Genêts

6 Dragey.

Loups et Bouillon ; en la baronnie de Saint Paer ', Saint Paer, Saint Planchés, Granville, Saint Aulbin des Preaulx, Saint Jehan des Champs, Saint Ligier, Saint Ursin, le Mesnildré, Coudeville, Breville, Donville et Anquetoiville 2; en la baronnie de Bretheville, Bretheville, Verson, Danjehan 3 et Evrecy, pour tous les diz appatiz, impostz, aides et subsides prendre et lever, avoir et exiger, par leurs mains ou de leurs commis à ce, sur toutes les dictes parroisses qui sont tenues du dit moustier. Si vous mandons, commandons et expressément enjoingnons, et par especial à vous les capitaines et garnisons du Mont Saint Michiel, de Craon, Laval, la Gravelle 4, Montauldain 5, et Mausson 6, ensemble de toutes autres places quelconques emparées ou à emparer soubz nostre obéissance, prions et requérons vous, nos diz aliez et bienvueillans que des appaticemens, composicions, contribucions, aides, subsides ou autres impostz, comme qu'ilz soient appeliez, que des dictes terres et parroisses dessus nommées et de chascune d'icelles vous faictes, souffrez et laissiez les diz religieux ou leurs officiers et gens, à ce commis et ordonnez de par eulx, joir et user, lever et exptoicter pendant le dit terme de trois ans plainement et paisiblement, sans faire, mettre ou donner ne souffrir estre fait, mis ou donné par vous ou autres, tant aus dis religieux, leurs gens et officiers, aus dictes parroisses ou habitans d'icelles ne à au- ,cun d'eulx, quelque destourbier, arrest, courerie, contrainte, vexacion, composicion, prinse, emprisonnement, exaccion, empeschement en corps, biens ne autrement au contraire de ce que dit est, soit pour restes deues, prinses composées ou demourées en arrérages de par avant le jour d'ui ou pour autre quelconque cause ou occasion de guerre que ce soit ou puist estre. Et lesquelles restes, se aucunes en sont deues du dit temps passé à autres que les dis religieux, nous, en faveur du dit moustier, avons quittées, remises et pardon-

t. Saint-Pair.