Manche, arr. Saint-Lô, c, Saint-Jean de-Daye

pellande de burel à homme de l'estimacion de xxx solz ou environ ; et avec ce prindrent deux chapperons à homme dont l'un povoit bien valoir trente solz ou environ et l'autre ne valoit que pou de chose. Et si fu prins en leur compaignie par un nommé Guillaume Lievin une teille au Hommet ' de l'estimacion de vint cinq solz tournois ou environ Et après ce, en eulx en alant du dit lieu de Tribehou, ilz rancontrèrent un homme, duquel n'est recors du nom, sur le chemin, auquel ilz ostèrent et coppèrent sa bourse où il avoit sept bretons, dont ilz en prindrent les quatre et les trois autres lui rendirent avec sa dicte bourse. Et aussi le dit Guillaume Fouques print une paire de souliers sur un homme du pais et lui bailla les siens qui n'estoient pas si bons. Pour lesqueles causes, les dessus diz furent poursuiz et prins par les gens du pais et trouvez saisiz des choses dessus dictes, lesqueles ilz rendirent à ceulx à qui elles estoient ou à personnes pour eulx qui les demandoient'ou poursuivoient. Et tantost après ce qu'ilz se furent departiz les ungs des autres assez bien contens, ceulx qui les avoient poursuiz se retournèrent sur eulx et les prindrent et menèrent au viconte de Coustances et baillèrent en main de justice les choses dessus dictes qui rendues avoient esté par les dessus diz et qui encores sont en main de justice, lequel viconte après fist mettre tous les dessus diz en nos prisons de Coustances où ilz ont esté par trois sepmaines ou environ, et depuis icelui viconte ou son lieutenant les a fait mener en noz prisons à Saint Lo puis xn jours ença... Si donnons en mandement par ces présentes au bailli de Coustantin... Donné à Rouen le xixe jour du mois d'aoust l'an de grâce mil cccc trente quatre, et de nostre règne le xne. Ainsi signé : par le roy, à la relacion du Conseil. J. Milet.

(Arch. Nat., Sect. hist., JJ i j5, n° 353.)

i. Auj. le Hommet-d'Artheuay, Manche, arr. Saint-Lô; c. Saint-Jean-de- Daye. Le châtean du Hommet était alors occupé par une garnison anglaise dont Guillaume Cressouel faisait sans doute partie.

Mandement de Henri VI allouant une indemnité de quati e livres' tournois par jour, en sus de ses gages ordinaires, à son secrétaire maître Jean de Rinel envoyé de Rouen à Vire et de là à Savigny par devers Richard Venables et autres hommes d'armes et de trait qui occupent l'abbaye de Savigny.

Henry, par la grâce de Dieu roy de France et d'Angleterre, à noz amez et feaulx les trésoriers et generaulx gouverneurs de noz finances en Normandie, salut et dilection. Savoir vous faisons que, pour le bien de nous et de nostre pais de Normendie, nous avons ordonné et ordonnons nostre amé et féal secrétaire maistre Jehan de Rinel aler présentement, en la compaignie d'aucuns de noz officiers et serviteurs, à Vire et d'ilec à Savigni ', se mestier est, pardevers Richart Venables et autres hommes d'armes et de trait estans en l'abbaie de Savigni, auquel nostre secrétaire, pour lui aidier à suporter les frais et despens que faire lui convendra à l'occasion de ce voyage, lui avons tauxé et ordonne', tauxons et ordonnons par ces présentes la somme de quatre livres tournois, oultre et pardessus ses gaiges ordinaires de notaire et secrétaire, pour chascun jour qu'il vacquera en icelui voyage à compter du jour qu'il partira de Rouen pour ce faire jusques à son retour pardevers nostre très chier et très amé oncle le gouvernant et régent nostre royaume de

France Donné à Rouen le 111e jour de septembre l'an de

grâce mil cccc trente quatre et de nostre règne le douziesme • Par le roy, à la relacion du Grant Conseil. J. Milet.

(Bibl. Nat-, Quittances, t. 67, n° 2347.)