II OCTOBRE, ROUEN

Mandement de Henri VI relatif au chiffre des contingents fournis

par les diverses garnisons anglaises de basse Normandie qui

doivent composer, sous les ordres de Thomas, sire de Scales, le

corps d'armée mis sur pied pour tenir frontière à la garnison

française de Granville.

Henry, par la grâce de Dieu roy de France et d'Angleterre, à noz amez et feaulx conseillers les trésoriers generaulx gouverneurs de noz finances en France et Normandie, salut et dilection. Comme, pour tenir serrez les ennemis et adversaires detenans à présent et occuppans le lieu et place de Grantville et les empeschier de grever et dommager le pais, nous, par noz autres lettres patentes sur ce faictes, avons ordonné nostre amé et féal conseillier et seneschal de Normandie Thomas, sire de Scalles, establir gens de guerre pour faire frontière à ceulx du dit Grantville es lieux et selon que pour le mieulx il verra appartenir pour le bien de noz seigneuries, pais et subgetz, et advisé que, pour le dit establissement, convient mander, assembler et emploier jusques à certain nombre de gefts de guerre pour nous y servir pour tel temps que bon nous semblera, c'est assavoir de la retenue et charge du dit sire de Scalles, tant pour sa conduite que pour les champs, trente lances à cheval et les archiers ; de la garnison de Vire, dix sept lances à cheval et les archiers ; de la garnison de Dampfront, vingt lances à cheval et les archiers; de la garni-

PIÈGES DIVERSES l6l

son d'Avranches, quinze lances à cheval et les archiers; de la garnison de Chierebourg, à prendre sur la diminucion faite des gens de guerre d'icelle pour ceste présente année, trois lances à cheval et les archiers; de semblable diminucion faite en celle de Faloize, dix lances à cheval et les archiers ; de la garnison de Goustances, des gens de guerre qui y ont esté mis du nombre qui de par nous en soulloit estre au dit lieu de Grantville, une lance à cheval et seize archiers; de la garnison de Carenthen, une lance à cheval et dix archiers; de la garnison de Baieux, une lance à cheval et dix archiers ; de la garnison de Saint Lo, une lance à cheval et dix archiers ; de la garnison de Caen, sur la creue des gens de guerre ordonnés illec, une lance à cheval et vingt archiers ; de la creue des gens de guerre ordonnés au bailli de Caen, deux lances à cheval et quarante archiers ; et de la garnison de Pont d'Ove, huit archiers.... Donné à Rouen soubz nostre seel ordonné en l'absence du grantle onziesme jour d'octobre l'an de grâce mil quatre cens quarante trois et de nostre règne le vingt ungiesme. Ainsi signé : par le roy, à la relacion de monseigneur le duc de York, lieutenant gênerai et gouverneur de France et Normandie. J. Derosay.

(Bibl. Nat., Quittances, t. 80, n° 487g.)

CGXXXV

1443, l6 NOVEMBRE, ROUEN

Henri VI mande à Jean de Semilly, receveur général de l'aide de 24,000 livres levée es bailliages de Caen et de Cotentin pour le recouvrement de Granville, de faire payer à Thomas, sire de Scales, chargé de la direction des opérations tendant au dit recouvrement, une somme de 200 livres tournois par mois.

Henry, par la grâce de Dieu roy de France et d'Angleterre, à noz amez et feaulx conseilliers les trésoriers et generaulx gouverneurs de noz finances en France et Normandie, salut et dilection. Comme à nostre amé et féal conseillier et seneschal de Normandie, Thomas, sire de Scalles, eust esté ordonné et baillié charge de par nous de soy employer et entendre ou fait de la frontière du lieu et place de Grantville, afin de tenir serrez les ennemis et adversaires occupans et detenans à présent le dit lieu et place de Grantville et les empeschier, le plus que bonnement pourroit estre fait, de grever noz pays et subgiez, en regard duquel service et emploite et pour lui aidier à suporter les fraiz et despens que faire convient en tel cas, nous eussions ordonné au dit sire de Scalles avoir et prendre de nous en particulier la somme de deux cens livres tournois par chascun moys durant le temps de son service en ceste partie, duquel regard il a eu payement jusques au quinziesme jour du mois d'aoust derrain passé des deniers de la somme de vingt quatre mil livres tournois ordonnée en l'année passée estre convertie et employée ou fait de l'entretenue de la dite frontière, et ouquel quinziesme jour d'aoust escheu ou environ icelle somme de vingt quatre mil livres tournois avoit esté toute distribuée ; et depuis ce jusques au jour de la date de certaines noz autres lettres patentes données ou moys d'octobre nouvellement passé, le dit sire de Scalles n'a eu ordonnance de

