Alain de Boschen, abbè de Savigny de 1433 à

4. Nicolas Eschart fut installé comme abbé de Montmorel le 24 juillet 1448.

5. Philippe Badin, de Saint-Pierre-Langers, abbé de la Luzerne de 1407 à

CGLXXIII

I449, 2 1 SEPTEMBRE, L0UV1ERS

Lettres d'abolition générale octroyées par Charles Vil à maître Raoul le Jolivet, docteur en lois et en décret, curé de Barenton au diocèse d'Avranches, chanoine prébende de Coutances , du Mans et d'Avranches, qui avait tenu le parti des Anglais, aux mêmes conditions que celles qui avaient été accordées aux habitants de Coutances par le duc de Bretagne, neveu du roi de France, dans le traité de capitulation de la dite ville.

Charles, par la grâce de Dieu roy de France, savoir faisons à tous presens et avenir nous avoir receue l'umble supplicacion de maistre Raoul le Jolivet, docteur en loys et en décret, curé de l'église paroschial de Barenton ou diocèse d'Avranches et chanoine prebendé des églises de Coustances, Mans et Avranches , contenant comme, pour le fait des guerres et divisions qui par cy devant ont esté en nostre royaume et durant ce que les Anglois noz anciens ennemis et adversaires ont par usurpacion tenu nostre duchié de Normendye où il a de bons bénéfices, il lui a convenu pour avoir sa vie et son estât soy tenir et demourer ou parti de nos diz ennemis et adversaires les Anglois, et iceulx a fréquentez et favorisez et leur a donné conseil, confort et aide et toute autre obéissance, sans soy mesler toutesvoies du fait de guerre, par quoy il doubte que on lui voulsist ou temps avenir faire question et demande de ce que dit est, et à ceste cause lui mettre et donner en ses biens et bénéfices empeschement et destourbier, ou autrement l'accuser, molester ou donner aucune charge, en nous humblement requérant que ce en quoy il pourroit avoir mesprins envers nous à l'occasion dessus dicte nous lui vueillons abolir et sur ce lui impartir nostre grâce. Pourquoy nous, ces choses considérées, voulans nos vassaulx et subgectz réduire et re-

mettre à nous, au dit maistre Raoul le Jolivet suppliant, pour ces causes et autres à ce nous mouvans, avons, de nostre certaine science, auctorité royal et grâce especial, quitté, pardonné et aboly, quittons, pardonnons et abolissons par ces présentes tous les cas, delitz et offenses... et que le dit suppliant joysse ce non obstant des honneurs, franchises, libertez et prérogatives dont paravant ces choses il avoit acoustumé de joyr. Et en oultre de nostre présente grâce lui avons octroyé et octroyons par ces dictes présentes qu'il joisse de ses dictes prébendes et autres bénéfices dont il estoit possesseur paisible ou temps de la redduccion en nostre obéissance de nostre dicte ville de Coustances, sans ce qu'il soit tenu en prendre nouvelle possession, et qu'il soit comprins en l'abolicion et composicion, faicte par nostre très chier et très amé nepveu le duc de Bretaigne et autres noz chiefz de guerre estans en la redduccion de nostre dicte ville de Coustances, avec les gens d'église, nobles, bourgois, manans et habitans d'icelle ville, tout ainsi que se au jour d'icelle il eust esté en la dicte ville... pourveu toutesvoyes que le dit suppliant sera tenu faire le serment d'estre bon et loyal envers nous es mains de nostre amé et féal chancellier. Se donnons en mandement à noz amez et feaulx conseillers les gens tenans ou qui tendront nostre parlement à Paris et qui tendront nostre eschiquier en nostre duchié de Normandie, auxbailliz deTouraine et des ressorset exempcions d'Anjou et du Maine, de Coustentin et Caen... Donné à Louviers le vint et ungiesme jour de septembre l'an de grâce mil cccc quarante et neuf, et de nostre règne le xxvne. Ainsi signé. Par le roy, l'evesque de Lizieux ' et autres presens. Rolant. Visa, contentor. J. De la Garde.

(Arch. Nat.,sect. hist., JJ ijg, n° 3yy.)

I. Thomas Basin, cvêque de Lisieux du 1 1 octobre 1447 à 1474.

GGLXXIV