terme B

Taillebourc, vindrent assembler avec leurs autres gens. Et assez tost après assemblèrent les batailles et y ot forte bataille et dure. Là furent François desconfiz et y fut prins le mareschal de Neelle, Ernoul d'Odenehen, Régnant de Pons et grant foison de nobles chevaliers et autres. Et furent bien yi cens hommes d'armes mors et prins et les autres se retrairent en la cité de Sainttes.

Tan tost après celle desconfiture, envoya le roy Jehan Charles d'Espaigne, son connestable, cappitaine sur le dit pais et avec lui Bouciquaut, Friques de PYiquans et Jehan de Glermont et pluseurs nobles chevaliers, à tout grant foison de gens d'armes. Et une fois ala Bouciquaut et Friquant et Jehan de Glermont, Hutin de Vermelle et Floury ' de Tourmeville pour cuidier escheler la ville de Sainte Foy sur Dordonne, et avoient bien vi cens combatans et cuiderenl avoir aucuns de leurs aidans dedens la ville. Mais le seneschal de Bordeaux le sceut et se vint mettre dedens à tout grant foison d' Anglois et Gascoins, et y vint la nuit que François la pensoient à escheler. Et toutesvoies les François eurent aucun sentement des gens (jui estoient entrez en la ville, ou eurent destourbier par quoy ilz ne peurent pas parfaire leur emprinse, combien que ilz y essaiassent. Et quant il fut grant jour et les François furent retraiz es champs hors du trait de la ville, le seneschal de Bordeaux et ceulz de dedens la ville yssirent, et estoient bien autant ou environ comme les François. Et quant les François les virent, ils leur coururent seure, et là eut grant besongne, et

i. Fleury B.

y furent les Anglois desconfiz et fut prins le seneschal de Bordeaux et la plus grant partie de ses gens mors et prins.

Environ ce temps, prindrent yceulz François un lieu par assaut que on appelle la Mote, et furent touz ceulz de dedens mors et prins. Et tantost après on mist bastides ^ devant Saint Jehan d'Angeli que les Anglois tenoient, et dedens yceulz bastides ordonna le roy Jehan grant foison de gens d'armes, qui moût destraindrent la ville. Et assez tost~ après ala le roy Jehan au siège devant Saint Jehan d'Angeli. Mais tantost les Anglois demandèrent trieves de xl jours en tele manière, que se dedens les XL jours n'estoient secouruz, ilz rendroient la ville et le chastel. Lesquelz n'eurent point de secours et se rendirent sauves leurs vies. Et le roy Jehan s'en repéra en France et laissa Charles d'Espaigne et le seigneur de Beaugeu, mareschal de France, ou pais de Poitou et de Saintonge à tout grant foison de ses gens.

L'année de devant avoit esté prins Lodun, et y eut un moût grant assault et de grans saillies, car le Bascon de Mareil et pluseurs autres Gascoins et Englois estoient dedens, qui moût appertement se gouvernoient, et toutesvoies rendirent ils le chastel et s'en alerent.

Environ ce temps escherlerent et prindrent Englois Bescherel, et y ot une bataille prés d'Auroy, que feist Raoul de Caours et le sire de Beauvoir, et y eut mors

\. bastides manque B.

2. Le ms. 5610 reprend ici, mais à partir de la fin dit paragraphe et jusqu'aux mots meacion en cest livre (p. 100), // se conienl,e d'analyser sommairement le texte de A et B.

et prins bien v cens Eiiglois et y fut mort Thomas d' Agonie, qui estoit lieutenant du roy Edouart en Bretaigne *.

Environ ce temps fut la bataille des xxx, que fîst le sire de Beaumanoir de François contre trente Anglois, et combatirent en champ esleu et à jour nommé. Là fut mort Robert Brambroc, chief d'iceulz Englois, et tous les autres Anglois mors et prins.

Grans guerres ot en ce temps et moult de besongnes petites et grandes par le royaume de France, tant en Poitou, en Bretaigne, que sur les marches de Gascoingne, dont il n'est point fait de mencion en cest livre.

En ce temps que le connestable d'Espaigne et le seigneur de Beaugieu furent envoiez de par le roy ou pais de Poitou, fut prinse la ville de Lesignen et l'église, mais le chastel se tint, et y eut pluseurs forteresses prinses sur le pais. Et fut Ernoul d'Odenehan délivré de la prinse de Saintes et fut ordonné à certaine quantité de gens d'armes de par le roy Jehan sur le pais de Limosin et de Pierregort. Une fois chevauchoit le dit Ernoul d'Odenehen pardevant une forteresse, que les Anglois tenoient, nommée Gombort, et avoit avec lui bien ii cens hommes d'armes, mais à ycellui point estoient assemblez pluseurs Anglois et Gascoins au dit lieu de Gombort, bien ii cens hommes et v cens servans, et les gouvernoit Ernault de Labret, Emelion de Pommiers, Emery de Tartres, le sire de Montferrant et le Basque de Mareul, lesquelz yssirent en bataille contre le dit Ernoul d'Odenehen. Là ot grant