Manche, arr. Coutances, c. Lessay
en nostre dit bailliage et d'icellui mist hors nos dis adversaires lors tenans et occuppans icelluy; et pour ce faire lui convint supporter grans faiz et sumptueux et despens, et depuis luy a convenu faire garder icellui chastel et forteresse par gens de guerre à ses despens et en grant, pour ce qu'il estoit en frontière contre plusieurs places qui long temps après icelluy recouvrement ont esté occuppe'es par nos diz adversaires, et mesmement jusques au jour d'uy, sans ce qu'il en ait eu aucune recompensacion; et combien que icelluy chastel, forteresse et terre du dit lieu de Pirou soit en litige de procez entre le seigneur du Hommet, d'une part, et Thomas du Boys, chevalier, d'autre, disant chascun d'eulx icelluy chastel et seigneurie du dit lieu à eulx appartenir, et que par justice ait esté déclaré que les fruitz et revenues d'icelluy chastel et seigneurie seroient séquestrez et mis en nostre main et soubz icelle bailliés à recepvoir à personne solvable par et en rendant compte et reliqua : parquoy, obstant les choses dessus dictes, nostre dit cousin n'a peu avoir sa recompensacion des fraiz par luy mis et soubstenus à cause de la reduccion et garde d'icelluy chastel ne aussi estre deschargié d'icelluy, et que impossible chose lui seroit de garder ou faire garder ou temps advenir, pour ce qu'il est assis sur la coste de la mer prez des ysles de Gerry ' et de Gernesy 2 occupez par nos dis adversaires et en lieu dangereux, nous a icellui nostre cousin requis lui estre sur ce de remède convenable pourveu. Pour quoy, nous, les choses dessus dictes considérées,... advons ordonné et ordonnons que, pendant icelluy procès et jusques à ce que nostre dit cousin ait esté recompensé des mises par luy faites en faisant le recouvrement d'icelluy chastel et de ce qu'il a depuis fait garder à ses despens, que, sur tes deniers yessans de la revenue d'icelle seigneurie ou dit séquestre, aura et prendra le paiement de deux lances et six archiers lesquelx feront continuelle résidence, tant de nuyt que de jour, à la garde du dit chastel... Donné aux Montilz lez Tours le xvne jour
1. Gerry est le nom qu'on donne encore aujourd'hui, en patois bas-normand, à l'île de Jersey.
2. Guernesey. Pirou est en face de Jersey seulement. L'île de Guernesey se trouve un peu plus au nord.
de mars l'an de grâce mil une cinquante, et de nostre règne le xxixe. Par le roy en son conseil. A. Rolant.
(Arch. Nat., sect. hist., K 68, n° 4j.)