PIÈCES DIVERSES l63

payement du dit regard de deux cens livres tournoiz par moys, combien que durant icellui temps la dite frontière ait esté par lui ou soubz lui conduicte et entretenue et encores lui en ayons ordonné et baillié charge pour le besoing qui en est; pour ce est il que, les choses dessus dites considérées qui sont vrayes et notoires, nous, par l'adviz et deliberacion de nostre très chier et très amé cousin Richart, duc de York, nostre lieutenant gênerai et gouverneur de par nous de noz royaume de France et duchié de Normandie, vous mandons et expressément enjoingnons par ces présentes que par nostre bien amé Jehan de Semilly, de par nous commis et ordonné receveur gênerai es bailliages de Caen et Costentin pour le fait du payement et soldoy des gens des garnisons et retenues illec, et des deniers de sa recepte, vous faites faire compte et payement au dit sire de Scalles du regard devant dit de la somme de deux cens livres tournoiz par moys, pour le temps prenant pié du quinziesme jour du dit moys d'aoust jusques au jour que par le contenu en noz dites autres lettres patentes doit commencier l'entretenue de payement du dit regard, et pour rate d'icellui temps... Donné à Rouen soubz nostre seel ordonné en l'absence du grant le seiziesme jour de novembre l'an de grâce mil quatre cens quarante trois, et de nostre règne le vingt deuxiesme. Par le roy, à la relacion de monseigneur le duc de York, lieutenant gênerai et gouverneur de France et Normandie. J. Drosay.

(Bibl.Nat., Quittances, t. 80, n° 4goi.)

Henri VI, sur le rapport de Richard, duc d'York, son lieutenant général et gouverneur en France et en Normandie , mande à ses trésoriers de payer 3,ooo livres tournois à Thomas, sire de Scales, son conseiller et sénéchal de Normandie, pour les frais d'entretien de 5j lances à cheval et de 3 18 archers, du i5 août au dernier octobre 1443, sur la frontière de Granville.

Henry, par la grâce de Dieu roy de France et d'Angleterre, à noz amez et feaulx conseilliers les trésoriers et generaulx gouverneurs de noz finances en France et en Normandie, salut et dileccion. Comme, de nostre commandement et ordonnance, nostre amé et féal conseillier et seneschal de Normandie Thomas, sire de Scalles, ait entretenu et emploie en nostre service en la frontière de Grantville à rencontre de noz ennemis et adversaires le nombre et quantité de cinquante une lances à cheval et trois cens dix huit archiers lesquelz ne sont d'aucunes garnisons et y ont servi depuis le quinziesme jour du moys d'aoust derrain passé jusques au derrain jour du moys d'octobre prouchain après ensuivant et aussi derrain passé, sans avoir esté aucunement stipendiez, maiz à cause du dit service est deu au dit sire de Scalles grande somme de deniers montant à six mil livres tournois et plus dont il nous a requis provision de payement, savoir vous faisons que, pour nostre acquit en ceste partie et recongnoissance du dit service, nous, par l'advis et deliberacion de nostre très chier et très amé cousin Richart, duc de York, nostre lieutenant gênerai et gouverneur de par nous de noz royaume de France et duchié de Normandie, avons traictié et composé avecques le dit sire de Scalles que, pour le service des dictes cinquante une lances à cheval et trois cens dix huit archiers fait par le temps dessus

declairé, il aura de nous pour une fois seulement la somme de trois mil livres tournois dont paiement lui sera fait en ceste manière, c'est assavoir des deniers de noz finances de Normandie la somme de deux mil livres tournois, et de noz deniers d'Angleterre ordonnez avoir à nostre dit cousin et lieutenant à cause de sa charge et gouvernement de par deçà la mer la somme de mil livres tournois : auquel traictié et composicion le dit sire de Scalles, considérant la neccessité présente et la petitesce de noz finances , s'est liberalment condescendu, et, par noz autres lettres faites et données le jour d'uy date de cestes, vous avons ordonné et mandé... Donné à Rouen soubz nostre seel ordonné en l'absence du grant le penultime jour de novembre l'an de grâce mil cccc quarante trois, et de nostre règne le vingt deuxiesme. Par le roy, à la relacion de monseigneur le duc de York, lieutenant gênerai et gouverneur de France et Normandie. Drosay.

(Arch. Nat.^sect. hist., K 67, n° 21*.)