MAI, SAINT-LÔ

Thomas, sire de Scales et de Nucelles, vidante de Chartres, gouverneur de la basse marche, sénéchal de Normandie, mande aux lieutenant du bailli de Cotentin et vicomte de Carentan d'appeler sous les armes tous les nobles et gens de guerre et de lui envoyer cent charpentiers et pionniers munis chacun d'une hache.

Thomas, sire de Scalles et de Nucelles, vidame de Chartres, gouverneur de la basse marche, seneschal de Normendie, à Robert Josel, lieutenant gênerai du bailli de Costentin, et au viconte de Carenten et à chascun d'eux ou à leurs lieuxtenans, salut. Nous vous mandons expressément de par le roy que incontinent et sans delay vous faictes crier et publier par tous les lieux du dit bailliage que tous les nobles et autres gens qui ont acoustumé fréquenter la guerre incontinent et en toute haste et dilligence ilz se tirent devers nous pour eulx emploier au service du roy, ainsy que ordonné leur sera, sans en ce faire aucune faulte, sur paine d'estre réputés rebelles et desobeissans au roy nostre dit seigneur et pour telx estre pugnis. Ainsi vous mandons semblablement que des diz bailliage et viconte nous envoies le

nombre de cent charpentiers et pionniers, chascun garny de hache, sans en ce faire aucune faulte, sur paine de privacion de voz offices et d'en estre griefment pugnis, et de la recepcion de ces présentes nous certeffiés par ce porteur. Donné à Saint Lo le xxne jour de may l'an mil imc xxxvi. Ainsy signé : Fromont.

(Bibl. Nat., Quittances, t. 70, n° 2833.)