gens suivans la guerre, subgiez de mon dit seigneur le roy, et nous prions, requérons tous aultres, amis, alliez et bienveillans de mon dit seigneur que les dictes parroisses ilz ne pillent, appatissent ou composent ne rançonnent, prennent appatis, injurient, oppriment, grievent ou damàgent en aucune manière les dictes parroisses ne habitanz en icelles ne aucun d'eulx. . 6. . subgiez et obbeissans a mon dit seigneur le roy, ains les préservent, gardent et deffendent de tous ceulx qui ce vouldroient faire.. 7.. au contraire de ces présentes et delessement d'icelles. Et pour ce que, obstans les grans affaires et charges que avons d'aultre part pour le bien de ce royaume, nous ne povons pas vacquier ne entendre a avoir la cognoissance des deliz, maléfices, excès et abus qui pourroient estre faiz aus devant dis parroissiens durant le temps de cestes, nous, de nostre certaine science et pour certaines causes et consideracions ad ce nous mouvans, avons commis et or-