Langrune-sur-Mer, Calvados, arr. Caen, c. Douvres

rant à Mathieu ' ; Pierres Baudart, escuier, demourant à Coulombi2; Jehan de Troismons, escuier, demourant à Evrecy 3; maistre Jehan Leheriché, escuier, demourant a Fierville 4 ; le seigneur de Landes, demourant au dit lieu de Landes 5 ; Olivier de Clinchamp, escuier, seigneur des Meserez, demourant à Lesbisé 6 ; Benest Lecoustellier, escuier, demourant à Petiville " ; le seigneur de Caigny, demourant à Bleville 8, et Jehan de Mathen, escuier, demourant au dit lieu de Caen, — et leur baillier à chascun unes lettres closes à eulx adreschantes apportées de Rouen et envoiées de par très hault et puissant prince monseigneur le duc d'York, lieutenant gênerai et gouverneur de France et Normendie, par lesquelles lettres mon dit seigneur le duc leur fait savoir iceulx estre dénommez entre autres eu nombre de plusieurs chevaliers, escuiers, officiers et autres notables personnes par mon dit seigneur le duc esleuz et ordonnez estre en sa compaignie et avec luy aller devers très haulte et très puissante la princesse affyée et qui, au plaisir Dieu, sera en bref la femme et espouse du roy nostre souverain seigneur, laquelle on dit venir en bref en ceste seigneurie et obéissance, pour à sa très noble venue luy faire révérence et honneur deu et appartenant, et que chascun d'eulx se tiengne prest, le mieulx monté et honnestement habillié que bonnement luy sera possible, afin d'aller devers mon dit seigneur le duc lorsqu'il leur sera fait savoir pour icelle cause, et autres choses touchans le bien du roy nostre dit seigneur et sa seigneurie, — vous paiez, bailliez et délivrez des deniers de vostre recepte la somme de cent soulz tournois, pour son sallaire de la peine et despens de lui et son cheval à avoir fait et acompli les voyages dessus desclairiez où il a vacqué,